منتديات وهج الذكرى - بالتفصيل طريقة تثبيت احدث نسخة من كليجا 1.6 بالتفصيل

السلام عليكم و رحمة الله و بركاته
معنا اليوم اعزائى موضوع جميل عن
طريقة تثبيت احدث نسخة من كليجا 1.6 بالتفصيل الممل
نحمل نسخة كليجا الجديدة من موقع كليجا ( هنا ) ، ح ينزل معانا ملف اسمه kleeja_1.6.zip ، ده عبارة عن ملف مضغوط ، نعمل عليه كليك يمين بالماوس و نختار extract to kleeja_1.6.zip/ و ده معناه اننا بنفك الضغط عن الملف ، ح يظهر عندنا مجلد ( فولدر ) اسمه kleeja_1.6 ، نفتحه ح نلائى جواه مجلدين ، مجلد اسمه kleeja و المجلد التانى اسمه __MACOSX ، نفتح المجلد الأول (kleeja ) ح نلائى جواه مجلدات و ملفات كتيرة ، خللينا فاتحين المجلد ده و نروح على برنامج الإف تى بى بتاعنا و نفتحه و بعدها نفتح مجلد بابليك public_html اللى جواه مجلد المنتدى بتاعنا و نعمل جوا بابليك مجلد جديد و نسميه أى اسم مناسب ، انا اخترت اسميه up ، نحدد كل المجلدات و الملفات اللى جوا مجلد kleeja و نرفعهم للمجلد up ، و بعد كده نسيب الحاجة تترفع مع نفسها و نروح على سى بانل الموقع و نخش على قواعد البيانات و نعمل قاعدة بيانات جديدة ، نختار لها اسم و ليكن مثلا masr_gg و ندوس على انشاء قاعدة بيانات ، ح تفتح صفحة جديدة تقول لنا انه تم انشاء القاعدة الفلانية بنجاح ، نضغط رجوع و ننزل بالصفحة تحت حتة صغيرة و نختار انشاء مستخدم جديد ، نكتب الاسم و الباسورد و نأكد الباسورد و نضغط على انشاء مستخدم جديد بعدها ح تظهر لنا صفحة تقول لنا ان المستخدم الفلانى تم انشاؤه ، نفترض مثلا اننا اخترنا المستخدم الجديد يكون اسمه masr_aa ، نضغط على رجوع و ننزل بالصفحة حتة كمان لتحت و نعمل ارتباط بين المستخدم الجديد و بين قاعدة البيانات الجديدة ، ح نختار اسم المستخدم الجديد من القايمة اللى جنب اسماء المستخدمين و نختار القاعدة برضو من القايمة اللى جنب اسماء قواعد البيانات و نضغط على انشاء ارتباط ، ح تفتح لنا صفحة جديدة ، نعلم على كل الخيارات و نضغط على انشاء ارتباط ح تظهر لنا رسالة انه تم ربط المستخدم بقاعدة البيانات بنجاح ، ناخد كوبى من اسم المستخدم و اسم قاعدة البيانات و كلمة المرور بتاعة المستخدم الجديد فى اى ملف على جنب عشان ح نعوزها بعد كده ، نخرج من السى بانل و نرجع على برنامج الاف تى بى نشوف اخبار رفع الملفات ايه ، بعد الانتهاء من الرفع نفتح المتصفح بتاعنا و نكتب العنوان ده : http://xxxx.com/up/install/install.php و طبعا ح نشيل الإكسات و نحط مكانها الدومين بتاعنا ، مثلا لو الرابط بتاع منتداك بالطريقة دى : http://wahjj.com/vb/ يبئى الدومين بتاعك هو wahjj ، خده كوبى و حطه مكان الإكسات و اضغط على enter من الكيبورد ح يظهر معاك اول صفحة من صفحات تثبيت كليجا ، اضغط على علم السعودية ، و ده معناه انك ح تختار اللغة العربية و بعد كده اضغط على التالى و اضغط بعدها انك موافق على الشروط بتاعة كليجا و انك منزل النسخة من موقعهم و خلليك معاهم شغال على زرار التالى لحد ما يظهر لك صفحة عايزة بيانات المستخدم و قاعدة البيانات و الباسورد ، نرجع للكوبى بتاعنا و نحط اسم المستخدم و اسم القاعدة و الباسورد و نضغط على التالى ، ح تظهر لنا ان رسايل ان الاتصال بالقاعدة تم بنجاح و ان ملف الكونفيج اتعمل و الكلام ده و بعدها ح تظهر لك مكتوب فيها لينك تلقائى لمركز الرفع اللى ح يتعمل و مطلوب منك تكتب اسم المركز ة تكتب ايميل و تكتب بيانات ادمن المركز ، اختار اسم و باسورد و اختار من تحت خالص شكل رابط الملفات اللى ح تترفع على المركز ( ممكن تختار رابط مباشر ) و اضغط على التالى لغاية ما تظهر لك صفحة بتقول لك احذف مجلد install ، ارجع لبرنامج الاف تى بى و احذف مجلد install او احذفه من مدير الملفات فى السى بانل بتاعة موقعك و خش المركز و جرب ايه الاخبار و شوف النتيجة لما ترفع لك ملفين تلاتة و مبروك عليك مركز الرفع .