موضوع:- بداياتي
موضوع بداياتي .
وهذا للجميع بدون استثناء أخواتي وإخواني .يحاول العضو أن يكتب ولو بيت واحد وسوف نقف معه وندعمه ونعدل له ما عنده من أخطاء. أمل من الإخوة والأخوات التفاعل وإثراء الموضوع بمشاركاتكم. ادامكم الله احبتي فالله لرقي ورفعة وهجنا الغالي الى المعالي. . . . . . . . مرحباً بكم. و في انتظار الفارس او الفارسة الاولى... |
عذب القوافي .. التفاته رائعه منك واضافه قيمه للساحه الشعريه .. متمنيه أن يحقق هذا الموضوع غايته والفائده المرجوه منه .. وهو صقل كل موهبه شعريه تحتاج لمن يأخذ بيدهـا في بداياتها .. لا عدمنـا مجهوداتك الطيبه |
عذب القوافي
ما شاء الله ، سلمت يداك على هذه اللفتة الرائعة من شخص رائع وراقي في فكره وتطلعاته .. لا عدمنا مجهوداتك الرائعة في مجال الشعر خاصة وفي شى المجالات عامة .. ليس في الشعر غير التذوق البسيط وأحياناً بعض الخواطر المحدودة التي تعبر عن مكنونات بداخلي .. أشكرك مرة ثانية أخي أسأل الله أن يجعلها في ميزان حسناتك |
[frame="13 70"] اشكرك ياعذب القوافي على طول مـن يوم ناديـت وشـحـذت الهمايم انت الـقـوافي طايعـه مـعـك وتـقـول يـالـعـذب يالنـبـراس يـابـن الـكـرايـم مـوضـوع قـيـم يـرفـع الـشـعـر وينول تـاج الـفـخـر والـعــز فـوق الـعـمـايـم سهــ محمد ــيل [/frame] |
اقتباس:
وهج الذكرى الرائع هو دعمك وتشريفك . كما اتمنى ان ارى محاولاتك الادبية ولو بيت واحد. كما اعتذر على الانقطاع , وذلك لسفري للاهل بالطائف. اجل التحايا.. |
اقتباس:
أمير وانت امير باخلاقك. حضورك هنا هو الروعة والرقي اخي الغالي. اعلم ان لديك محاولات شعرية, فلا تبخل علينا و تحرمنا مما تملك . اجل التحايا.. |
اقتباس:
ياسهيل فاح الوهج عطر ورياحين كله غلا لسهيل زاهي حضوره ********************* فاح عطر الوهج لا شاف البيوت من سهيل القرم جزلات المعاني. |
ان كتبت الشعر اكتبه لاجل البحور اللي لها قانون وقافية ومتون الشعر ياصاحبي احاسيس وشعور قوافي .. وقصيد .. وكلام موزون محاولات يائسه بقلمي المتواضع بداية متواضعه احببت ان اشارككم بها فأنا لااصنف ابداً ضمن الشعراء ولست بشاعر ولكني اتذوق الشعر ويستهويني ... اشكرك اخي عذب القوافي على هذا الموضوع الذي يبين مدى حرصك وحضورك وانا على يقين ان وهج الشعر بك سيزدان وسيزدهر .. ومااراه الان في موضوع بداياتي ماهو الا بداية لتألق واضح قادم . |
رائع عذب فعلاً كنت ابحث عن احد يشوف كتاباتي ويعلمني هل صح ام بها اخطاء في الوزن
الآن راح انزل كم بيات كتبتها من كم سنه ومحتفظه بها ..* |
هذي ابيات كتبتها من تقريباً من سنتين او 3 سنوات
عنوانها/ اعضاء المنتدى / ينشرح صدري بطلة أعضاء المنتدى ........................ وتكتحل عيني بشوفة أحبابها ترتسم بالمحيا بسمتي مثل الندى ....................... ولساني يتغني بكلام الحب وأشواقها صفــاتهــم يانـاس مــالهـا مـــدى ..................... لي الشرف دامني من أعضائها ياسعد حظي أكون انا لهم فدى ................... ترقص أناملي فرح بدخول أقسامها :) أعرف فيها ركاكه والوزن ماش بس ابيك تعلمني الصح والخطاء أذن سمحت :) ********************* وهذي كتبتها من سنوات لكن مااذكر كم سنه عنوانها/ المواجع / ليتك يازمن تخفف علينا مواجعنا ................... لجل نفرح ونهنى باقي عمرنا همومك غربلتنا وبالملامح غيرتنا ................. مانفرق بين شيبه وشبابه كل منا ذاق طعم المذله والمهانه .............. رب الخلايق ماينسى ولايضيع عباده ياجعلها بالموازن يوم القيامه ...................... الدنيا فانيه والآخره بالدوامه أنتهت ... باقي الكثير من ابيات ولكن ابي اكتبها ع شوي وشوي :) يعافيك ربي عذب القوافي |
اقتباس:
شمس الاصيل.... ما اجمل هذه المحاولات اليائسة... محاولا ت غاية فالروعة .. القافية كانت ممتازه ... الوزن كبدايه مقبول جداً. كثف من محاولاتك وسترى تغيرا ملموسا في كتابة الابيات. شكر ا من الاعماق لك ايها الاصيل . نحن في انتظار بداايات جميلة كتلك........ |
اقتباس:
روح الحياة..... الروعة في حضورك ونثر ابداعك ونبض حرفك هنا في بداباتي... |
اقتباس:
روح الحياة... ابيات في غاية الجمال... القافية كانت ممتازه..الوزن يبيلك تهتمين فيه شوي. ايضا اختي الغاليه... اهتمي باللغه المفرد الجمع لازم يراعى ويكون بالحسبان . مثال قصيدة المنتدى (( لي الشرف دامني من أعضائها))اعضائها جمع والمنتدى مفرد .. اعلم ان القافية حدتك على كتابتها... هذا لا يلغي جمال ما كتبني واعلم انكي تملكين افضل من ذلك بكثير.... سلمت اناملكي وقي شوق لما سوف تنثرين من ابداعانك هنا. |
اخوي اكثر ما اتعبني للغة الجمع والمفرد عجزت مرات تضبط معاي ومرات لا :sm241: فاضطرت اني اكملها نفس هالصيغه وادري انها خطاء ..:sm282: لكن بأذن الله احاول اعرف الشعر الصح
جزاك الله خيراً |
[frame="13 60"] مـرحبا باللي بدع عـذب المشاعر في وهج ذكرى الحبايب والتلاقي منـتـدى يجـمـع لـنـا كـاتـب وشاعر مـع اديــب وراوي ومـنـثــور راقــي جمـلـة اداب ٍ تخـلـي الفـكـر ساعر يجـتـلـد ينـقـى درر عـمـق العماقي سهــ محمد ــيل [/frame] |
الخرج ياسهيل نامت بين شعف ومطر
صارت من الماء تلاطم كل حاراتها كوارث الغيث عبره وين من يعتبر الناس ياسهيل تاهت في ملاذاتها.... عذب القوافي |
[frame="13 60"] ياعذب القوافي شاقني بيت وشطر وشـطـر ٍ يـبـيـح الـنـفـس ومكنوناتها الله يـحـمـانا .... لـيـا جـانـا الـقـطـر والـنـفـس تكـضـم ضيـقـهـا وعـلاتـها سهــ محمد ــيل [/frame] |
[frame="13 70"] الليل يبحث فـي خوافي النفس والدمعه تطيح والشوق ريحـه عاتيه هبـت على الذكـرى عليه والنوح يـقـلـق كـل سـامـر منـعـطـب ولا جـريح الين يصـهـر خـافـق المـبـلـى بلـى ذنـب ٍ وجيه سهــ محمد ــيل |
لا ضاقت الدنيا تزهب وانحر البر الفسيح
خلك مثل صقر يحب الصيد لو هو ما يبيه اترك ردي الخال والنمام والشخص الشحيح دور على اللي لا جفاك الدهر قوله يحتميه.... عذب القوافي |
ماشاءالله موضوع جميل ورائع
عذب القواااااااااااافي يعطيك العافيه وأنتظرمالدي من أبيات أقدمهالكم وأعتذرعن التأخير لي عوده |
عدت لكم بأبيات أنتظرالتقويم منكم
حبيبي طــــــــــــــول الغــــــــــــــيبه ولامـــــره ســــــــــأل عـــــــــــــــني رمانــــــي وســـــــــــط تعـــــــــذيبه وهــــــوبالـــــــــــــروح ساكـــــــــني قطــــــــع عنـــــــي مكاتـــــــــــــيبه نســــــــى حـــــــبي تجاهلــــــني عـــــــساه يعــــــــــــودلطـــــــــــيبه ومــــن غيــــــــــــابه يفهمـــــــــني أســــــــــــولف لـــــــــــه وهلـــــيبه مثل ماكــــــان فــــــــي ظـــــــــني تجنـــــــــــــــــــني أسالـــــــــــــيبه أحســــــــه قطـــــــــــــعةٍ مـــــــني يهــــــبل صــــــــدق ماصخـــــــــيبه حــــــــــلاه بــــــــذوق يفتـــــــــني أشـــــــم الــــــوردومــــــــــشي به لوصـــــــــــله كـــــــــان واصلـــــني عســــــاتصــــــــفى مشــــــــاريبه لجــــــــــل يصـــــــــــفاويحضـــــني عاشق القصيد/بقلمي |
[frame="13 60"] عـهـد الـمـحـبـه خـربــوه المحـبـين [/frame]ماعـاد فـيـنـا مـثـل قـيـسٍ ولـبـنى واستثني اللي بالوفاء دوم وافين اللـي محـبـتهـم مـع الـوقـت تبـنى سهــ محمد ــيل |
اقتباس:
عاشق القصيد... الحمد لله على السلامه. الطيّب كل يدوره يالذيب. ابيات في غاية الروعة والجمال. اذا بتغيب وتكتب لنا سمفونية كتلك , فاهلا بالغياب بس لا يطول. سلم بنانك على هذا البوح الراقي.. اجل التحايا..... |
ارحب يا سهيل..
عهد المحبه ما تغير من سنين المشكله يا سهيل حنا كبرنى.. الحب مشكلته بنات وبزارين... كل على ليلاه يالذيب غنى... عذب القوافي.. |
ياهلا وغلا بك اخوي عذب القوافي ولا هانو الاخوان والاخوات المتواجدين [frame="13 60"] ارحب هلا بك عد ورد البساتين [/frame]ياللي حروفك تطرب اللي تعنا الحب قانـونه شـروط ومـوازين شيب لحـانا يـوم هـو قـد سكنا سهــ محمد ــيل |
وهذي كم بيت كتبتها من قبل :
عنوانها / ياقلب صبرني ياقلب صبرني على همي وأحزاني ................ وياعين هلي على خدي فيض دمعاتي جرحً أنكوى منه قلبي وأحساسي ..........،......... مايمحي لو بحلوف وأعذاري أكتم الحسره بعماق وجداني ................... وأرسم البسمه سراب بشفاتي آه يازمن ليتك تداوي أوجاعي ................... كان أرتشف طعم الفرح ساعاتي أنتهت ،،، اعرف ابياتي بها عيوب في الوزن واريد ان تنبهني عنه،، |
صح لسانك يا بو سعد....
ولا هانو الجميع. الطيّب ساسك ما يبيله براهين. طيبك مع العالم قصورٍ تبنا. انا اشهد اتك من سلالة شياهين. اللي عن حدود الوطن ما تونا.... |
بصراحه اجد حروف ابياتي امام ابيات الشعراء المميزين عاشق القصيد وعذب القوافي وسهيل نقطه في بحر
حروف تخجل ان تقف امام حروفكم وابداعكم ماشاء الله كل واحد يمتلك شاعريه عذبه |
اقتباس:
روح الحياة... محاولتك هذه افضل من سابقتها. نعم الوزن يبيله شوي تعديل. علشان يستقيم معاك الوزن لازم تغنين ما تكتبين. من هنا تعرفين وين الكسر في البيت وحاولي تعدلينه. حاولي فقط وراح تنجحين ان شاء الله. ابيات راائعة لا حرمنا الله من بوح وجدانك... ارق التحايا. روح الحياة.... |
[center]
روح الحياه ابياتك كانت جميله ورائعه والوزن سوف يستقيم بأذن الله مع الوقت استمري بسماع ابيات تقراء وحاولي تلحين ابياتك وسوف تتحسن صح لسانك يالعذب وكل الا خوان والاخوات المشاركين [frame="13 60"] البارحه فـي مـركب الحـب غـافين [/frame]والمـوج فـي بـحـر الغـرام استرقنا نلعب على شاطيه ونكتب بحرفين والشعـر ديـوان العـرب هـو هدفنا سهــ محمد ــيل |
مياس قد ومبتسم داعج العين
مخلوط عطر الخل هيلٍ وبنا الحب كاسٍ شار بينه من سنين حب الوطن هي دارنا هي سعدنا |
[frame="13 60"] محد ٍ مشكك في ولانا لهالدين والـدار نـفـديـهـا بكل مـا مـلـكنا لـكـن نفـس الادمـي تتبع الزين وتبـيًـح اللـي فالخـفـا مسـتـكنا ماشفت وصف لعنتره فالميادين بيقبل سيوف العداء اللي لمعنا ذكـرته بثـغر ٍلـبـنـت السلاطيـن والسيف مسلـول ٍ ورمـحن تثنا سهــ محمد ــيل |
يسهيل خلك دائما بين ثنتين.
بين الرجا والخوف لله زبنا يسهيل لا تفتنك مريوشة العين.. ونضيع بعد سهيل يا ناس حنا... ههههههههه |
هههههههههههههههههههههههههه صح لسانك اخوي عذب [frame="13 70"] اللـي يـبـي للـخـيـر ربـك لـه يعـيـن [/frame]وحـنـا جـمــامـيـلٍ ونــتــبـع ظـعـنـا نضرب فيافي نجد والناس ممسين ونــدلًـه انـفـسـنـا مـع الـلـي فـتـنـا نكـتـب لـه اشـعـار علـى راحـة يدين لا قــلًــت اوارق ٍ عـلـيــهــا كــتـبــنـا سهــ محمد ــيل |
غز الله انك راس منت بكراعين..
طيب وكرم مثل القصور المبنا. اخوتك تشرى ولو بالملاين. واللي جفاك ابشرك ما تهنا.. عذب القوافي..... |
هلا وغلا يالعذب وماعليك زود من طيبك وطيب راسك [frame="13 60"] ديـمة مطـر يالله جعـل هلها خير [/frame]تعـم كـل ارجـاء الجزيـره وعـربها وتعـوًد ريـاض محلة والمـخـاضـير تـشـعـشع وكل الـعـرب يجـتـذبها سهــ محمد ــيل |
صح لسانك يا بو سعد.......
سلامي عليكم وارحبوا يا مساء الخير.. مسا الطيب وانسام الهبايب تداعبها.. ترفع عن دروب الخطاء وافهم التحذير... ترى النفس تهوى يا فتي من يحاسبها... عذب القوافي,,,, |
[frame="13 60"] ارحب هلا بك يارجل والمعاذير [/frame]كـل ٍ قبلـهـا والـرجال تحـسـبها البحر مـاخـذلـه رجـال ٍ مـغاوير والبر قبله روس قوم ٍ عـطـبـهـا سهــ محمد ــيل |
ترى الرجل راع الطيب يستاهل التقدير.
هذا قول راع العرف واللي مجربها. سهيل اليماني منيته في ملاعب طير... مع الوقت يا ابو سعد تصفي مشاربها.. |
[frame="13 65"] هذي الدنيا كـمـا البندق اللي لها تعمير [/frame]وحظـك في زنـاد البندق اللي تـثـور ابها لـيـا صبـت النصع بيقوم حظك مايبي تعبير تـوكـد قـبـل تـحـمـل البـندق انـك مـجـربها سهــ محمد ــيل |
الساعة الآن 04:07 AM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون