احذر من اللي لازعل ينكر الطيب
جنب مخاواته وجنب حياته

انا خذيت من الزمن والتجاريب
ان الخوي لاخان توجع عصاته .

وش لك بخوه كل ابوها عذاريب !
لاتامنه لو شفت ضحكت شفاته

البعد ماهو عيب تدري وش العيب ؟
انك معه بالعيب تسوي سواته !

لاحتاجلك جالك ولا احتجته يغيب
وليا نصيته صد وابعد مباته

من لايعدك بالغلا والمكاسيب
عيب عليك تلاحقه من غلاته !

ماشره على غيري ولا لي مطاليب
وكنيت عن درب الردى والشماته

انا وفيت لشخص خلاني غريب !
والله ماخلا سوى ذكرياته

مانتظر طيبه ولا ودي يطيب
ماحتجت له وانا السبب في نجاته !

ماقصد احد واللي فهم عقله يصيب
هذي وصاة اللي ترك لك وصاته

المواضيع المتشابهه:

• جوزة الطيب
• أملك*قلباً*لا*ينكر*من*سكن*به
• جوزة الطيب
• حديث: كان يهل منا المهل فلا ينكر عليه ويكبر المكبر فلا ينكر عليه
• حكم من ينكر وجود الناسخ والمنسوخ في نصوص الوحي

وردة الغرام ,اميرة الحب معجبون بهذا