|
قومى يا عسل وبطلى كسل
[frame="1 70"]
السلام عليكم ورحمة الله وبركاته كيفكم يا حلواات يارب تكونوا بخير ياااااااااربhttp://forums.el3fefat.com/images/smilies/028.gif [/frame]الموضوع ده شفته وعجبنى وقولت اسرقه علشان خاطر عيونكم الموضوع اسمه "قومى ياعسل و بطلي كسل ممكن حد يفتى لي هل هذه السرقة حلال أم حرام؟؟؟؟:http://www.hmst-3q.com/vb/images/smilies/3_8_33.gif ههههههههhttp://forums.el3fefat.com/images/sm...833421_025.gif بس بجد عجيتنى الفكره قلت أطبقها هنا وكلنا نستفيد معلومات خطـــيرة وكلها إفاده معلومات في الطبخ معلومات للرشاقة مكياج للتنظيف للعنايه بالطفلhttp://www.h-m8.com/vb/data:image/jp...AxjGAMYxgH/9k= يووووووووووووووووووو كتير كتير مش عارفه اعد وأحب أقول لكم راح تستمتعوا كثيراااااا وانتظرونى بكل جديد كل يوم باذن الله تعالي مستعددددددين يا حلواااات والا والا والا الم اغراااضى وأرحل ههههههه |
عــزيــزتــي الأنـثــي .. حطي دايما في بالك انك عصب البيت كله .. و انك بايدكي تخليه نار و بايديكي تخليه جنه .. اعرفي انك الحب و الحنان و الامل الموجود للي حواليكي .. فما تخليش حياتك ماشية علي نظام معين خليكي متجددة في كل حياتك ، في افكارك في ترتيب بيتك و عفشك غيري من طريقة حبك مع زوجك اعملي اصناف اكل جديدة اعملي بارتي (مفاجأة) غيري من طريقة لبسك مكياجك استايلك .. جددي دايما في طريقة حبك .. من الآخــــر اعملي دوشة في بيتك |
(اتخنقت, تخنت, كبرت) ايه بقى اللى اقصده من عنوانى ده نمسك بقى حاجه حاجه 1-(كبرت) كتير اوى بشوف ان الوحده اول ماتعدى مثلا ال35 من عمرها الاقيها بدات تهمل فى نفسها وحياتها مع جوزها وفى ملابسها وشكلها فى البيت وتيجى تقوللها يابنتى حد يقعد ادام زوجه كده تقولك ياختى انا كبرت خلاص هو انا لسه هتزوق http://www.hmst-3q.com/vb/images/smilies/3_8_118.gif اه اتزوقى والله يابنات انا بشوف ستات فوق ال50 وماشاءالله عليهم نضاف فى بيوتهم ومنظمين وحاطين بخور فى الشقه ولبسين نضيف وحلو وعاملين فى شعرهم حنه ماشاءالله عليهم http://www.hmst-3q.com/vb/images/smilies/3_8_73.gif الراجل يدخل نفسه تتفتح مش يدخل يلاقى حاجه تسد النفس ايه دهhttp://www.hmst-3q.com/vb/images/smilies/551.gif والله صحبتى عندها 29سنه جت قعدت معايا مره قولتلها يابنتى انتى عامله كده ليه شعرك ده مش بيتسرح؟ قالتلى ياستى انا كبرت وبقى عندى اطفال هو انا لسه هدور على الرومانسيات تانى ومتدوروش ليه انا عايزه افهم يعنى النقطه دى بتضايقنى جدا ماهو جوزك لو مش لقى الجو ده فى بيته هيدور عليه بره وترجعى تقولى ياريت اللى جرى ما كان وتبداى بقى تحطى ميكب وتتزوقى علشان ترجعيه تانى طب ماهو كان من الاول كانت فى ايدك ولااحنا كده مش بنحس بقيمه الحاجه الا لما تضيع مننا 2-(انا تخنت. انا تخينه) يعنى انا مش فاهمه التخان دول هيدخلوا النار ولاايه مش فاهمه انا والله ياستى انتى تخينه جوزك