|
ادارة المنتدى 🌺
إدارة منتدى وهج الذكرى السلام عليكم ورحمة الله وبركاتة وشلونكم اصدقائي وأخواني واهلي وربعي وعزوتي يالله وامي وأبوي تستاهلين وهذا القلب احطه هنا ❤ تحت امركم بعروقه ودمه يفداكم جيت اقدم شكر لكم بعد قلبي انتوا المشكله الظاهر اليوم انا مخربط شوي كنت ابي اكتب الشكر في قسم الامومه والطفوله ورب البيت فتحت عليها وجلست اكتب وبعدين قلت وش دخل الامومه ياغريب حرام عليك ماني عارف ليش هالخربطه قلبي اليا حب مشكله يضيع . اعزائي ادارة المنتدى وعلى رأسهم اخي وصديقي وحبيبي شمس الأصيل وأختي الغاليه ريماس الانسانه الغاليه بالفطره غلاها من لحظة دخولي هالمنتدى الى الى لحظة الكلام هذا غلاها باقي يزود ماينقص انسانه احترمها اقدرها غلاها غلا الاخ الكبير لأخته الصغيره انسانه تعمقت داخلها فيها طيبه وإنسانيه لابعد حد أشكرها على ماقدمت لي باسم ادارة المنتدى واشكرك المنتدى جميعاً على مايقدمونه في هذا الجمع الطيب الشكر لكل من هو منتسب لهذا المنتدى ويشهد الله شعوري معكم شعور فرد بين عائلته مهما نقول ونكتب تبقى النوايا سليمه اخوان وأخوات نجتمع على المحبه ونفترق عليها اليوم انا لابسه غترة بيضاء ماودي ابكي واخربها مثل صديقه لي زمان تقول تكفى لا تبكيني تخرب غطوتي ويوم تبكي يصير مكان الدموع ابيض على الغطوه وارحمها وابكي انا عاد انا اليوم ماودي ابكي حتى ما اخرب الغترة نفس الي على طلال مداح الله يرحمه ولا تكريمكم لي بالوسام يستحق أنثر الدمعه فرح واليوم انا كشخه غترة ووسام وثوب اصفر صاير مثل علم البشمركه من قدي وتاكدوا ان هذا الوسام وسام شرف اتقلده بينكم ياغالين اخيراً ولا آخراً الشكر لأخي شمس الأصيل وطاقم الاداره كامل الذي جعل هذا المنتدى يحضى بشخصيات فذه تحمل افكار واعيه اشكرهم على حرصهم وجعلهم هذا المنتدى يكون من افضل المنتديات لهم الشكر دون مجامله فسيروا الله يرعاكم حبيبكم غريب الأطوار الي محد يحبكم كثره |
الشُكر والعِرفان يا فاضِل منكَ وفيك
والإدارة الكريمة .. تقوم بواجبها لـ من يستحق .. و أنت أهلٌ لـ هذا الفخر وبشهادة الجميع .. و أولهم أنا و أبصم لك بـ العشر والله الوسام يتباهى بك مو إنت إللي تفخر فيه .. وشمس وجميع طاقم الإدارة يسعوون بجهودهم لـ راحة الجميع مُباركٌ عليك سكبكَ السامق .. مثل صديقه لي زمان تقول تكفى لا تبكيني تخرب غطوتي ويوم تبكي يصير مكان الدموع ابيض على الغطوه وارحمها وابكي انا يعني لازم تطلعني مِن مودي وتخرب ستايلي الله يهديك .. ما قدرت أمسك ضحكتي الوصف ألييييييييم (اللهم لا شماتة) هههههههههههههه زمخشري هذي لـ قلبك https://b.top4top.net/p_656ynats0.gif |
تستاهل اخوي غريب
وان شاء الله نشوفك من اهل اللون الاحمر هههه الحمد لله انك بديت ترضى عن المنتدى واقتنعت انه تحسن اخيرا. ههه وان شاء الله بيكون احسن من كذا بعد. تحياتي لك اخوي.. |
اما طلعتك من مودك انا طلعت من طوري ياشيخه هههههه انا الظاهر راح انجن اهم شي انك ضحكتي وانبسطتي ياغيم احسن حتى تمطرين علينا حنان ردودك تجنن وانا مجنونك ياشيخه تسلمين ياذووووق 🌷 |
اهلين بنجم الغيم اقصد نجم سهيل لاتلومني قلبي طار للغيم ههههه اما اللون الأحمر ياخوك ما ابيه انا حتى المرقه صرت ما احبها بسبب لونها الأحمر انا أحب الغيوم ههههههه والمطر والسحاب الا انت وينك صحيح لك شهر ماجيت تشوف وش جرى لي الله يسعدك ياشيخ شف المنتدى احترق شوق وحب وامتلاء ورود وأزهار الله يخليك لنا اعذرني مقدر أحط لك ورده تبي مرق ابشر الورده الحمراء لها ناسها وانت تستاهل اكثر من ورده تدري انت الورد |
اقتباس:
والغيم حجبت السماء عشان كذا ماشفتني ولا انا موجود هههه وانت ماشاء الله عليك مافيك الا العافيه .. اللون الحمر قصدي ابيك توكون من الادارين هههه المرق زين بس اذا ماراح تشرب معي مابيه ابي شي اللي تشاركني فيه .. شفلنا حليب اذا عندك نوق ههه والورد زين صار للجنسين مو شرط للبنات هههههه يعطيك العافيه .. تحياتي لك يالغالي.:sm113: |
غريب الاطوار
اشكرك على هذه الكلمات التي اعتز بها واتشرف بها وهي وسام على صدري افتخر به وتستاهل اخي التكريم وان شاء الله منتدانا بالقمه بوجودكم ودعمكم ووقفتكم معنا ونجاح المنتدى من نجاحكم لك مني كل الاحترام والتقدير لشخصك الكريم تقيم +ختم+200م |
الله يجبر بخاطرك ياريماس غمرتيني بطيبك ولاهو غريب منك هالكرم أنا مدان لك بكل ماذكرتيه اتجاهي عودتيني على هالطف الي ماهو مستغرب منك كلماتك دايم تسعدني وعسى ربي دايم يخليني عند حسن ظنكم وإنتي دايم ترفعي معنوياتي حتى اصبح رصيدك عندي بالاحترام لايوصف 🌸 شكرًا ريماس شكرا يانبع الكرم هذا ماتعودته منك منذ ان عرفتكم تقبلي اجمل تحية مني |
ههههههههه لالا مش ممكن غريب وموضوع ومافيه شي من التحلطم
يمكن مضيع صدق والا شي والا المرق فيه شي هههههههههه غريب الاطوار انت مبدع بصراحه تملك اسلوب جميل وفكاهي ماشاء الله عليك لكنك بخيل علينا بطرحك وتواجدك تواجد وابشر بلي يسرك ويرضيك وانت تستاهل اكثر والشكر موصول لك ياغريب |
اوركيدا طيب انتي وينك كلهم سمعوني وانا انادي باسمك ولا اسمع الا صدى صوتي تصلح اغنية هذي ترا أغاني الأيام هذي اَي شي يمشي حتى لو الكلمات مثلا أحب المرقه ياناس احبها مع الاناناس ههههههههههه الله يسعدك يا اوركيدا أنا ما غبت موجود بس بصراحه أقولك وماتزعلين كنت انتظر احد يسالني عني يقول وينه أنا غبت اربع ايّام شربت مرقه وكان فيها فلفل وراح الصوت وما قدرت أجي كيف أتكلم ومافي صوت والله لو المنتدى فيه مرق اوعدك ما اعمل خروج نهائي متواجد 24 ساعه ههههههههههههه الله يسعدك يا اوركيدا ذكرتيني بالمرق وانا زعلان معاه وحالف مايطب فمي بس للظروره احكام كل يوم مري علينا وابعثي لنا سلام وتقبلي مني احلا تحيه |
| الساعة الآن 08:45 AM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون