|
عندي لكم قصه 🌹
السلام عليكم ورحمة الله وبركاته أزيكوا يا اولاد هذي بالمصري طبعا بالمصري يا اولاد تشمل البنات والعيال يا اولاد المهم ماعلينا عطوني المقرفون اشوف خلوني اصدح فيه واشدوا لكم بأجمل الألحان ياروحي ياغريب الأطوار منور ومروق وكلمة مروق ترا تقال للشخص الي شارب مرقه فايقال فلان مروق اي احتساء المرقه المهم انا مروق على الآخر ماعندي مشكله بالمره ياغالين ياطيبين ياحلوين عندي لكم قصص ممتعه ماهي من نسج الخيال قصص واقعيه ودي اكتبها بس فيه مشكله كبيره جدا سبق وان جلطتني عندكم هنا بالمنتدى راح تقولون وين المشكله المشكله ياغالين اني انا شخص اكتب القصص بيدي وأتعب عليها وتاخذ وقت معي وبنفس الوقت احرص ماتكون ممله واحرص انها تكون شيقه وتاخذ مني وقت ياعينيه اجي واحطها هو كويس كذا انتم معاي ؟؟؟ كويس اجي واحطها هنا وبعد ما احطها أتفاجأ مافيه الا ثلاثه قروها والباقي ماقراء وانا ابدا ما اجبر احد يقراء ولست بطاهر زمخشري الله يرحمه ابدا بس تسبب لي احباط بالمره احس انفخ بقربه مشقوقه انا ما اعرف نسخ لصق او منقول ولو انها على هالحال ابدا والله ما اتضايق بس انها تتعب شوي والاختيار لكم ان حبيتوا علموني بالردود والي لكم علي اجيب لكم شي جميل وبعدين واحد الله يسامحه هذاك اليوم جلطني ماني قايل اسمه حط لي ردين نفس الشي وش كتب كتب شكرا غريب الأطوار على المرور وهو الي مار ماهو انا وكررها مرتين ولي عهامتي هاد هو الي كارع مرقه وانا شخص منكم واليكم أتقبل النقد والملاحظات وأخذها بروح طيبه فا خلوني نسوي تفاعل بالمنتدى وتشجييع مثل المويه العاديه يقولك ان حطيتها بفخار الي هو الزير صارت حيه تتفاعل مع الأكسجين ياروحي ياغريب الأطوار وبعدين وسلامتك حبايبي محبكم / غريب الأطوار |
اخي غريب الاطوار.
خلصنا من هذا الملف .. والمنتدى صار احسن من الاول.. لو ركزت شوي تلاحظ التغير والتقدم.. ومازال على طريق التغيير .. لا تستعجل... هات قصصك ومواضيعك وان شاء الله تلاقي كل الأعضاء مكبوبين عليها. ههه وبعدين كلنا نعاني من نفس المشكله ومازلنا مستمرين نأمل في التغيير المطلوب. لك كل الاحترام والتقدير مع التحيه. |
حيّ الله طاهر زمخشري
قصدي غريب الأطوار وشاكرة لك مرورك .. قصدي حضورك وحابة أعزمك على مرقة مروقة قصدي مرقة حلوة ومتعوب عليها مِن صنع إيديا وحياة عينيا مع إني ما عمري سويتها .. بس لعيون غريبين الأطوار أعملها والنسخ واللصق بدستورهم واجب لاااااا قصدي سنه .. وقلك وقلي وهاتلك وهاتلي وجابلك وجابلي ونا أنتظر بيحط قاموس وبالنهاية يملي عيني .. بتسلم على مرورك هههههههه صديق الوهج وعزيز الغيم ..|؛ هلّم إليّ بقصصك فـ أنا على عتبة بابك راجيةٌ مُسترجية .. و أضعتُ المِفتاح ولا أُجيد فك لُغم الأقفال .. فـ علّ قفل بابك يشفع لي براءتِي وينكسسسسسر ..! بـ إنتظار حرفك الرواء .. لـ غيمة تطلب السُقيا لـ أرضٍ جدباء .. |
اخي نجم سهيل اشكرك ياغالي على ملاحظتك وانا آمل مثلك تطوير هذا المنتدى باذن الله |
غيم لحظه ارمي الشماغ شغلتك شغله الظاهر انتي شربتي نفس مرقتي البارح اكيد باين مروقه اذا تراهني يلا مدي يدك اراهنك على 100 دولار وانتي حره والظاهر راح أكتب قصه بطلتها غيم ماشاءالله عليك انتي غيم وكذا دخيل الله انا كيف لو كنتي مطر اروح طحين ياشيخه الف باقة ورد لك مني وانتي لو فيه ثلاثه منك بالمنتدى يالهوي يالهوي حتعملي ايه بس حلو كثير ولك مستقبل خوذيها من انسان مخضرم خبير حلو حلو طلعاتك هذي رغم حروفك أتعبتني طالعه عندي بالون الأبيض والابيض يتعب كثير على كل حال انا حطيتك براسي ياعينيه فيه مواضيع كثيره جايه بالطريق ابغاكي تكوني معاي صراحه انتي ملح المواضيع وابغى ادخل اسم غيم بكل موضوع وتعالي في هذا المنتدى نتقاسم الحلا والمر فيه حتى لو قلبناه حلبة مصارعه مافيها عدل نتايجها راجحه لي ميه بالميه المهم تجين شاربه مرقه وانا شارب مرق ومروقين هنا والحياة كلها فانيه ساعه ننبسط فيها مش غلط وقهوتك شربتها تجنن هذا وانتي ماتعرفي ماشاء الله خبره على الصامت اروح وطي هالمره واخيرا انزع لك الشماغ والعقال إجلال وتقدير وحب لك ولشخصك اللطيف الذي حركي كل احاسيسي ياشيخه انا دايم اقول فيه مواهب ودايم اكتشفها وانتي موهبه طاغيه بالزين واهدي لك اغنية طلال مداح الله يرحمه الي يقول فيها حبك سباني وانا جسمي نحل والباقي تلاقيه عند عمنا قوقل وتقبلي تحياتي وباقه بختري وكادي انثرها لك تقبلي تحيه من اعماق قلبي 🌹 |
إحم ..
مو عادتي أردف مُشاركتين بموضوع واحد بس شسوي ؟ صِرت غريبة أطوار << من عاشر القوم وعاد شماغك متمزمز ريحته بخور ودهن عود أوييييييلي .. ويقول بيكتبني بكل قصة أخاف أخاف ما أنام بليلي وأنا أحلم بعقالك aa: ويقول لو في مني ثلاثة ؟ مافي مافي أصلاً مين قال في أنا قمر مالي أربعين << مادح نفسه .....) وبالنسبة للخط الأبيض .. حتى أنا متوهقه دخيل عيونك .. وبفضح نفسي وعاد تعرف الحريم ما يمسكون سِر تجي تقول سرك في بير .. وبعد يومين ينقلب هالبير نافورة هههههه يا لهوي نرجع لسالفة اللون كنت أبغى أحمر ومالقيت (red) مع الأسف وشكل لغتهم فرنسية برومنسية وعاد ي الله اتهجى انا العربيه فما عرفت اترجم غير (الوايت) يعني ابيض بالإنقلش بس كتبته مترجم ههههههههه طولت وطولت عليك وبتقول وش ذي النشبة .. وع قولتك قلت ملح وانت البهارات يا بعدي .... وتكون يممممي لذاذة .. وتعال تعال نمخمخ هنا .. إنت تشرب قهوة و أنا كودرد https://youtu.be/PTGzWzO3Fi4 |
غيم والله ضحكتيني اضحك الله سنك ياشيخه ههههههههه شوفي كم صار هنا بصراحه وانا شخص صريح وواضح وشفاف ماكنت اتوقع تطلع لي وحده مثل خفة دمك ياشيخه والله انا الي اقول موضوع صار مثل العربيه للعطور بسبب مرورك العطر ايوالله فيكي لطافه ماشاءالله لو توزعت على الكرة الارضيه كان امتلاءت حب وحنان ومهما كتبتي تاكدي اقرأه وبتمعن وبانسجام وعلى كذا بلاش اشرب مرقه اروح اقراء مواضيعك تغني وتكفي عن الف مرقه اسمعي مره رحت الأرجنتين وشفت مرقه بالمطار وأعجبتني قالوا هذي مرقة ديك وشربتها لكن حلفت بعدها يمين بالله ما أحط اي مرقة ديك بفمي من الي شفته ياخرابي حسيت اني أبغى أطير واسابق العصافير رحت فيها ولا صحيت الا ثاني يوم كرهت الديك وساعة الديك ومرقته صرت بس على مرقة ماجي والله ومليون مرحبا فيك ياغيم كل مواضيعي تحت امرك خربشي فيها اكتبي ذكرياتك ابدا مسموح لك كل شي وانا والله ومن كل قلبي اشوف انك انسانه تستحقين اكثر من عضو ويصلح تكوني غريبة الأطوار منوره صراحه انتي شعله ماشاءالله عليكي طاقة كامله الا وينك من زمان ماجيتي ولا شفناك هذا كلام ياغيم والله منوره. ومروقه كمان وتاكدي اني اتشرف بمن هم مثل شخصك عمري وروحي وسيارتي وحتى خيمتي الي بالبر تحت امرك انتي لك مطلق الحريه وانا ممنون وشاكر وأكرر بكل صراحه انتي انسانه لك بصمه جميله جدا وتأثير سحري صحيح لايكون انتي ساحره اتوقع تسحري بالسحر الحلال ولك مني اجمل تحيه اخويه من اعماق قلبي ياغيم وأشكرك والله انك عملتي لي جو ويكفي لقيت انسان أتفاهم معاه الف تحيه لك مني |
هههههههههههههههه وربي ما أقدر ما أقدر أقرأ و أمشي
جلست أتخيل سني يضحك .. ورحت أدور قلم كُحل العين برسم بسني عيون وفم مقوس .. يعني مُبتسم قلم كُحل ؟؟ إيوه إيوه ما أدرس وتعرف كيف يكون البيت مطفر من أقلام ودفاتر و الحمدلله سني موجود ما كِنت أحتاج ورقه .. عاد الورقة أقطع طرف كرتون كنا نهوي فيها النار بالبر لجل تشب .. والله إنت إللي وينك عني هههههههههههههه أنا ليا ثلاثه أيام هنا تقريباً جاتني دعوة من نجم سهيل وعاد الله يرج إبليسك مرقة ديك مرة وحده ناقصين إحنا ناقصين بطنك يصيح كل ما أذن فجر وطلع الصبح .. خليك على ماجي ونا بتحنى بصبغة داجي والحمدلله إننا متفاهمين غريب وغريبة زمخشريين .. وغيمة أطوار .. وطقوسنا مطر كل السنة وعاد هالله هالله بالورد إللي يزهر كل ربيع خلينا نخالفه ونزهر أنا و إنت كل الفصول .. والله ما أغرتني إلا السيارة عاد تعرف سمحوا لنا بالسواقة .. المشكلة مو اني ما أعرف اسوق المشكله من وين لي قرض أطلع سيارة .. وعاد تعرف الصيف راح وزمهرير الشتاء حلّ و أنا فقيرة حال و أهلي فقارا :( فـ عاد أهديني سيارتك وصدقني ما أبي كورفيت ولا لمبرجيني .. أبي هايلوكس أبو غمارتين وبس ههههههه ربي ربي ربي يسسسسسسعدك يا أجمل مساء .. ومضة ..|| قدامهم غيم و أطوار وورى الشاشة ديك ودجاج يقاقي وداجي ومرقة ماجي .. محبتي لروحك قبل قلمك يا ساحر قلب الغيم .. |
ههههههههههههههههه وش هالزين لايقين ع بعض قسم
نفس الاسلوب و الخيال والكلام ربي يسعدكم غريب ياغريب وانا اقرا كنت انتظر قصتك لكن ننتظر منك الابداع والقصص وغيرها صح ان كل مواضيعك بكتابه يدك مو نسخ لكن كلها عتب ع المنتدى المنتدى مثل ماانت شايف كل ماله يتطور ويتجدد ويزيد العدد والي فيه مو مقصرين انت ابدا واكتب مواضيع وراح تشوف الردود وموفق خير ولاعاد تشرب مرقه ديك اشرب مرقه حاشي |
واخيرا لقي من يفهمه اخوي غريب الاطوار هههه
زي ماقلت لك غيم طيوبه وتدش القلب وعاد انت ابواب قلبك مفتوحة للجميع يالطيب الاصلي ههه بالهنا غريب وغريبه اطوار هههه الله يسعدكم يارب .. تحياتي ومودتي وورودي لكم. |
| الساعة الآن 02:23 AM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون