منتديات وهج الذكرى

منتديات وهج الذكرى (https://www.wahjj.com/vb/index.php)
-   وهج الأبيات و الشعر (https://www.wahjj.com/vb/forumdisplay.php?f=68)
-   -   البارحـه يــوم الخـلايـق نيـامـا (https://www.wahjj.com/vb/showthread.php?t=29498)

blackcat 01-14-2020 07:25 AM

البارحـه يــوم الخـلايـق نيـامـا
 
قال بن مسلم في قصيدته الشهيرة والتي غناها الكثيرون وأبرزهم راشد الماجد:

البارحـه يــوم الخـلايـق نيـامـا..
بيحت مـن كثـر البكـا كـل مكنـون
قمت اتوجد وانثـر المـاء علـى مـا..
من موق عين دمعهـا كـان مخـزون
لـي ونـة مـن سمعهـا ماينـامـا..
ونة صويب بيـن الأضـلاع مطعـون
وإلا كمـا ونـت كسـيـر السـلامـا..
خلـوه ربعـه للمعـاديـن مـديـون
فـي ساعـة قـل الرجـا والمحامـا..
في ما يطالـع يومهـم عنـه يقفـون
وإلا كمـا ونـة راعبـيـة حمـامـا..
غـاب ذكرهـا والقوانيـص يـرمـون
تسمـع لهـا بيـن الجرايـد حطامـا..
من نوحها تدعـي المواليـف يبكـون
وإلا خـلـوج سايـبـة للهيـامــا..
على حوار ضايع في ضحـى الكـون
وإلا حــوار نشقـولـه شـمـامـا..
وهـي تطالـع يـوم جـروه بعيـون
يـردون مثلـه والظوامـي سيـامـا..
ترزمـوا معهـا وقـامـو يحـنـون
وإلا رضـيـع جـرعـوه الفطـامـا..
توفـت امـه قبـل اربعينـه يتمـون
عليـك يـا شـارب لكـاس الحمامـا..
صـرف بتقديـر مـن الله مــأذون
جاه القضاء من بعد شهـر الصيامـا..
وقاموا عليـه مـن الترايـب يهلـون
راحوا بهـا حـروة صـلاة الامامـا..
عند الدفـن قامـوا لهـا الله يدعـون
بـرضـاه والجـنـة وحسن الخـتـاما..
ودموع عينـي فـوق خـدي يهلـون
حطـوه فـي قبـر غطـاه الهـدامـا..
في مهمة من عرب الامـات مسكـون
يـا حفـرة يسقـي ثـراك الغمـامـا..
مزن مـن الرحمـة عليهـا يصبـون
جعـل البختـري والنفـل والخزامـا..
ينبت على قبـر بـه العـذب مدفـون
مرحـوم يالـي مـا مشـي بالملامـا..
جيران بيتـه راح مـا منـه يشكـون
يا وسع عذري وأن هجـرت المنامـا..
ورافقت من عقب العقل كـل مجنـون
أخـذت أنـا ويـاه سبعـة اعـوامـا..
مع مثلهـن فـي كيـف مالهـا لـون
والله كنه يـا عـرب صـرف عامـا..
يا عونة الله صـرف الأيـام وشلـون
وأكبر اهمومـي مـن بـزور يتامـا..
وإن شفتهم قـدام وجهـي يصيحـون
وأن قلـت لا تبكـون قالـوا عـلامـا..
نبكـي ويبكـي مثلنـا كـل محـزون
لاقلـت وش تبكـون ؟ قالـو يتـامـا..
قلـت اليتيـم ايـاي وانتـم تسجـون
قمـت اتشكـا عنـد ربـع العـدامـا..
وجوني علـى فرقـا خليلـي يعـزون
قالـوا تجـوز وانـس لامـه بلامـا..
ترى العذارى عـن بعضهـم يسلـون
قلـت إنهـا لـي وفقـت بالـولامـا..
ولو جمعتـم نصفهـن مـا يسـدون
مـا ظنتـي تلقـون مثلـه حـرامـا..
ايضا ولا فيهن علـى السـر مامـون
وأخـاف أنـا مـن عاديـات الذمامـا..
اللي على ضيـم الدهـر مـا يتاقـون
أوخبلـة مــا عقلـهـا بالتمـامـا..
تضحك وهي تلذغ على الكبد بالهـون
تـوذي عيالـي بالنـهـر والكـلامـا..
وانا تجرعنـي مـن المـر بصحـون
والله لــولا هالصـغـار اليـتـامـا..
خايف عليهم مـن السكه يضيعـون
لقـول كـل البيـض عقبـه حرامـا..
واصبر كما يصبر على الحبس مسجون
عليـه منـي كـل يــوم سـلامـا..
عدد حجيج البيـت واللـي يطوفـون
وصلوا علـى سيـد جميـع الانامـا..
على النبي ياللـي حضرتـوا تصلـون

خـ ـــ ااــ ــد 01-15-2020 03:54 AM

ماشاءالله
أسطرك رائعة
وأحرفك في غاية من الجمال,,,
هنا يغلفك الابداع ويرافقك ,,
وكأنني في حديقة تزهر بارق المشاعر,,
كلمات جميله وراقت لي كثيراً ..
بيض الله وجهك
ورفع قدرك على القصيده الرائعه
احسنت ياذوق ..
تقبل فائق تقديري واحترامي
دمت بسعادة.


ريماس 01-15-2020 06:46 AM

مختارات قمة الاحساس والذوق
سلمت وسلم الجلب الراقي
لا حرمنا عطاءك وتميز بصمتك
لروحك اجمل الامنيات
دمت بسعادة

عاشق القصيد 01-16-2020 12:34 PM

يعطيك العافيه على هذا الموضوع
الجميل لطالما كانت مواضيعك
متميزة لا عدمنا التميز
وروعة الاختيار
تحياتي لك
انتظر جديدگ

الجوري 06-21-2021 03:30 AM

رد: البارحـه يــوم الخـلايـق نيـامـا
 
لجهودكم باقات من الشكر والتقدير
تحياتي لكم


الساعة الآن 03:16 AM بتوقيت الرياض

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون