|
سيارتك بشارع الأعتراف
http://up.arjwan.com/upfiles/MYo80157.gif بصراحه شفت هالموضوع في احد المنتديات وعجبني حبيت أعرف كيف كنتوا مع سيارآتكم زمان وكيف صرتوا الآن .. فكرة الموضوع نستضيف عضو ويجاوب ع الأسئله التاليه نبدأ بالشكل وش سيارتك وشنو لونها..؟؟ نوع كفراتك..؟؟ تحب االتعديل..؟؟ اذا نعم وش عدلت فيها..؟؟ قد صبغتهاا..؟؟ اخر مرة غسلتها..؟؟ بدايتك في السواقه من علمك السواقه؟؟ اول سياره سقتها..؟؟ اول سياره لك ..؟؟ وش المكان اللي اول مره جربت السواقه فيه..؟؟ اول سفره لك بالسيارة ..؟؟ اول حادث صار لك "الله يكفيكم شر الحوادث" ..؟؟ من يساعدك ويشجعك وانت تفحط..؟؟ اخر مرة فحطت..؟؟ اول مخالفه..؟؟ دخلت التوقيف..؟؟ اذا نعم وش صار وش سوت امك وش قالك ابوك..؟؟ ما هي ردة فعلك لو لو شفت احد يحك سيارتك بمفتاح..؟؟ قمت الصبح ولقيت الزجاج مكسور والمسجل مسروق..؟؟ صدمك واحد وانحاش ..؟؟ صدمك واحد ونزل متشقق يضحك..؟؟ اذا واحد ركب معك السيارة وغثيث ونزل وردع باب السيارة.. ماشعورك..؟؟ ركب معك واحد وانت توك مغسل السيارة وقعد يفصفص حب..؟؟ ركب معك واحد مسوي فاهم ويعلمك مثلا يقول امسك اليمين لا اليسار ..؟؟ ركب معك واحد ملقوف يلمس وفتح ويحوس الاشرطه ويكب الطفايه و اذا وقفت عند الاشارة يفتح ويصك .. توقف وتنزله من السيارة .. ولاتقول حلم الله وسيع وتسكت له..؟؟ اسئله الآحاسيس والمشاعر وين توقف سيارتك فيه..؟؟ اذا داخل البيت كل هذا خوفاً عليهاا ولا مافيه مكان جنب بيتكم..؟؟ شخص ودك دايم يركب معك قدام من اعضاء وهج الذكرى ..؟؟ اشخاص ودك دايم يركبون معك ..؟؟ لو جا احد وطلب سيارتك بيروح فيهاا مشور صغينوط تعطيه أو لا..؟؟ اشين واحسن خبر سمعته في السيارة..؟؟ وديت سيارتك للصيانه وتاخرت .. وش تسوي ونت عايش بدونها..؟؟ بنروح رحله بسيارتك من تختار من الاعضاء يركبون معك..؟؟ من المنشد الي دايم بمسجل السيارة ..؟؟ من رفيقك وونيسك في مسك الخطوط ..؟؟ سياره تتمناها.. وسياره ماتحبها..؟؟ كلمه توصف فيها سيارتك..؟؟ اختار مديرنا شمس الأصيل http://up.arjwan.com/upfiles/Ghi80157.gif |
وعليكم السلام والرحمه
خفايا الشوق ..شاكره لكِ لتنشيطك للقسم بهذه النوعيه من الموضوعات لا عدمنا مجهوداتك الطيبه |
شرفت ونورت وهج الذكـــرى قرأت في أحد زوآيا المنتدى بأنكي تمتلكي سياره سأستضيفك بعد شمس بأذن الله |
السلام عليكم ... قبل اجابتي للأسئله اشكر خفايا الشوق على الاستضافه ولكن لي تعليق على اخر مشاركه .. وهج الذكرى ماشاء الله تبارك الله ... ماشاءا لله تبارك الرحمن عندها سياره ( مو ) اي سياره ياخفايا الشوق بتعلمك لما تستضيفيها عيني عليها بارده لاتقول شمس نضلني او عيني حاره ... الله يهنيها فيها ويعطيها خيرها ويكفيها شرها .... ( برايفت ) وهج السياره للبيع ؟ |
بسم الله الرحمن الرحيم سأبدأ في اجابة الاسئله بعد دعوة كريمه من الاخت حفايا الشوق اتمنى ان اوفق واشكرها على تنوع مواضيعها وابداعها ونشاطها على بركة الله نبدأ نبدأ بالشكل وش سيارتك وشنو لونها..؟؟ gmcاللون (سموك سيلفر) رصاصي غامق نوع كفراتك..؟؟ goodyear تحب االتعديل..؟؟ في حدود المعقول جداً اذا نعم وش عدلت فيها..؟؟ فقط نوعية الجنوط والكفرات قد صبغتهاا..؟؟ ليس بعد .. ولكني ناوي اخر مرة غسلتها..؟؟ الاسبوع الماضي بدايتك في السواقه من علمك السواقه؟؟ لاااحد مجهود شخصي اول سياره سقتها..؟؟ دايهاتسوا شارمنت اول سياره لك ..؟؟ التيماا gxr موديل 1998 وش المكان اللي اول مره جربت السواقه فيه..؟؟ على طريق الكورنيش بسياره زميل سوداني اول سفره لك بالسيارة ..؟؟ كانت مع اخي الاكبر متجهين من الطائف للرياض اول حادث صار لك "الله يكفيكم شر الحوادث" ..؟؟ سيارة السوداني بالمتوسط ركبتها وطلعت من شارع فرعي لرئيسي ولم اتوقف في التقاطع وصدمت سياره كانت قادمه مسرعه وقلبتها رأس على عقب كفارتها فوق وسقفها تحت .. دخل على اثرهاالسوداني التوقيف ودخل السائق الاخر المستشفى . من يساعدك ويشجعك وانت تفحط..؟؟ كنت افحط تفحيط تسليه مع اولاد اخوي وفي اماكن التمشيه مع بعض وامام العائله لم اكن اهوى التفحيط او احترفه اخر مرة فحطت..؟؟ منذ زمن بعيد جداً اول مخالفه..؟؟ السواقه بدون حمل اثبات او رخصه سير او حتى وجود اوراق ثبوتيه للسياره دخلت التوقيف..؟؟ بسبب ماحدث في الجواب السابق دخلت لمدة 24 ساعه ولم اكمل منها الا 8 ساعات وخرجت بدفع غرامه ماليه اذا نعم وش صار وش سوت امك وش قالك ابوك..؟؟ سبحان الله الوالد والوالده والجميع لم يشعرون بغيابي لان الفتره التي تعودت قضائها بالخارج هي التي قضيتها بالتوقيف عندما عدت مساء اخبرتهم بالامر ماكان من الوالده الا ان اعطتني قيمه الغرامه لأعطيها لصديقي الذي اتى واخرجني بعد دفعه للغرامه ما هي ردة فعلك لو لو شفت احد يحك سيارتك بمفتاح..؟؟ افتح السياره وبمفك العجل على راسه هههههه ليش الاذيه يعني وش سوت له السياره ! قمت الصبح ولقيت الزجاج مكسور والمسجل مسروق..؟؟ حدث لي مرتين بنفس الوصف المذكور بالسؤال ابداً غيرت الزجاج واشتريت مسجل جديد وغيرت البيت صدمك واحد وانحاش ..؟؟ الله يسامحه صدمك واحد ونزل متشقق يضحك..؟؟ ابضحك معاه اذا واحد ركب معك السيارة وغثيث ونزل وردع باب السيارة.. ماشعورك..؟؟ ادعي عليه ... ركب معك واحد وانت توك مغسل السيارة وقعد يفصفص حب..؟؟ عادي الدعوه كلها 20 ريال غسيل سياره مره ثانيه ركب معك واحد مسوي فاهم ويعلمك مثلا يقول امسك اليمين لا اليسار ..؟؟ اقوله تمتع بالرحله ودع القياده لنا ركب معك واحد ملقوف يلمس وفتح ويحوس الاشرطه ويكب الطفايه و اذا وقفت عند الاشارة يفتح ويصك .. توقف وتنزله من السيارة .. ولاتقول حلم الله وسيع وتسكت له..؟؟ اقوله .. ترضى اسوي اللي بتسويه بسيارتك اهدا وروق واعقل لااشوتك برا السياره .. اسئله الآحاسيس والمشاعر وين توقف سيارتك فيه..؟؟ في الموقف الخاص بها اذا داخل البيت كل هذا خوفاً عليهاا ولا مافيه مكان جنب بيتكم..؟؟ خارج المنزل بموقف مخصص لها مرقم برقم المنزل شخص ودك دايم يركب معك قدام من اعضاء وهج الذكرى ..؟؟ الفارس الغامض اشخاص ودك دايم يركبون معك ..؟؟ للخيال طعم آخر . امير الذكرى , نبع الامل , دريم ويب كثيرون اتمنى مرافقتهم يوماً ما لو جا احد وطلب سيارتك بيروح فيهاا مشور صغينوط تعطيه أو لا..؟؟ اعطيه عادي اشين واحسن خبر سمعته في السيارة..؟؟ خبر وفاة امي كتب الوالد ورقه ووضعها تحت مقبض الباب بعد ان استأذن لي من المدرسه ورحل ايضاً خبر نجاحي من المرحله المتوسطه كان بالسياره وخبر قبولي في معهد الدراسات بالشرقيه كان بالسياره وديت سيارتك للصيانه وتاخرت .. وش تسوي ونت عايش بدونها..؟؟ اكلم اخوي يجي ياخذني او اروح استأجر سياره بنروح رحله بسيارتك من تختار من الاعضاء يركبون معك..؟؟ سؤال مكرر ولكن هالمره راح اخذ اللي مااخذتهم اول مره .. من المنشد الي دايم بمسجل السيارة ..؟؟ ماعندي اي منشد بسيارتي .. مااسمع الا ينبعاوي او ام كلثوم من رفيقك وونيسك في مسك الخطوط ..؟؟ عائلتي وابشرك رحمتهم من هالمعاناه بعد عودتي الاخيره من امريكا واصبحت وستصبح كل سفراتنا بالطائرة سياره تتمناها.. وسياره ماتحبها..؟؟ اتمنة فعلا الفيراري واللي ماحبها سيارت النقل كلمه توصف فيها سيارتك..؟؟ حمالة الآسية خاصة وانا ابني هالفتره مافي شي الا حملته فيها الله يعطيها العافيه والصبر شكراً خفايا الشوق |
وعليكم السلآم شمس الأصيل حياك الله عندما كتبت وهج الذكرى ماشاءا لله تبارك الرحمن عندها سياره ( مو ) جاء على بالي أسم سيارتها مو ههههههههههه <<< طعمه لذيذ المقلب يا خفايا مو ههههههههه بصرآحه أستمتعت بأجآباتك على الأسئله أعجبتني أجابة سؤال الملقوف والي يحك السياره وآضح بأنك مو عصبي مره فيما يتعلق بالسيارآت بالنسبه للسؤال الي تقول عنه مكرر هو ليس مكرر فهناك أختلاف بين أشخاص دائما يرافقونك في سيارتك وبين شخص تنتقيه لرحلتك بأذن الله ستصبح سفرتكم في الطآئره فمسك الخطوط متعب جدا ومرهق جدا أشكرك على ...... :sm219: شرفت ونورت شمس الأصيل |
:sm241::sm241::sm241::sm241:
يا سلااام عليك يا خفايا موضوع يجنن اجابتك رائعة يا شمس وصبرك طويل على الخلق ننتظر وهج الذكرى بفارغ الصبر لا تنسين تاخذيني معك سيارة " مو " شكلهها ياباني يا خفايا هههههههههههه:sm239: |
:sm216: مالت عليك أورآق الجنه يا رميساء من قلت موضوع يجنن وأنا ناطه فوق عند أسمي قلت أكيد فيه تنبيه للتقييمات الجديده مقلب ثاني حلوووووووووو :sm281: ههههههههههههههه أنا ما سويت شئ ليه آكل مقالب اليوم :sm263: هههههههههههه ايييي توي افتكرت مو سياره يابانيه سلكي سلكي يا رميساء :sm239: شرفت ونورت رميساء ما قلتي لي ما عندك سياره ؟؟ |
أتشرف بحضورك وهج الذكرى هلا تفضلت :sm113: |
خفايا الشوق .. شاكره
لكِ هذه الدعوه الكريمه ولي عوده ان شاء الله للمشاركه والرد على تعليقاتكم الطريفه . . |
| الساعة الآن 12:31 AM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون