|
مسحراتى ونصيحه يوماتى..!!
[ALIGN=CENTER][TABLETEXT="width:80%;background-image:url('http://wahjj.com/vb/backgrounds/21.gif');"][CELL="filter:;"][ALIGN=center] مسحراتي ونصيحه يوماتي غلبان كده زي حلاتك وحلاتي وصل هنا لإخواني وأخواتي هنا في وهج الذكرى ميعادي معاكم بأمر الله الأيام الجايه نصبح عليكم ومعانا نصيحه بسيطه لمعاليكــــــم معاكم المسحـــــــراتي في خلال 30 يوم هيقول ويهاتي حكايه كده نصيحه كده مين قال قولي ؟؟ مين قال هااتي ؟؟ أنا لا علاّمه ولا هفرض معلوماتي لأنها نصايح مرت عليكم ومرت على حياتي بإذن الله نتعلم منها .... ما هيّاا ممكن تكون ماضي وممكن أووووي تكون آآتــــي يلا ننقشها في ذكرياتك وذكرياتي استنوني واعوا تنسوني في رمضان ليلاتــي http://up.graaam.com/uploads/imag-6/...a8c3e46277.gif |
اصحى يا نايم اصحى يا نايم وحد الدايم مسحراتى من اهل بلدك جايلك يصحصح قلبك وبدنك جوايا فكرة بتزق فكرة وأمل ينادي على شمس بكرة.. اصحى يا نايم وحّد الداايم ماسك طبلتى فى ايدى بدقدق 5 دقات دقه ملح فيها سميطنا يتغمس وفول سحورنا يحلى بيها ويدمس ودقه بظبط بيها رتم دنيتنا ودقة نصحصح الكسلان فى سكتنا ودقه فوق دماغ الظلم يتربى ودقه قلب من غلبان شايل فى طبلتة محبه اصحى يا نايم وحد الرزاق رمضان كريم http://files2.fatakat.com/2015/5/14315584811851.gif |
http://n4hr.org/up/uploads/n4hr_149463762042.gif أنادي وأنادي ومين يرد على حلاتي اصحى يا نايم وحد الدايم واسمع مني نصيحه واضحه كده و صريحه معانا اليوم أب شاف ابنه دايما غضبان يطلع منه كلام تتسد معاه الودان ويرجع تاني على اللي عمله ندمااان بس للأسف اللبن مش بيرجع رايق ويندم على كلامه وهو فاايق قاام الاب طلب منه يدق مسامير ف السور وده من الفطور للسحور ويشوف دق كام وقت العصبيه والشتيمه حَسَبْها الولد لقى ف اليوم الاول كتير وكل يوم يعدي يحسبها تكون قليل رد الاب وقال كده حلو وجميل بس في طلب ترجع تاني تشيل كل مسمار دقيته وجيت بعصبيه ف السور حطيته اتعجب الواد ونفذ كلام ابوه بسرور وشاال كل المسامير من السور رد الاب وقال شايف كل الثقوب مش هتروح أبداا لانها بالنقش مكتوب يعني ممكن يخرج منك كلام وقت الضيق تسيب أثر ف النفوس حتى ف الصديق مكان السكين عميق يا مسكين لااااازم كظم الغيظ وتحاسب على كل لفظ طولّت عليكم يا أحبابي جه وقت السحور وفراقي استنوني ف ميعادي http://www.7lwthom.net/up/do.php?img=10051 |
فين الناس ؟ فين كل قمر ونااااس ؟ فين كل الدفااا والإحساس ؟ حد يرد على طبلة المسحراتي ويقول هاتي هاتي نضيف لذكرياتي ساعات حاجات بسيطه عندك وعندي نص بيكمّل التاني ... يا الأفندي كان في واحد بيحكوا عنه اسمه غاندي راجل كده ملو هدومه وغلاوتكو عندي لما ركب القطر ووقعت منه فردة جزمه بص ع الفرده التانيه وقالها ..... ولا ليكي أي لازمه وقاام رماهاا ورا التانيه وحالا فهمت قصده ف ثانيه أقولوكم يا متسحرين ؟؟؟؟؟ اللي جه على باله هو المسكين أما يرمي الفرده التانيه هيستفيد بالاتنين يعني آخر الكلام الحسنه تكون مش حسنه والسلام عطّر يا مؤمن الصدقه وزيد الحسنه بركه قوموااا بقاااااااا وأشوفكم بكره |
http://www.majalisna.com/gallery/177...1159145456.jpg ظهري انحنى من الكبــــــر طبعا يا أحبابي ما الكبر عبر هنفضل طول عمرنا نتعلم ولا يمر يوم من غير ما علينا يعلم خلي بالك من أمك يا ابن آدم بداال ما ترجع ناادم يا ترى صوتي مسموع ولا الكل نااااااايم اصحوا عشان تسمعوا وتتسحروا وتصوموا كويس وعلى يومكم تقدرواا نرجع تاني للام اللي بلاهاا الحال يغم بوس ايديها اطلب رضاها وايااك تنصر مراتك عليهاا ولا أقولك اوزنها 10: بدل مراااتك ما تخلي عليها واطيهااااا يلا أسيبكم للسحور وأحلم أنا بالفطووووور |
http://files2.fatakat.com/2013/5/13684022881622.gif
متخافوش ... متخافوش كلها وشوش بس وشوش زيف ع الوش منقوش الغريب ان مصرنا محتاجه مجرد رتوش اصحوا واسمعوني ومتجروش بقيت ماشي خايف وبطبل بحنيه أحسن ألاقي حاجه مستخبيه ابعتولي كوباية زبادي أكلها وحده وحده ع الهادي هسهر أحميكم بناي وطبله يا ولادي مبقتش مسحراتي بقيت مغنواتي خليكم كده زي حلاتي أغني على نفسي وأردد غنواتي وأوهم حالي بالأمان يوماتي قااعد هنااا للفطور يا أخواتي ليكم غالي تحياتي |
https://encrypted-tbn0.gstatic.com/i...XoRtyHRjEG3EtA جبت الحاجة هنيه تنوّر المكان معاها شمعة ولا همها تتلسع وبسمتها ولا كان بتقولكم يا أهل وهج الذكرى الود بين الأهل مش محتاج مرسال ولا كلام كتير ماهي مش لعب عيال تتزاور في رمضان كأنك قريت جزء م القرآن كأنك حنييت على غلبان كأنك تصدقت لوجه الرحمــــن يا أهل وهج الذكرى توااااادوو تراااحموووو ومن غير عتااب ولا تتكلموااا وهاخد هنيه ونروح نتسحروااا مسحراتي غلبان |
انثى متمرده رغم انه المسحراتي جزء لايتجزاء من رمضان في معظم الاقطار العربية لكني لااذكر انه مر علينا في المملكه العربية السعودية الا في بعض البلدان كمدينه جدة ربما لكني اعرف عنه الكثير نصائح غاليه ... وجماليات وقصص نفيسه جميله ... ومواقف رائعة بصراحه اعدتينا كثيراً لماض جميل راقي رائع ....من القصص التي مرت علي هذه السنه من خلال السناب وجدت ان المسحراتي في تركيا ( مزعج ) حد لاجنون ويستخدم بالاضافه الى طبلته صوت الونان الخاص بسيارات الشرطه وكانه يخبرهم بأن وقت السحور قد حضر ( بالقوة ) وهذي مشكله .. انثى شكراً على مجهودك الجميل والحضور الراقي كأسمك . |
روعــــــــــــــــــة موضوعك
سلمت أناملك وسلم إبداعك ودمتي بحفظ الله ورعايته |
اقتباس:
المشاركة الأصلية كتبت بواسطة شمس الاصيل http://wahjj.com/vb/wahjj.com/buttons/viewpost.gif انثى متمرده رغم انه المسحراتي جزء لايتجزاء من رمضان في معظم الاقطار العربية لكني لااذكر انه مر علينا في المملكه العربية السعودية الا في بعض البلدان كمدينه جدة ربما لكني اعرف عنه الكثير نصائح غاليه ... وجماليات وقصص نفيسه جميله ... ومواقف رائعة بصراحه اعدتينا كثيراً لماض جميل راقي رائع ....من القصص التي مرت علي هذه السنه من خلال السناب وجدت ان المسحراتي في تركيا ( مزعج ) حد لاجنون ويستخدم بالاضافه الى طبلته صوت الونان الخاص بسيارات الشرطه وكانه يخبرهم بأن وقت السحور قد حضر ( بالقوة ) وهذي مشكله .. انثى شكراً على مجهودك الجميل والحضور الراقي كأسمك . من غير المسحرااتى مفيش رمضان احلى حاجه وهو ماسك طبلته وبيصحى ناس اصلا صاحيه ههههه بس مع دخول رمضان وصوت طبلة المسحرااتى رمضان له طعم تانى نورتنى شمس وخلاص انا كده هجيب طبلتى واجى اشتغل عندكم مسحراتى 66: نورتنى وربنا وكل سنه وانت بخير يارب |
اقتباس:
المشاركة الأصلية كتبت بواسطة حائره http://wahjj.com/vb/wahjj.com/buttons/viewpost.gif روعــــــــــــــــــة موضوعك سلمت أناملك وسلم إبداعك ودمتي بحفظ الله ورعايته حبيبتى ربنا ما يحرمنى منك يا عسسسل انتى نورتينى1-54 |
http://files2.fatakat.com/2013/5/13684022881622.gif مسحراتي وكبرت طبلتي عشااان تتمشى مع نصايح حضرتي وصوتها يكون عااالي ويصحى صاحب النوم التقيل وبطلب كمان السماح من اللي تعبان وعليل كلامي النهارده يمكن ميعجبش ناس كتير طبعهم غريب والله ولا يسوى أي تقدير قبل رمضان شتايم وسب في رمضان احترام ولسان طيب وكله شت أب هو قبل رمضان رب وف رمضان رب احترم لسانك وبلاش تتكبر بأدبك تمشي كده وتتمختر ولا يعجبك حد وتتمنظر خلص كده الكلاااااام دخلين ع السحور وبلاش بكره نفطر |
http://files2.fatakat.com/2013/5/13684022881622.gif متخافوش ... متخافوش كلها وشوش بس وشوش زيف ع الوش منقوش الغريب ان مصرنا محتاجه مجرد رتوش اصحوا واسمعوني ومتجروش بقيت ماشي خايف وبطبل بحنيه أحسن ألاقي حاجه مستخبيه ابعتولي كوباية زبادي أكلها وحده وحده ع الهادي هسهر أحميكم بناي وطبله يا ولادي مبقتش مسحراتي بقيت مغنواتي خليكم كده زي حلاتي أغني على نفسي وأردد غنواتي وأوهم حالي بالأمان يوماتي قااعد هنااا للفطور يا أخواتي ليكم غالي تحياتي |
http://www.majalisna.com/gallery/40/...1310042819.jpg شوفوا مين جي يصحركم صغير ... كبير للود واصلكم اياااك تستهون بالصغير ولا تعمله حساب ده اللي ف لحظه يعمل الدهب م التراب عاايزين منكم تشجيع وكلمات الثواب مش كل شويه عقاااب ... عقاااب بشطارتكم .. معاكم هم مفتوح كتاب ونقول هلا بالسهل بعيد عن الصعاب ويعيشوا واقعهم أبدا مش سراااب وأقلامهم هيكونوا أقوى م الحرااب ترشق في صدور الأعادي وتعلى الرقاب آخر كلامي خلّوا باكم م الشباااااب وأتمنى لكم سحوور شاهي يا الصحااب |
مين حس فيكم بفانوس غزه
مسجون ولا لاقي حتى النسمه مخنوق م الأسر وبيطلب نجده بس الغريب انه من وراا القضبان في نور حاسس بالناس وهو ع البيبان يدور مسير الحريه تيجي والقضبان تزور حتى لو راح صوتنا والذراع بقاا مبتور ونترك العشش ونسكن القصور وعلى كل قبر شهيد ننثر الزهور معلش تعبني شكل فانوس غزه ورا القضبان عصفور مكسور جناحه وهو في وقت البكور يلا نشف ريقي وحااان وقت السحور مسحراتي غلبان |
صحيت النهارده لقيت نفسي مخطوف هو أنا بقول كلام خارج عن المألوف ؟ الكل فااهم وتلميحي معروف العيب يا ناس اننا فاهمين معنى الحروف وبنحط النقط ولو على رقبتنا السيوف هو كده ..... لازم تقول الحق لاننا ع الدنيا ضيوف يعني تنام على مخدتك وانت عامل معروف بدااال ما تندم متاخر وتضرب الكفوف حياتي مثلكم للأسف تحت الظروف مش هطوّل عليكم .. عشان محدش يقولي اسكتي احسن غيرك نشوووف 38: |
https://lh4.googleusercontent.com/-N...la-aleslam.gif صوتي وااصل للبعيد والقريب عن الصديق هيكون لي كلام عجيب جرّب معايا يمكن كلامي يصيب نجيب من الاكياس تلاته ونوزعهم على تلاته ونطلب منهم كل ما يزعلوا حد يحطوا تفاحه ويقفلوا الكيس وده هيكون من الايام أسبوع كلام طيب مافيهوش رجوع صاحبنا الاولاني بيخسر من الاصحاب كتير كيسه مليان تفاح ومقفول عليه صاحبنا التاني تفاح قليل ومقفول عليه صاحبنا التالت تفاحه او اتنين ومقفول عليه تفاح ومقفول عليه يعني عفن تتمنى ترميه حمل تقيل هو خسارة الصديق يا بشر الصديق وقت الضيق كان ف الاول فواح مثل التفاح وبخسارته صار حِمل وفتيل بدون مصباح حاسب ع الصديق وايااك بسوء الرفيق أشوفكم بكره ونتقابل في أقرب طريق مسحراتي غلبان يلف المكان |
،،، أجزل الله لك العطاء أنزلك منازل الصديقين والشهداء
في جنة رب رحيم قادر على ما يشاء ،،، |
https://lh4.googleusercontent.com/-N...la-aleslam.gif مع رمضان والليالي الحساان جيت أسحر كل أصحاب المكان هخبط بشويش أدام فرن العيش وهخبط بأصوول أدام كل عربية فوول وهقف في وسط الحااره وأنادي حد يحدف للغلبان علبة زبادي و ف وسطه القعده الحلوه هقول كام كلمه تزيد القوه خليك في حالك ولا تطمع في مال غير مالك ولا تبص على خيرات غير دارك كان معانا بستاني يراعي بستانه واخد باله من مااله عشاان عياله وف يوم مر الثعلب وشااف الشجر وجماله قال لو أطول أنط السور وآكل ثماره ولما نط قال هيكون البستاني مش واخد باله طول الليل يآآكل ويسيل لعابه بطنه انتفخت وساار تقيل جناابه حاول ينط لما شقشق الصبح احتار في حاله لقى البستاني جاي من بعيد عمل نفسه مييت أكيد وقال في باله لو شفني مرمي هيرميني بعيد قرّب البستاني من المكار ومن غير تفكير ولا يحتار حط عليه العشب وكان هيولع فيه الناار فاااق بسرعه وجرى وقااال في نفسه بحسره دخلت جاائع وخرجت جائع لييه يا ترى ؟ عشاان بصيت على شيء مش لياا وطمعت في تعب غيري وكانت غيّه خلاااااص توبه من دي نوبه مش همشي مع الريح بداال ما أخسر كل شيء وبالوبا أطيح معاااااااااكم كان مسحراتي عامل نفسه فصيح هو على أد حاله ممكن بس صريح أشوفكم بكره وهجري دلوقت أسرع من الريح |
اقتباس:
المشاركة الأصلية كتبت بواسطة همس المطر http://wahjj.com/vb/wahjj.com/buttons/viewpost.gif ،،، أجزل الله لك العطاء أنزلك منازل الصديقين والشهداء في جنة رب رحيم قادر على ما يشاء ،،، اللهم امييين يا قلبى ولك بالمثل يا قلبى انا متحرمش منك يا روووحى Oouytwwwq999 |
http://img.rjeem.com/imgcache/2014/06/443981.jpg اكتمل القمر تمااام وبقا بدر خلاني أشوف أواام كل غدر يبان الغدار ولو مرت الأياام ويشااء الرحمن ويزول الغياام مش قصه كبيره انك تفهم أي انسان المشكله انك تآآآمن لكل من كاان والمشكله الأكبر سماعك لمعسول اللسان ينقط ف أوله عسل وف الآخر علقم وغثيان كلامي م الآخر مش كل من كان نسلّم له الأمان أستودكم ولاقوني في نفس المكان مسحراتي غلباااان |
http://www.majalisna.com/gallery/177...1159145456.jpg لكل مناا كتاب متعدد الصفحاات نسجل فيه بقلم غائر البصمات عن أيام خواالي و غالي ذكريات معلش أنا كده بيجيلي حالات لما يعلّم فياا صدمه من الصدمات ولما أتعب من العطااء ومسمعش الا هات ولما الكل يكون حوااليك يصدر بس فرمانات وتحصد من رصيد أيامك بس آهاات بجرّة قلم هتشطب ع الماضي وهتفكر بس ف الآتي يا ابن آدم انت تركيبة ذكريات واللي ينسى الماضي صعب يرسم أي آآت يا ابن بلدي كلامك شديد اللي ملوش قديم ملوش جديد ولو حافظت على قديمك هتبني شخصيه من حديد تعبت أنا من كتر الكلام بس المهم يفيد مسحراتي غلباان أكيد |
| الساعة الآن 08:33 AM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون