منتديات وهج الذكرى

منتديات وهج الذكرى (https://www.wahjj.com/vb/index.php)
-   ❦ وهـج القصص والخيال ❦ ❧ (https://www.wahjj.com/vb/forumdisplay.php?f=14)
-   -   قصة زواج مضحكة وحقيقية (https://www.wahjj.com/vb/showthread.php?t=30307)

ملكة الحنان 06-30-2020 04:44 AM

قصة زواج مضحكة وحقيقية
 
قصة زواج مضحكة وحقيقية
99:
قرأة هالقصه ..وبصراحه ضحكت عليها وعجبتني وحبيت انكم تشاركوني فيها هذي قصة حقيقية عن زواج بنت .
وبحكيلكم عن قصة زواجها الغريبة ...
هذي البنت سلمكم الله عندها خوات أكبر منها وأصغر منها وهي توها متخرجة من الثانوي
المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب المهم جاء دور هالبنت اللي أتكلم عنها

كانت سهرانة مع اخواتها الين الساعة 2 الصبح...
وبعدها خواتها طلعوا ينامون فوق...
وهي قعدت تنظف المطبخ وتشطب عليه.. وقامت طلعت الزبالة عند الباب ...
المهم البنت قالت ليش أحطها عند الباب خليني أتشجع وارميها بالزبالة احسن..
وطلعت بره بالشارع وكان الشارع فاضي..

مرة وكانت الساعة حوالي 3.30 المهم يوم جت تطلع ترمي الزبالة قفل باب بيتهم وقعدت المسكينة بالشارع ... فكرت ترن الجرس خافت أبوها يهاوشها ويسويلها شيء ..
( لأن أبوها شديد)... وطلعت بالشارع ما عليها إلا ! قميصها حق البيت ..
المهم حست أن صوت يقرب.. صوت سيارة!!

قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!!
واستغرب إن الزبالة مقلوبة قام قرب من عندها ...
و جا بيرفع الزبالة ويزينها ...إلا صرخت البنت وقالت: لالالالا...

قال: بسم الله الرحمن الرحيم.. إنتي إنس ولا جن؟! قالت: والله إنس قال إنتي وش جابك هنا؟؟!!...

وقالت له: القصة وهي متغطية بالزبالة وترجت

ولد الجيران يساعدها...

قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب..وقالها: ادخلي بسرعة لا احد يشوفك...

قامت مسكينة ما
صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول....
وولد الجيران واقف ما تحرك يناظر فيها المهم..
ما مر على هالسالفة يومين إلا جا وخطبها من أبوها وتزوجها...
والله قصة زواج غريبة وعلى فكرة ترى هذي سالفة حقيقية وحصلت بالفعل...
واللي يعيش ياما يشوف ويسمع.

على العموم الله يسعدهم ويوفقهم ونتمنا
لهم زواج موفق وحياة حلوه...

انسان و ملاك 06-30-2020 04:22 PM

https://images2.imgbox.com/8e/9b/XydSdNBq_o.gif

ملكة الحنان 07-02-2020 01:04 AM

إنسان وملاك149925084500431 (1)
اسعدني وشرفني مرورك الزاكي
حماك الله واسعدك

ريماس 07-04-2020 05:45 AM

شكراً جزيلا على القصه الجميله
ننتظر المزيد من ابدآع مواضيعگ الرآئعه
أكاليل الزهر أنثرهآ في متصفحگ

ملكة الحنان 07-04-2020 07:05 AM

ريماس
اسعدني وشرفني مرورك الزاكي
حماك الله واسعدك

مهدي 07-23-2020 10:06 PM

ههههههه فعلا



المهم انه لقتلها عريس
بي يسعدهم ويهنيهم


وكل شيء قسمة ونصيب


طرح جميل ومفرح


مودتي

وردة الغرام 08-20-2020 01:08 PM

قصة رائعة جدا علي الرغم أنها مضحكة ولكنها حلوة تسلم الايادي تقبلي مروري 522:522:


الساعة الآن 02:52 PM بتوقيت الرياض

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون