منتديات وهج الذكرى - منشور سيغير طريقة تفكيرك في الحياة

منتديات وهج الذكرى (https://www.wahjj.com/vb/index.php)

- تطوير الذات (https://www.wahjj.com/vb/forumdisplay.php?f=103)

- - منشور سيغير طريقة تفكيرك في الحياة (https://www.wahjj.com/vb/showthread.php?t=47756)

منشور سيغير طريقة تفكيرك في الحياة

🔴 هذا المنشور سيغير طريقة تفكيرك في الحياة:

١- الدنيا متل ما أنت بدك .. مش متل ما بقولوا الناس!

٢- مش لازم أبداً تكون نسخة عن أسلافك ولا لازم تكون متل ما أهلك ومحيطك متوقعين لك ..
وتذكر .. لمّا بتخطط حط توقعات الناس على جنب!

٣- رأي الناس فيك ما هو إلا ضياع وقت .. لو كان عندهم شي مهم كانوا طبقوه على نفسهم!؟
تذكر أنو الكل بريدك تكون ناجح بس مش أكتر منه!!

٤- لما تكبر رح تندم على الأشياء اللي ما عملتها أكتر من اللي عملتها وفشلت فيها ..
لو بنفسك تعمل شي اعمله وما تتردد لأنو أعظم شي ممكن يصير معك هو إنك تتعلم درس!

٥- الشغلات اللي خايف تعملها اعملها عشان ما تخاف!

٦- ما تقيس حياتك بالمصاري اللي معك ..
المصاري بعمرها ما جابت نجاح
النجاح هو اللي بيعمل مصاري !!

٧- في مسيرة الحياة رح تلتقي بناس كتير مشوهة من جواتها وبتعاني من أمراض وعقد نفسية ..
نحنا مش مهمتنا نغيرهم ولا مسؤوليتنا نربيهم .. بس من حقنا ما نعطيهم أي مساحة من وقتنا ولا من تفكيرنا!

٨- نجاحك لا يقاس بالفرص اللي بتحصل عليها وبس .. كمان الفرص اللي بترفضها فيها قوة وحكمة ...
تعلم تقول لأ لأي شي ما بناسبك ..
لأ .. لأ .. لأ ..
سهلة كتير ومع الوقت بتخليك أقوى!

٩- مش مهم الناس كيف بتشوفك ... المهم أنت بتشوف نفسك كيف!

١٠- في هذه الحياة لديك فقط خيارين
إما أن تكون محارباً أو ضحية !

💢💢💢💢💢💢

مما قرأت