متجوزك وانتى تخينه ليه تمنعى نفسك من اللبس والدلع كل ماتحبى نفسك والله هتبقى راضيه تماما اللى اقصده مش تاخدى جسمك نقطه فى انه هيبقى عائق بينك وبين زوجك زى اللى بتبقى زعلانه وهى سمرا والتانيه قصيره ياجماعه هو ده بايدنا حبوا نفسكم وصورتكم هتلاقى انكم بتطلعوا البدع بعد كده فبلاش تنكسفى تلبسى القصير والضيق علشان جسمك حبى جسمك علشان جوزك يحس بكده ما انتى قرفانه من جسمك وحبساه جوزك بقى يعمل ايه؟ http://dc07.arabsh.com/i/00834/15b8gzfihxwo.gif 3-(انا اتخنقت) اتخنقت البس او مش البس اعمل شعرى ولا معملش هو اصلا مش بياخد باله فمش بقيت اهتم ولااحط فى دماغى اقولك انا بقى اقوم املص ودنك ولااعمل فيكى ايه؟ http://www.hmst-3q.com/vb/images/smilies/3_8_256.gif مبدئيا كده انتى بتعملى لنفسك قبل جوزك تانى شىء للاسف فى زوجات تقوم تتزوق علشان فى نهايه السهره تقول لجوزها هاتلى كذا وكذا ففيه رجاله ربطت الموضوع ده بده وده اكبر غلطhttp://dc07.arabsh.com/i/00834/15b8gzfihxwo.gif ياستى اهم حاجه يدخل يلاقيكى زى الفل شمعه منورة زى مابيقولوا http://www.hmst-3q.com/vb/images/smilies/3_8_71.gif يعنى مش علشان هو مش بيهتم يقوم يدخل يلاقيكى ناكشه الشعور ولابسه جلابيه المطبخ وخرجاله ياسلام برفيم البصل طالع منك لالا مش كده خليه يجى كل يوم يلاقيكى بشكل مختلف الروتين يابنات بيخنق حاولوا التجديدhttp://dc07.arabsh.com/i/00834/15b8gzfihxwo.gif غيروا نفسكم وحبوا نفسكم بصوا لحياتكم بنظره تانيهعيشوا يومكم اللى انتوا فيه ماتفكروش فى بكرة ده فى علم الغيب حوطوا على ازواجكم ده فيه بنات بتعمل البدع بره فى نفسها (اسال الله العظيم رب العرش العظيم ان يسخر لنا ازواجنا ويحفظهم من الفتن وشياطين الانس والجن اللهم امين) http://www.hmst-3q.com/vb/images/smilies/3_8_167.gif http://forums.imageslove.net/picture...886f964bbe.gif |
جواز كتييييير.. ماتتجوزيش أي واحد لمجرد أنه طيب و خلاص.. اتجوزي اللي روحك تدوب في روحه و تبقوا كيان واحد.. اهتمامات واحدة.. تفكير واحد.. نفسية واحدة.. متفائل و بشوش.. اتجوزي اللي تقدري تضحكي و تفطسي من الضحك و يضحك معاكي قدام الناس عادي.. اتجوزي اللي يحبك قدام الناس و بينك و بينه في الزعل قبل الفرح.. اتجوزي اللي تشوفي في عيونه السعادة إنك في حياته مش اللي يتعود عليكي و ينسى قيمتك و ينسى حياته كانت عامله ازاي قبلك! اتجوزي اللي يقدر كل حاجة بتعمليها عشان راحته ولو صغيرة و يقولك شكراً على تعبك اتجوزي اللي يصون_سرك في غضبه قدام الناس اتجوزي اللي مايعرفش ينام غير لما يطمن انك نايمة مبسوطة..اللي يهتم يعرف انتي عايشة معاه سعيدة ولا لأ.. اتجوزي اللي مايخليش حد يجي عليكي.. اللي الناس تخاف تقولك كلمة تزعلك احسن ياكلهم.. عشان راجل_بجد اتجوزي اللي عاملك مكان في حياته و يومه فيه وقت ليكي انتي بس مش راميكي في آخر اهتماماته أو يبقى قاعد معاكي وهو بينام.. اتجوزي اللي بيعملك اللي يفرحك و ينساه مش يفضل فاكر انه عملك و جابلك عشان دي مسؤليته اللي ربنا فرضها عليه.. اتجوزي اللي تبقي عايشة معاه كل يوم قلبك بيتنفس و فيكي حياة ! |
فى بيوت كتير يحصل فيها حالة طوارىء لو ضيف استأذن علشان يدخل الحمام تلاقى اللى جرى يميين واللا جرى شمال وتلاقى ست البيت فى نص هدومها وكل مرة بحجة شكل مرة العيال الله يسامحهم مبهديلين الحمام وحجج واهية مبتخلصش ومرة جوزى سايب هدومة ومعلش اصل وفصل http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif ياريت نبدأمع بعض كل واحده تدخل حمامها وتسأل نفسها سؤال هل ممكن حد غريب فى هذه اللحظه يدخل الحمام وماكونش محرجه سواء من النظافه او من الأشياء الموجودة فى الحمام على أساس أنه جزء مهمل فى البيت http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif ماعلينا خالينا نبدأ بالحل يعنى بلاش الشماعه اللى ورااء الباب يكون عليها هدوم متعلقة المنظر نفسه موش حلو حتى للناس اللى عايشين فى البيت http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif باسكت الغسيل ياريت يكون شكله حلو وياريت كمان متعلقيش اى هدوم داخلية ويوضع فى مكان لايراه اى شخص غريب فى الحمام http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif بلاش فوطه واحده البيت كله يستخدمها ونحطها على الحبل تنشف ونرجع نستخدمها تانى كل فرد من أفراد البيت له فوطه مستقله وكل يوم أغير الفوط كل فرد يكون له ليفه لواحده وممكن توضع بشكل جميل يسمح يتهويتها علشان البكتيريا وكل فتره تتغير. http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif نظفى الحمام وشيلى الكراكيب وأوعى تنسى شباك الحمام ياجماعة الشبك أهم حاجه ده من بره عنوان بيتك ومن جوه يمنع دخول الاتربه الموجوده عليها مع اى شوية هواء الى المكان مره أخرى. http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif ياريت الشغلانه دى تعمليها كل يوم لان كل يوم الحمام ده أساسى كل يوووووووووووووم شوفى الوقت اللى يناسبك بالليل لو كنتى موظفه او الصبح بعد مايخرج جوزك بالسلامه http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif الحوض والبانيو والتواليت لازم يتغسلوا كويس وتخصصى لهم سفنجه معينه وزى ماأنتى عايزه استعملى اى مواد تنظيف المهم كل يوم . http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif لازم يكون فى الحمام زجاجه زى بتاعى الجلانس حطى فيها شوية كلور وشويه ديتول وشوية ميه بنسب متساويه وكل ماتدخلى الحمام وتلاقى حد استخدم الحمام وخصوصا اذا كان فى صبيان وطبعا جوزك ترشى قاعدة التوليت والجزء اللى تحت القاعده بهذا المحلول وتنشفيها هتفضل ريحة حمامك طول النهار زى الفل http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif تفتكره بعد مانعمل كل ده هاتحتاجى لما يكون عندك عزومه ولما يجى ضيف فجأة ويدخل الحمام هاتتكسفى مأظنش . أجعلى من حمامك غرفه أساسيه فى البيت نظافه ورائحه عطره طوال اليوم بأقل القليل http://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gifhttp://www.q-wda3.com/vb/images/smilies/363.gif |
نصائح بسيطه ليكي https://www.facebook.com/images/emoj...1/16/1f60d.png حاجات بسيطة جدا لازم تعمليها هتفرق معاكي عالمدى الطويل ... _ متصحيش متأخر حتى في يوم أجازتك ... اصحي بدري و استمتعي بهدوء و روقان الصبح ... و بداية يومك الصح هية اللي بتحدد مسار بقية يومك ... _ اشربي مية كتير جدا على قد متقدري .. على طول خلي معاكي ازازة مية ... خليها عادة ... و اتفرجي على بشرتك خلال 3 شهور من الالتزام بالموضوع ده. _ اغسلي وشك بمية سخنة عشان المسام تفتح و تخرج التراب و الدهون اللي جواها ... و استخدمي أي غسول الفروق مش كبيرة في المفعول صدقيني ... بس لازم بعد ما تعملي الحركة دي تغسلي وشك بمية ساقعة جدا عشان المسام تقفل ... و يا سلام لو مكعب ثلج و مشيتيه براحة على وشك .... _ لازم تمشي ... لازم تمشي ... لازم تمشي ... أنا عارفة ان مصر مش أحسن بلد في العالم تمشي فيها ... بس حاولي على الأقل لو نص ساعة ... حطي السماعات ... و امشي ... جسمك هيتشد ... و كمية طاقة سلبية هتطلع منك ... مش هقلك بقى https://www.facebook.com/images/emoj...1/16/1f602.png��https://www.facebook.com/images/emoj...1/16/1f602.png�� جحيم و الله ... امشي يا بنتي .... امشي !!! _ اهتمي بنظافتك الشخصية و خلي ريحتك حلوة على طول ... حتى لو قاعدة في البيت و لوحدك ... نفسيتك هتتغير 180 درجة .... _ كريمات ال ANTI_AGING مهمة جدا لكل البنات و الغرض منها تأخير ظهور علامات الكبر ... يعني بتتحط من ال سن 25 و طالع ... مش بتتحط بعد ما التجاعيد تظهر يا فندم .... _ على الغدا اعملي طشت سلطة جمب الأكل و أبدعي بقى في عمايلها .... قللي الرز و المكرونة ... سواء انتي مليانة أو رفيعة .. الحاجات دي أطباق جانبية ... ثلاث أربع معالق كفاية .... _ حاولي تعودي نفسك على أنك توقفي أكل بعد الساعة 7 بالليل .... و لو خلاص هتموتي مش قادرة ... عليكي بالخيار و الزبادي و التفاح ... _ لازم تدلعي نفسك كل فترة ... غيري شكلك ... لون شعرك ... طريقة لبسك ... أي حاجة جديدة هتعمليها و تكسري بيها روتين طلتك ... هتفرق في نفسيتك جدا .... و الله هتفرق ... _ أخيرا و ليس آخرا . .. لازم تفهمي إن شكلك في الثلاثينات و الأربيعينات هوة حصيلة اهتمامك بنفسك و جسمك و صحتك و نضارتك في العشرينات ... هوة ده الفرق بين واحدة بتحلو جدا بعد الثلاثين ... ووحدة وشها بيقع بعد الثلاثين .... اهتمي بنفسك . https://scontent-cdg2-1.xx.fbcdn.net...de&oe=59D418C2 http://forums.imageslove.net/picture...886f964bbe.gif |
من الذوقيات اللي أغلبنا بيفتقدها بجد : *اما تروح لحد و يفتحلك باب الشقه "ياريت تقف علي جنب بلاش في وش الباب و تجرح عورات البيت او لو ف حاجه مش حابين تشوفها" *اما تكون عند حد و يفتح قدامك دولاب او درفة "بلاش تبص جواها فيه إيه حاول تغض الطرف .. يمكن متبهدلة او مش حابب تشوف خصوصيات" *لو واقف مع حد ف المطبخ و فتح قدامك تلاجة او فريزر أو ديب فريزر .. "مش من الذوق تمد عينك و عينك تلف ف البتاع كله و تشوف عندها ايه و معندهاش ايه" *أما تزور حد ف بيته عموما بذات لو أول مرة "بلاش تفضل عينك تقعد تبص يمين و شمال و فوق و تحت " *حاول ديما اما تشوف حاجه تعجبك تقول "اللهم بارك" *لو رحت عند حد و لاحظت انه جاب حاجه جديدة "مش لازم تقعد تسأله جبته امته و فين و بكام و أزاي" بذات لو مش هتستفاد حاجه و مش بينكم اصلا عشم *بجد يا جماعه الذوقيات دي مهمه جداا لازم نخلي بالنا منها .. *خليك زي النسمه اما تروح لحد .. يحب قعدتك .. ميحسش أنك بتحسب عليه كل حاجه ... وواخد بالك من كل حاجه .. خليك عقيف .. رقيق .. سهل .. لين .. الناس تحبك .. و متستتقلش زيارتك https://www.facebook.com/images/emoj.../1/16/2764.png http://forums.imageslove.net/picture...886f964bbe.gif |
انا عايزة الفت نظر المتزوجات لحاجة مهمة كتير ممكن نروح مطعم شيك جدا وفاخر واخر نضافة وطبق وشوكة فى منتهى الشياكة ويعمل مثلا مكرونة بالباشميل وكفتة منظرهم يفتح النفس بس طعمهم عادى واللى بناكله فى البيت احلى بنخرج طبعا مبسوطين ومرتاحين وفرحانين بمستوى النضافة المقصد من كلامى فى ناس ممكن يبقى اكلها حلو جدا بس نقرف ناكل منه وناس اكلة عادى خالص وتبقى نفسنا مفتوحة ازاى يعنى يعنى مينفعش وانتى بتعملى الغدا لجوزك وتيجى تغرفيه تلحوسى الطبق ويبقى منظره مش تمام مينفعش الطباق يبقى طبق صينى على طبق بلاستيك على طبق صاج ( علشان اللى فى النيش ده من الاقتراب والتصوير ) مينفعش نصب عصير فى صينية وكل كوبايه شكل مينفعش صينية ملسوعة او مشروخة او مصدية ونقدم فيها حتى لو لنفسينا او اجوزنا وعيالنا بلاش الدوارق والكوبايات البلاستيك اللى كمان غير صحية ليه ماتجيبى دورق قزاز او بلاستيك عالى و طقم كوبايات قزاز شكله حلو ب15 ج ليكى ولجوزك ولو عيالك صغيرين فى كوبايات ميا مناسبة ليهم مينفعش ناكل زيتون ونرمى النوى فى نفس الطبق وليه الشوربة بنحط طبق كبير فى النص وكله فوووووووووو بيشفط منها ليه ماكل واحد ليه طبقه حتى لو مغرفة واحدة ولا الفراخ ناكلها واللحمة والعضم فى نفس الطبق ولا السمك بناكل ونتف الشوك فى الطبق لان العين تعشق قبل الفم احيانا فخللى دايما شكل اكلك وتقديمك يفتح النفس لو عملتى فراخ مثلا طلعى الطباق من نفس النوع بس باحجام مختلفة والعصير والبيبسى مش عيب ولاحرام لو طلعتى اللى فى النيش وقدمتي فيها كوباية القهوة ايه المشكلة لما تبقى فى فنجان وتحتها طبقها فى صينية حلوة بعد العصارى بدل مبتصبيها فى كوبايات الشاى ليه مانخلى طبق كبير دايما زى المطاعم كده نغرف فيه اكلنا وطبق من نفس النوع صغير للقشر والعضم والنوى والزيادات ليه بعد غرف الطبايخ والمحاشى والباشميل مابمناديل المطبخ ونساواى الحواف الموضوع ده ملوش على فكرة علاقة بالفقر وقلة الحاجة فكرى فى كلامى هتلاقى انك انتى اللى مقصرة ومتقوليش جوزى مبياخدش بالو اهم حاجة عنده كرشه لالالالالالا ياحلوة هو بس مصدوم من اللى بيشوفه بس لكن خليه كده يروح يتغدى عند صاحبه او حد قريبه هتيجى تلاقيه يقولك مراته منظمة وعاملة كذا ومقدمة الاكل شكله كذا صح ولا لا جربى كده واكيد هتفرق والله معكى شخصيا ومع جوزك واولادك هتحسى بالثقة وهتبقى فخورة باكلك وتقديمك وكمان هتعلمى جوزك وعيالك النظام https://scontent-cdg2-1.xx.fbcdn.net...4d&oe=59CD91F9 http://forums.imageslove.net/picture...886f964bbe.gif |
شوية نصايح للمطبخ هتعجبكوا اوووي https://www.facebook.com/images/emoj...1/16/1f44c.png👌https://www.facebook.com/images/emoj...1/16/1f44c.png👌https://www.facebook.com/images/emoj...1/16/1f44c.png👌https://www.facebook.com/images/emoj...1/16/1f44c.png👌 _ تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه عشان يطلع دهبى ومقرمش _ العيش الفينو قبل ماتعمليه سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر للبانيه والفراخ المقرمشة _ الباذنجان المخلل ضيفي نعناع ناشف مع التوم بيدى طعم جميل _ البشاميل ضيفي جبنه مثلثات او كريمي وقشطة وجبن رومي مبشورة و٣ ملاعق مايونيز وعلي الوش موتزريلا عشان يخلى المكرونة تطلع جامدة _ الملوخيه ملعقة سكر وشوية كاتشب او ملعقة صلصة بتخليها مسكرة وزى العسل _ ملعقة سكر في صلصة المكرونة عشان متعملش حموضة _ قشر الليمون في زيت قلي السمك ميخليش فيه ريحه للسمك وانتى بتقليه _ نقع البانيه في لبن قبل التتبيلة بيكون حلو ومتشرب من اللبن _ الشاورما اللحمة ضيفي لها قطعة ليه ضانى بتدى ريحة وطعم جميل _ البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت _ قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد _ رشة لبن بودرة علي وش البشاميل هتدى لون حلو للمكرونة _ محشي الكرنب سخني حته زبدة وقشطة وحطيه عليه قبل ما يستوي عشان يبقى بيلمع وطعمة جميل _ ملعقة خل في الكيك بتخليها هشة وطرية _ عسل في تتبيلة الفراخ المشوية بتدى طعم حلو _ زبادي في تتبيلة البانيه بيخلية طرى ومستوى كويس _ البدنجان المحمر خليه وهو سخن واقفلي عليه العلبه عشان يطلع طرى مش ناشف _ ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق _ البطاطا المشوية واعمليها في الكيس الحراري رشي عليها سكر وتدخليها الفرن هتستوى اسرع وهتبقى حلوة _ ادعكي الفراخ ببصلة وملح وفلفل قبل السلق عشان يبقى ليها طعم وريحة ومتبقاش زفرة _ لما تشربي القهوة مترميش التفل ده سكرب هائل لبشرتك ادعكى بية وشك وايدك _ اكياس الشاي مترميهاش سقعيها وحطيها علي عينك للاجهاد والهالات السودا _ الرز باللبن ضيفي كيس كريم شانتيه هيخلى الطعم جامد وزى بتاع برة بالظبط _ والبسبوسة لازم عسل ابيض او عسل تقيل في العجن عشان تكون زى الجاهزة واحلى كمان _ رشي دقيق علي بصل الكشري قبل التحمير عشان يكون مقرمش _ سفن اب او ميرندا الكيك بيخليها هشة وجميلة _ رشة زعتر علي صلصة المكرونة بتدى ريحة حلو وطعم مميز _ بيكنج بودر علي عجينة الكفته المشوية ميخلهاش تكش وتكون منفوشة زى ما هى _لفي الليمون في ورق جرائد عشان يحتفظ بلونة وميعفنش _ ملعقة بن وملعقة سكر لخلطة المحشي وابشري الطماطم متعصريهاش في الخلاط لو بتحبية نى فى نى مش متسبك بيخلى طعمة جميل _ تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة _ الرز الابيض شوحي مستكة وحبهان في السمن قبل الرزهيدى ريحة حلوة لرز _لاحلي صلصة مكرونة اضربي مع الطماطم توم وفلفل رومي وفلفل حامي _ إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو _الحمام المحشي 30 دقيقة بعد غلي الميه لسلقة الممبار 45 دقيقة لسلقة الفراخ المحشية ساعة وربع _ حشو الجلاش موتزريلا مع العصاج _ الرز البسمتي اكشفي الغطا بعد ما يستوي عشان يبقى مفلفل ميعجنش _ وانتي بتقلي البانيه حطي ملعقة زبدة مع الزيت هيبقي زي المطاعم http://forums.imageslove.net/picture...886f964bbe.gif |
نصائح مهمة لكى حواء -ماتكبريش ماتكبريش لا شكلا ولا نفسياعلشان تحافظي على صحتك النفسية والجسديه وتكونى دايما متألقةhttps://www.facebook.com/images/emoj...1/16/1f31f.png🌟 -حبي نفسك (هاتجبري اللي حواليكي يحبوكي لما يشوفوا حبك لنفسك وتقديرك ليها) -اشربي حليب كتير ٢كوب يوميا اهتمي بالحليب مش الرايب ولا الزبادي.. الحليييييب -كلي تفاح وتمر كتير مفيد جدا لجسمك وبشرتك https://www.facebook.com/images/emoj...1/16/1f60d.png😍 -استخدمي واقي شمس من بدري بإنتظام علشان تقي بشرتك من الشمس والتجاعيد وتصبغات الجلد -عالجي اي مشكله تظهرلك في بشرتك بدري بدري ماتستنيش على المشكله لما تكبر خصوصا التجاعيد والكلف -العبي رياضه وامشي واتمشي -تاني حبي نفسك اوي -اتعطري خصوصا قبل النوم (ماتخرجيش بالعطر) -شغلي فواحة او مبخرة في غرفتك اهتمي بترتيب غرفتك وديكورها بالديكور اللي نفسيتك بترتاح فيه -حافظي على الصلاة -اهتمي بمكان صلاتك من تعطير وترتيب وديكور -استمتعي وانتي بتاكلي الاكل اللي بتحبيه، مش أكل والسلام -اتفسحي اخر كل اسبوع وحوشي ولو شوية فكه ، فكه على فكه هايعملولك مبلغ كويس كل فترة خصصيه لنفسك -خصصي لنفسك يوميا ساعه تقعدي لوحدك (ريلاكس) حاولي لازم تلاقي وقت لنفسك https://www.facebook.com/images/emoj...1/16/1f60d.png😍 -لو نفسك في. حاجه اشتريها مادام فعلا نفسك فيها ومحتاجاها، ماتبخليش على نفسك!!! -اهتمي بشعرك واعتني بيه مع قص اطرافه مره كل ٣ شهور -خدي فيتامين للجسم وللشعر -اعملي شوبنج مره كل شهر حتى لو هتشتري توكه جديده https://www.facebook.com/images/emoj...1/16/1f60d.png😍 -اقري كتير فكل المجالات << https://www.facebook.com/images/emoj...1/16/1f603.png😃https://www.facebook.com/images/emoj...1/16/1f616.png😖https://www.facebook.com/images/emoj...1/16/1f616.png😖 ده هيثقفك وهيخليكي متسعه الأفق -ماتسمحيش لحاجه ولا لحد يدايقك مع السلامه او مش مع السلامه وات ايفر https://www.facebook.com/images/emoj...1/16/1f603.png😃 المهم انتي ونفسيتكhttps://www.facebook.com/images/emoj...1/16/1f44c.png👌https://www.facebook.com/images/emoj..._200d_2640.png💆🏻 اللي يدايقك ابعدي عنه اللي ينكد عليكي اقفلي في وشه السكة، اللي يحبطك ويملا ودانك طاقه سلبيه سدددددي ودانك واهربي https://www.facebook.com/images/emoj..._200d_2642.png🏃🏻 -لو حاجه جت على مخك ودايقتك اقطعي حبل افكارك وفكري فورااا في حاجه حلوة -استخدمي كريم عنايه ليلي لبشرتك -استخدمي مكياچ ماركة وجوه بيتك احنا عاوزين إرضاء الله علشان حياتنا تكون حلوه وتتظبط https://www.facebook.com/images/emoj...1/16/1f49d.png💝 -اهتمي بترطيب ايديكي واعملي ليها دايما اسكراب طبيعي علشان تفضل دايما منوره -ماتكتريش في الاكل الغلط والمقليات، ماتمنعيش نفسك، بس ماتكتريش خصوصا للي فوق الثلاثين ، توزيع الدهون بيتغير يعني اللي كنتي بتاكليه زمان، فجأة هاتلاقيه هو نفسه بقى يزود وزنك وخصوصا في النص السفلي من الجسم -اشربي مايه كتير ٣ لتر يوميا الديتوكس حلو على فكره -تاني عالجي اي مشكلة بدري بدري -حافظي على وزنك لاتزيدي ولاتقلي -العبي رياضه العبي رياضه العبي رياضه حتى ولو نص ساعه يوميا صحتك ورشاقتك مهمة https://www.facebook.com/images/emoj...1/16/1f44d.png👍 -حبي العطور وحبي عطور البيت -كان فيه بوست انتشر عن اشربي ينسون، اه فعلا اعملي لنفسك خليط ينسون كراويه شمر حلبه في حافظه واشربي منه مرتين يوميا -الحلييييييب مهم https://www.facebook.com/images/emoj...1/16/1f616.png😖 -اعملي حمام زيت لشعرك عالاقل مره كل أسبوع بيغذي الشعر ويخليه تحفه وناعم https://www.facebook.com/images/emoj...1/16/1f60d.png😍 -اهتمي بنظافتك الشخصية سنانك جسمك شعرك لبسك -نامي كويس وخدي كفايتك من النوم -حافظي على قيام الليل من دلوقتي علشان لما يوصل سنك الخمسين تبقي اتعودتي عليه -يوميا لازم لازم تلمسي مصحفك ولو عالاقل آيه اوعي يوم يعدي من غير ماتقرئي ولو آيه -استمتعي استمتعي ولو بأقل حاجه حتى لو مكعب شوكلت -ودوري ليكي على هوايه تسلي بيها نفسك ولا مضمونا، خليكي طفله وأنثى وحبي نفسك ونوري https://www.facebook.com/images/emoj.../1/16/2b50.png⭐https://www.facebook.com/images/emoj.../1/16/2600.png☀https://www.facebook.com/images/emoj...1/16/1f319.png🌙https://www.facebook.com/images/emoj...1/16/1f31f.png🌟https://www.facebook.com/images/emoj...1/16/1f4a5.png💥https://www.facebook.com/images/emoj...1/16/1f603.png😃 ........ https://www.facebook.com/images/emoj...1/16/1f338.png🌸 https://www.facebook.com/images/emoj...1/16/1f338.png🌸.. |
| الساعة الآن 02:38 AM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون