منتديات وهج الذكرى - شفيقه وأحســان أفندى فى المصيـف

شفيقه وأحســان أفندى فى المصيـف

http://4.bp.blogspot.com/-Ss9-6hgJ9G...haleBagweb.jpg
الجو حر الجو نار والصيف مولع الواحد
مبقاش يستحمل
شفقية: سونسون الجو نار الدنيا هتولع
احسان:نار هتولع انتى عندك طفاية حريق
طفى بيها وسيبينى اتفرج على الماتش يا مؤذيه
شفيقة:ماتش ايه يا عم انت ؟؟
وطفاية حريق ايه بقولك الجو حر مش العربية
بتولع
احسان: طيب يا شفيقة ما تقعدى فى التلاجة

http://4.bp.blogspot.com/-pqINFy4Awx...25289%2529.jpg
ولاافتحى التكييف تتكيفى ولا انا اجيب
تكييفات وادفع دم قلبى وانتى تقولى الدنيا
حر او ادخلى الحارة اللى جاية على ايدك الشمال
هتلاقى طشتك وبانيوهك وميتك اقعدى
فى الطشت هتلاقى طراوة
شفيقة: انا اقصد ان الصيف جاى السنة دى
غير كل سنة
احسان: غير كل سنة ازاى يعنى؟؟
مش لابس بربطوص ولا مركب زلومة
شفيقة: ياه على تقل دمك وهزارك يا سونة
انا عايزة اطلع اصيف اروح اتفسح
احسان: تصيفى فين بقى ان شاء الله ما الهواء
هنا فى البلكونة يشرح القلب ولا انتى غاوية
شحططة ومرمطة؟؟
شفيقة: بلكونة ايه وبانيو ايه؟؟
انا عايزة اروح بورتو مارينا او بورتو السخنة
او ممكن لندن باغى يعنى حاجة كده تليق بمقامقى
احسان: مقامك؟؟
لا اذا كان على المقام فعندك الحسين او السيدة
قال بورتو...... قال ....ولندن يا خالتى ومالها
بلطيم وافغانستان وحشين؟؟
تروحى هناك تتجندى وترجعيلى تايبة

http://3.bp.blogspot.com/-8xBh42yH-c...25288%2529.jpg
والنبى يا شيخة ابعدى عنى وشوفيلك
حتة تتهوى فيها
شفيقة:والنبى يا سونة نفسى اصيف وابلبط
فى البحر

http://2.bp.blogspot.com/-nWhz-XI1uf...1R8/s400/3.jpg
تعالى نروح بورتو مش هتندم البت سفاقس
بنت خالتى راحت بورتو وبتقولى جنان تهوس
احسان:بذمتك فى حد يبقى اسم بنت خالته سفاقس!
ويروح بورتو؟؟
ده كبيرها الملاحات عموما اذا كانت تجنن
يبقى مفيش مانع اهو نرجع من هناك بفايدة
وندخلك سرايا المجانين

http://4.bp.blogspot.com/-nW6fLD7cwz...400/185039.gif
وارتاح من الزن واللت والعجن
شفيقة:اه بس فى حاجة كمان صغننة
رفيعة عريضة
احسان: ها يا واجعة معدتى ادينى تقلصات ادينى
شفيقة: عايزة اجيب مايوه بيقولوا هناك المايوه
هو الزى الرسمى يرضيك ابقى عره
وسط اهل بورتو؟؟
احسان: نعم ياختى....... مايوه وزى رسمى
طيب ومالها البدلة والبابيون دول عليكى
يليقوا اوى مع شنب كمان تبقى زى الفل
وسيبك من مارينا وروحى اقعدى على القهوة
شفيقة: يوووووووووووووووه .....
بطل بقى
احسان:بقولك ايه نسافر اه......
مايوه..... لالالالالا انا بس اللى البس مايوه ستات
دماغها مليانة كلام فاضى بطلى تتفرجى
على كليبات بوسى سمير
شفيقة:وفيها ايه يا سونة انا اقصد مايوه شرعى
احسان:اه..... اذا كان كده ماشى اصلى كنت
بحسبه عرفى وسافرنا صبرتوا ونولتوا المدينة الغناء
بورتو مارينا واحنا قاعدين على البلاج
شفيقة: احسان بتبص على ايه شايفة عينك رايحة
وجاية لما جتلها ميه بيضاء طيب حتى وقفها
فى الاشارات احسان يا شيخة طيب زمرى
قبل ما تتكلمى خضتينى انا ببص على
الايس كريم بالشيكولاته
شفيقة: بييييييييييييييييييييييييييييييييييييييييب
ادينى زمرت اهو

http://4.bp.blogspot.com/-bw9ULRs_M4...25281%2529.jpg
بقى بتبص على الايس كريم ولا الايس كريمــــــــــة؟؟
احسان: كريمة مين وبتاع مين يا شيخة انا بس
بتأمل بشوف ايه الجديد "فى سره"
والنعمة البت سفاقس بنت خالتك دى تستاهل
هدية اول مرة تدلنا على حاجة عدلة تلاقى
جوزها ابن المحظوظة هو اللى عرفها المكان
شفيقة: حاجة عدلة اللى هى ايه ؟؟
المايصين المدلعين اللى رايحين جايين على البلاج
يتاصعوا بالمايوهات الفسفورى

http://2.bp.blogspot.com/-pB2IFBLNzD...f%2B635861.jpg
ولا ليهم ظابط ....ولا رابط
احسان: جرى ايه يا ست انتى هو انتى
من الحكومة ولا ايه؟؟
بقى ما صدقنا خلصنا منهم تطلعلنا انتى
يا ساتر عليكى ست من الحزب الوطنى المقرفاتى
النابراتى مين جاب سيرة الظباط
والعساكر دلوقتى؟؟
انتى هتخليها امن دوله ولا ايه خلينى امتع نظرى
شوية بالحاجات الحلوة قبل ما يروح عليا
وامسك عكاز وقعد يغنى انا بعشق البحر
وبعشق موززه كمان وحاسس انى تايه
وحيران ومبسوط ومش نعسان

http://4.bp.blogspot.com/-Acykiir2FD..._mouseover.jpg
وحاسس انى ندمان... وكنت كمان غلطان
لما اتجوزت زمان من نحمده اللى شبه
ابو قردان ويا عينى يا عينى يا سيدى
على النسوان
شفيقة: نعم بتقول ايه يا سى احسان حاجات
ايه اللى حلوة؟؟
احسان: ها... مابقولش انا اقصد الحاجات
الحلوة الكتير اللى قاعدة مرزوعة جنب
قفايا انتى يا بسبوسة قلبى .....
.يا قطايف عقلى

http://1.bp.blogspot.com/-6HKczVAE-9...25282%2529.jpg
شفيقة: طيب حاسب يا سى رمضان لتلزقنى
بياميشك..... ااقصد بكلامك
احسان:بس تصدقى يا شفشق كان عندك
حق لما قلتى نيجى بورتو اهو تغيير برضوا بدل
المناظر بنت الكئيبة اللى بتعمينا هناك

http://3.bp.blogspot.com/-xta3UXi9D8...400/663057.jpg
وبنصتبح بيها كل يوم فى مصر والنعمة الواحد
يطلب نقله فى الشغل هنا تفتكرى يوافقوا
يا روحى ويقدروا ظروفى
شفيقة: وان شاء الله هتشتغل ايه ......
مبصبصاتى ولا معكساتى ولا هتشيلهم الشنط؟؟؟
احسان: وانا اطول بس قولى يارب

http://2.bp.blogspot.com/-OtfMLQvOIQ...-hands-out.jpg
احم احم يا ستى ده انا سبعة صنايع والبخت
ضايع جنبك ده انا علشانهم وعلشان
مايوهاتهم اشتغل روم سيرفيس ارص شماسى
وكراسى على البلاج اشتغل دليفرى بيتزا

http://3.bp.blogspot.com/-abLUHLjM9_...a-Delivery.png
اى حاجة تخلينى لازق فى المزز اللى ترد النظر دى
شفيقة: مزز وترد النظر هو انا مش مالية عينك
ولا ايه؟؟
احسان: ماليه؟؟؟
ده انتى تملى تلاجة بحالها

http://3.bp.blogspot.com/-5IKKWwhNJR.../642753210.jpg
مش عينى بس يابــــــــــــاى
الواحد مش عارف يتنفس ارحمينى بقى
وسيبينى اتمتع شوية واشم ريحة نضيفة بدل
ريحة المحشى وبابا غنوج وام اربعة وتمانين
شفيقة : تتمتع شوية..... وبابا غنوج شكلك
جوعت يا سونة وشكلى هاكلك طرب
بس من اللى هو عارفه؟؟
الطرب بالبونيه والبوكس والروسيات

http://2.bp.blogspot.com/-z4iuuQQ91a...file_2eb84.jpg
احسان: روسيات ما تخليها طاليانات احسن
والطف يا روحى عليهم امـوه عاملين
زى السمك بيلعلطوا فى الميه اه يا اوحــــى...... يا اوحــى
شفيقة: جتك وجع اوحــك يا حياتى وفات
يوم والتانى وسونة مش مركز معايا قاعد لازق
على البلاج ولا اللى قاعد جوه كرتونة مش
عارف يخرج منها

http://3.bp.blogspot.com/-xcfgv41lYy...2010_57_46.jpg
عينه بتشرق وتغرب وراء المزز لحد ما فرسنى
ولا كانى هنا قعدت افكر واقول جبتيه لنفسك
يا بت يا شفشق استنى عليا يا مقصوفة الرقبة
يا سفاقس لما ارجعلك انا توقعينى الوقعة دى
وكان مالها بلطيم ولا القنطرة وحشين ولا وحشين؟؟
ده كان هناك الهواء مفيهوش نسمةبس على
الاقل بيقعد زى الألف ويشوفنى هناك
ولا مارلين مونورو اعمل ايه قعدت اقول
اصيف اصيف لما الراجل هيروح منى

http://4.bp.blogspot.com/-RI4L-ko-_7...400/641775.jpg
وهتنشله بت بلطية ولا طاليانيه ولا روسيه
لابقى ما بدهاش لازم امخمخ وامشى من مارينا
بلا رجعة ومالها كوم الدكة اهى حلوة والمزز
هناك بالجلاليب ام سفره وحفى وبالعمه

http://2.bp.blogspot.com/-F_89sXpFVM...4_563152_n.jpg
وحاجة تشرح القلب وزى الفل هناك
يا دوبك يلحق يرجع مش يبص واحس هناك
انى ملكة جمال انطاكيا

http://4.bp.blogspot.com/-4ID_D1bW81...1208025279.jpg
لكن بــــــــــورتو
خلت البنات هناك تبورتو ....وتعنسوا.....
وتشيخوا كمان وبقيت كل يوم اروح افصل
الكهرباء من العمومى لما خلتها عتمة وضلمة لحد
ما سونة ما بقاش عارف يفرق بين الشورت
والجلابية ولا البانيو من البحر

http://3.bp.blogspot.com/-SrELpcTuJu...00/RBC6_01.jpg
شفيقة:سونة بقولك ايه يا حبيبى فى الظلام الدامس
ده احنا شكلنا مش هينفعلنا قعاد هنا لا شايفين
حاجة ولا عارفين حاجة الدنيا كحل واحنا
جايين نصيف ولا نتعمى؟؟ يلا بينا نرجع
احسان:شامم ريحتك فى الموضوع ده يا شفقة اخ
يانى اخ ....... يا فرحة ما تمت اصل هو كده
فى ناس فقرين عارفاهم يا حبيبتى؟؟

http://2.bp.blogspot.com/-rhhcv9Fka1...400/660579.jpg
شفيقة: ولا تزعل نفسك يا نور عينى انا حجزتلك
اسبوع فى جمصة وحضرتلك برجرام انما
ايه يهوس وهتنبسط اوى
احسان:برجرام فى جمصة وعمالة تقولى لندن
وباغى قدامى..... قدامى ياختى

http://4.bp.blogspot.com/-5FVmZ9zBF-...0/untitled.bmp
شفيقة: يا خويا بلا بورتو بلا فورتو

http://4.bp.blogspot.com/-V4Ul2noRWu.../angry-man.jpg
وقال على رأى المثل من خرج من
داره يتقل مقداره
انتظرونى مع شفيقة واحسان فى مغامره تانيه
112: