مقتطف من حديث أحدهم ...!
/
سألته :-
- طيب لسه بتحبها ؟
هو= أنا مابقتش شايل مشاعر لحد .. أنا ببكي من جوايا اوي، أنا قلبي بيعيّط بحُرقة ..
انا اللي واجعني هي دموعي اللي جوّايا ، الصراخ اللي ما بيخرجش لحد ، سؤالي الوحيد " هي ليه عملت فيّا كل ده !!!
أنا صبرت ازاى على كل ده !!!
ايه جبرني اتحمّل سنين اهانة وقهر واذلال ومُعاملة سيئة ....
سألته :- هسألك تاني : لسه بتحبها ؟
هو= بصراحة انا ما بقتش عارف هل انا محتاج انتقم !!!
ولا مُنتظر منها اعتذار على كُل سنين الوجع اللي عشتها بسببها..

ده مُقتَطف من حديث أحدهم معايا أمس ...

ساعات وانت خارج من تجربة اخدت ثلاثة ارباع عُمرك صبر وتحمّل وايثار و تعب ....

بتكون محتاج تحتضن نفسك جداً ، صعبان عليك كل الهلاك النفسي اللي عشته بسبب حد اتعوّد انه ياخد وبس .... يهزم وبس ، يألمك وبس ، يستقطب من عافيتك وصبرك وطِيبتك وحنيّتك. ....و ينتظر مِنّك الغُفران طول الوقت ....
كل ده وانت مش واخد بالك
انه وهو بيستنزف ده كله ....بتكتشف انك في النص فقدت جزء كبير من عُمرك مش هتعرف تعوّضه ...
ساعات بتكتشف ان كل وظيفتك في الحياة إنّك تكون " انسان مُستَهلك "
مُستهَلك بمعنى الكلمة ....

ومهما عملت انت مَُلام ومُقصِّر ...ولا تستحق .....
لذلك في حديث ل سلمان الفارسي عن أبي الدرداء قال
" لنفسك عليك حق" 👌🏽 وأيد هذا الكلام النبي صل الله عليه وسلم

اقرأها تاني كده " حق 👌🏽 "

اياك تضيّع حقّ نفسك مهما جيت على نفسك عشان تسعد غيرك .....
لبّي احتياجات نفسك وانت بتلبّي أمنيات غيرك ...
ما تخليش عجلات الزمان تُفرمك في السكة اللي مشيتها بمزاجك أو غصب عنك ....
/
\
أنتهـــــــــــى ​

المواضيع المتشابهه:

• أحدهم
• حين تُحب أحدهم
• شرح حديث: (معقبات لا يخيب قائلهن أو فاعلهن)
• 33من50 الأربعين النووية/ شرح حديث البيّنة على المُدَّعي/الحديث الثالث والثلاثين/عثمان الخميس/حديث
• شرح حديث : ( الإيمان يمان والحكمة يمانية ) وتخريج حديث ( هم قومك يا أبا موسى )

ملكة الحنان ,شموخ الكلمة ,عاشق القصيد و 1 آخرون معجبون بهذا

اميرة الحب