منتديات وهج الذكرى - خلى بالك يا هنيه الجواز مسئوليه

http://forum.tawwat.com/images-topic...s/bas/0022.gif

طبعا حواء ال اقصدها المتزوجه وال كانت
قبل الزواج في الحب والحركه شعله ومتوهجه
وطول النهار خد وهات وكل صغيره
وكبيره معاك يا شحات
وانت فين وروحت فين وقولي ولا تخبيش يا زين
وفي اللباس حلوه ومتغندره وجميله وانيقه
وما فيش بهدله وبعد الزواج بشهر ولا شهرين
عينك ما تشوف الا النور يا حسانين
يا حسوتي يا منابي كان حظي منيل ويا هبابي
ليه يا ننوسه عاوزه تقعد طول عمرها عروسه
ما فيش مانع بس الحياه الزوجيه مش سهله يا هنيه
لازم فيها ملح وسكر والملح ممكن يكون اكتر
فلازم تكوني قد المسؤليه اومال ايه يا سعديه
فاكراها نوم للظهر وحركات دي كان ايام
مامتك يا فكرات
تنامي وتقومي الاكل جاهز يا ماما ايوا يا ست البنات
لا دلوقتي ما فيش غير انك تقومي من الفجريه تشوفي
ال وراكي يا عينيه ولو عندك شغل تروحي وترجعي
وتنامي شويه ويجي البيه يدوب تحطي الاكل يسخن
في المايكرويف وتشوفي لزوم الغدا والعشا
وتكوني ملكه ولفظك جميل وهتلاقي حوا معاكي
والكلام الحلو عليه مليون دليل ودليل
بيلين القلوب المفتريه
اوعي تنسي يا سعديه الزواج مش لعبه يا اختي
وطلقني لو ما كنتش عاجبه والحوارت ديه
صحيح لو راجل مفتري ولا بيساعدك
وطول النهار نكد وعامل عليكي بيه
انقعيه في رابسوا ونضفيه
وان ما نضف وبقي زوج وحبيب
ساعتها بقولك هدديه وقولي الخلع يا عنيا
جاهز وحياه مامتك للحاله ديه
بس وحياتك لاتنسي الزواج مسؤليه
صحيح فيه بني ادم يقدر حدود المسؤليه
وبني ادم لايعرف غير هاتي يا وليه
اصبري عليه
وادعي ربك يهديه
وان جار عليكي اخلعيه :D
وخلي بالك يا هنيه الزواج مسؤليه

http://forum.hwaml.com/imgcache2/hwa...669234_903.gif