|
غريب الأطوار يبارك لكم في رمضان 🌹
[overline]
السلام عليكم ورحمة الله وبركاته مبروك عليكم شهر رمضان وكل رمضان وانتم بخير وش اخباركم جميعا عساكم بخير جيتكم بعد الغيبه والفضل يعود لله ثم لكم كرم منكم بعثتوا بريد لي بس لايكون رايح لجارنا وجاني بالغلط مااعتقد المهم شفت انكم مانسيتوني برسالة جيتكم بكلام وبشعور لايوصف من الحب والاشتياق لكن يشهد الله اني ناسي كيف اكتب موضوع كيف أنسق الكلام وبعدين صاير مااشوف مثل اول والله صحيح بس لسى ماخرفت وعلى طاري مااشوف اليوم ارسلي واحد من الاصدقاء رساله بعد الفطور قالي وين انت وانا بالبيت يعني اقول بالبيت رديت عليه والله بالخطا ولا ادري كيف طلعت الكلمه ابغى اكتب انا بالبيت مادريت الا وكتبت انا مليت قال شكرًا واستغربت ماجاء لين صححت الخطا المهم اعذروني لو فيه اخطاء املائه المهم جيتكم مشتاق وحسن العهد من الإيمان واسلم عليكم بهالعمر الطويل القصير رغم اني ماخذ بخاطري الحين كل هالغيبه هذي ومن زمان صديق لكم ماتغير شي لازلت عضو مسكين مثل هاك الجندي الي ماترقى وغيره صاروا ضباط هههه ماهو مهم كثر هم الشوق لكم عطوني اخباركم من راح من جاء من ذكرني من ماذكرني هذا والله يحفظكم ويرعاكم وكل سنة وانتم سالمين [/overline] |
هلا غريب الدار
نورت المنتدى بطلتك والشكر ع اللي ارسل لك وخلاك تجي وان شاء الله دوم الحضور اختك ريماس |
هلا والله وغلا
ارحب ياغريب الاطوار والله زمان عنك وعن سواليفك تدري عاد والله اشتقت لأسلوبك التلقائي الجميل المحبب للنفس عاد ابقولك سر انا اللي ارسلت لك الرساله ... والحمدلله انك اعطيتني وجه وجيت ورجعت لبيتك عاد علشان تصير مثل الضابط اللي ترقيته ماتطوف يوم واحد مالك الا تتواجد معنا .. وتعيذ ذكرياتك الماضية ياهلا فيك وكل عام وانت بخير ... وعقبال مايجي رمضان الجاي ونشوفك نقيب . |
حياك الله بينا غريب الاطوار
ونتمنى انه يسعدك منتدانا.. اهلا وسهلا بك بيننا .. اضفت نورا جديدا على منتدانا كلنا لهفة وشوق لرؤية مواضيعك المفيدة.. وكلنا امل بأن يحوز منتدانا على رضاك واعجابك .. وكل عام وانت بخير ياغالى ورمضان كريم اللهم تقبل منا الصيام والقيام :sm113: وير فع للتنبيهات |
الله يسلمك ياريماس ويبارك فيك وكل عام وانتي بألف خير اخي شمس الأصيل انا لي نظرة فيك من زمان ونظرتي في محلها والله انت رجل وفي ورسالتك دلت على طيب اصلك هذا هو الوفاء كلك كرم وثق تماما انك اخ عزيز وغالي وانا لا أكن لكم جميعا الا الود شكرًا لك ياأصيل ياامير كل سنة وانت والاهل بخير وانا معاكم ابدا في اي موقع مايهمني ابدا غير اني اكون ببنكم شكرًا لك ولرسالتك ولحروفك الجميله البرنس الراقي الله يحفظك ويخليك يا اخي العزيز كل عام وانت طيب 🌹 |
ياهلا فيك ياغريب الاطوار
نورت مكانك حفظك الله |
|
| الساعة الآن 07:59 PM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون