|
مشكلة محتاجة رايكم
طبعا كلكم هنا إخوة و اخوات ليا
وانا عندي مشكلة صغيرة بس محتاجة اخد رايكم فيها من فترة اشتغلت في شركة مستحضرات تجميل و كان معايا في الشغل بنوتة تقريبا كنا معظم الوقت مع بعض وكانت ساكنة قريب شوية مني فكنا ع طول مع بعض رايحين و راجعين مع بعض تتكون بينا ثقة كبيرة لدرجة أنه كان بأس ورد موبايلي معاها و لدرجة أنه دخلتها بيتي و كانت بتدخل عليا نائمة تصحيني المهم البنت دي كانت على علاقة بمديرنا وكان بينهم كلام زي كلام المتزوجين مع بعض وانا مقصدش اني أخوض في عرضها اقصد أنه علاقتهم كانت قوية جدا و كانوا حتى بينسوا أنهم في الشغل أو في الشارع حاولت أنه اقدم نصيحة و بس بعد كده اكتشفت أنه البنت دي بتستغلني ماديا بشكل كبير و بعدين شوفتها بتعمل محادثات بالواتس اب بتغيرها باسم وصورة غير ال بيكلمها و ده خلاني اقلق منها و اتعامل بشكل رسمي ولما سالتني قولتلعا قالت انسي الموضوع ده وانا سكت و قلت تخليني بعيد بعدين أقنعت بنت عندها ١٦ سنة أنه تاخد منها منتجات ب ٧٥٠٠ جنيه و الفلوس ال مع البنت دي كانت فلوس عملية لمامتها و هي قالتلعا أنه هترجعهم أضعاف والبنت صدقت و بعدين راحت باعت للبنت الحاجات دي باكتر من ضعف ثمنها و بدل ما تدي البنت الفلوس جابت زجاجات زيت فاضية و ملتها بزيت تقريبا ب ٢٠ جنيه و ادتهم للبنت انها مش عارفة تبيعهم ولما البنت حست أنه فيه حاجة و قررت تشتكيها لصاحب الشركة راحت بعتت صورة ليها من موبايلها لامها وقالت لمامتها بنتك على علاقة بواحد وان فيرجن و الصورة دي و غيرها على موبايله فابعديها عني ..فمامت البنت ضربتها لدرجة أنه دخلت المستشفى و بعدين اكتشفت كدبها راحت تشتكي لأهلها أهلها شتموها حصل بينا كذا خلاق في الشغل قولتلعم ان هشتغل في تيم تاني و فعلا كلمت صاحب الشركة و شرحتله أسبابي ال كلها في الشغل و محبتش سيرة اي حاجة اتصلت تلومني اني اتكلمت مع صاحب الشركة في علاقتها بالمدير قولتلها محصلش ده شئ لا يعنيني ولو انا أعرفه بحكم أننا كنا أصدقاء مينفعش احكيه او استغله و بعتلها سكرين بكلامي لصاحب الشركة شدت في الكلام معايا عملتلها بلوك و بعد كده فيه كذا حد اشتكى منها هي و المدير بتاعنا فصاحب الشركة طردهم هما الاتنين و سبت انا الشغل بعدها بعدين في رمضان انا غيرت الواتس بتاعي البرنامج ال يستخدمه فالبلوك اتشال لقيت منها رسالة كل سنة وانتي طيبة قلت و انتي طيبة و ابتدت سلامات عادية و بعدين قالتلي انها نازلة و هتقابل ال شخص ال كان مديرنا و اد ايه هو واحشها و كلام كده بعد كده من يومين لقيتها بتقولي انها من فترة اتعرفت على واحد وانه هيخطبها بعد العيد ازاي يا بنتي طيب و فلان قالت ربنا يوفقه المهم الشخص ال انا اتعرفت عليه ده ليه صاحب عسولة و عاوزاكي تكلميه و تدوبيه قولتلعا نعم مش فاهمة قالت يعني اتكلمي معاه و كده و اتدلعي عليه قولتلها انتي تعرفي أنه مليش في الجو ده قالت هو قالي عاوز عروسة وانا مش لقيت انسب منك قولتلها اني اسفة و اعتذرت اني مش هكلمه بس مش دي المشكلة المشكلة أنه جوايا احساس انها عاوزة تغلطني أو عاوزة تمسك عليا غلطة و في نفس الوقت خائفة اكون بظلمها بالإحساس ده مش عارفة ابعد عنها خالص ولا اعمل ايه |
بإختصار شديد
ابعدي عنها خالص . |
بحكم اني بنت هقولك صحبتك دي في سن المراهقه والمرحله دي تكون صعبه ع صاحبها لانه بيمر بمرحلة نضوج وفي نفس الوقت عاوزه أي شخص يهتم بيها ..
عشان كذا انتبهي منها مي لانها عاوزه توقعك في مشكله والسبب انها متهوره ولامبالاه عندها حاولي تغيري رقم جوالك بس ماتخليهاش تعرفوه لان البنت هذي مش محل ثقه للأسف.. |
اقتباس:
|
اقتباس:
|
اقتباس:
لكن انتبهي منها ممكن البنت مدسوسه ليك يعني حد مسلطها عليكي الزمن ده ماتعرفيش مين الي بيحبك ومين الي بيكرهك الله يحفظك مي Wahg-uyt |
اقتباس:
تسلمي |
اقتباس:
وحالا يادبه |
اقتباس:
|
السلام عليكم جميعا
أحيي جميع الاخوة والاخوات مي حبيبة قلبي السلامة لا يعدلها شيء وانت افتيتي نفسك وقلتي انا حاسة انها بتستغلني وده واضح جدا وكمان عايزة تسوء سمعتك وزي ما قلتي تمسك عليكِ حاجة لأن الانسان السيء عايز كل الناس سيئين مثله لانه حاسس بالنقص عنهم والمسألة مش بالسن المسألة بالعقل ممكن تلاقي واحد عنده خمسين سنة وأفعاله كطفل او مراهق والنوعيات دي كتير للاسف فأقول لكِ مرة واتنين وثلاثة ابعدي ارجوكِ ولا تعطي اي احد باس وردك مهما كانت درجة ثقتك فيه متعرفيش ممكن تستغلك من خلال معرفتها لكلمة مرورك وتدخلك في مشاكل انتي في غنى عنها دي مالهاش أمان بدليل انها عايزة توقعك زي ما هي وقعت لو كانت صديقة فعلا كانت خافت عليكِ حتى من نفسها أوعي يا مي بالله عليكِ وكمان لا تتوسطي لها باي موضوع وادعي ان ربنا يكفيكِ شرها وشر خلقه لان دي من شياطين الانس بس شيء واحد ممكن ما تتركيه وهو الدعاء لها بظهر الغيب ان ربنا يهديها ويصلح حالها ويكفيها شر نفسها وشر خلقه ومش عايزة افكرك بحديث الرسول صلى الله عليه وسلم " المرء على دين خليلة فلينظر أحدكم من يخالل " وكم سمعنا حكايات عن اناس كانوا اكثر من الاخوة وهذه سرقت زوجها أو تسببت لها بمشاكل لا حصر لها ربنا يوفقك واوعي تظني انك بابتعادك عنها بتظلميها بالعكس انت بتحمي نفسك وبتتقي شرها ربنا يحفظك اينما كنتي حبيبتي |
| الساعة الآن 03:07 PM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون