محتاج لك ياضوى عيني مع سنيني..
ودي انا ابكي بحضنك ثم تنساني
لامن خذيت قلبي وش بقى فيني ..
ماغير جرح بكى عليك وابكاني
وان كنت ضايق حياتي لا تناديني ..
ما احب اشوف الحزن فعيون خلاني
وان كنت تسأل عن اللي فيك مشقيني ..
ترى جواب الخفوق يسابق لساني
ودي تناظر سوات الدمع في عيني ..
ودي تشوف النعاس شلون جافاني
ودي اموت بحنانك لا ترديني ..
ودي اعيش بزمانك لا تعداني
ودي اناظر غيابك في طرف عيني ..
واقول اركد ما عاش اللي تحداني
يكفيني انك بجنبي دوم يكفيني ..
ودامي لقيتك عسى هالكون ينساني
المواضيع المتشابهه: