دائماً البقايا ،
مابتفيد ، ما بتنفَع ، مافيها تكون متممّة
لذات الشيئ ،
مافيني ارجَع اشعُل النار من رماد
وأن شعلت رح تخمُد
مارح تعطيني ذات الدفى ،
ولا تضلها معي وقت طويل
رح تنطفى بسرعة
بقايا المشاعِر مابتفيد أبداً
تعا بكِل ما فيك ، او ما تجّي طاول
مارح تنفع أنك تقدم كاسة مَي وحدة
لعشر اشخاص
عاطشين ،
ولا حبلة وحدة ل ناس غارقين ،
وحدة ما بتكفي ،
والحب مابيكون
ب اهتمام يوم ،
وشهر لأ !
ولا رح كون بستاهل أعطيك كل شي
لتعطيني جزء
وبكرا يخلُص،
وأنا أبقى مع اندفاعي المتفحّم،
مارح تنفعني شوية أيام
محتاجة لسنين ،
دائماً ماكانِت بتكمل الشغلات الناقصّة
المحاولة ب شيئ
ماله مكتمل من جميع النواحي ،
فكرةّ بتوجع
أنَك تبادِر بكُل ما فيك
وتلاقي شوية شوية
بَس !
صَعب أني حبك هيك ،
مارح يكون وجع الفُراق صعَب
قد وجع ، أنه تنردلَك قوتَك المُعطاة
ب شيئ بسيط ،
بسيط كتيرّ
مارح يكون جرح بيترَمم ،
الزرعة لما تقصها ، رح تصير صعبة ترجع تطلع
وردة جديدة ،
مافيها تعطي نفس الريحة القديمة ،
بدك تقلب كل أشي فيها
وتزرعها من جديد
لتطلع أحلا
مش أنَك تعطي بالقليل
ماكان فيني أرضى ، بِ بقايا مشاعِر
او مافييّ بهالمسألة بالذات
عشّم حالي بشيئ قليل
هاد مو شيئ عادي
هاد قلبي ، بيستحق أكتر من هيك 🖤!

- رنا محمَد ،

المواضيع المتشابهه:

• أحاول دائماً
• لا تكن متاحاً دائماً
• أجعل رزقك دائماً
• كن دائماً الإصدار الأول من نفسك
• لبشرة مشرقة دائماً في رمضان

شموخ الكلمة ,اميرة الحب ,انسان و ملاك معجبون بهذا