عــزة الــنــفـس
لـو جرعـوك العلـقـم الـمُـر بالـكـاس
=ودنيـاك ضاقـت مـثـل خـيـط بمسـلّـه
وتوغـل بصـدرك مـن الهـم هوجـاس
=مـا لـك عضـيـد ولا سـنـد أو مظـلّـه
بعض البلاوي جاتـك وكنـت محتـاس
=زود المصـايـب فـيـك ملـيـون عـلّــه
وابليس يظهر لك على شكل وسواس
=يـعـرض عـيـك ان المشـاكـل يـحـلّـه
لا تشتكـي همّـك ولـو صابـك الـيـأس
=واصبـر علـى جـور الـزمـن لا تِمِـلّـه
ولا تسمـع قـوال الأباليـس الأنجـاس
=الـــي يـحـدونـك عـلــى كـــل زلّـــه
الله خلقنـا الـوان واشـكـال واجـنـاس
=والـــي يـخـافـون الله الـيــوم قِــلّــه
إلأنـبـيــاء الله ابـتـلاهُــم ولا بــــاس
=إن ابـتـلانــا كـلـنــا تــحــت ظِــلّـــه
وصبرك على نفسك ترى درع ولباس
=مـــن زمـــرةٍ أفـكـارهُـم مضمـحـلـه
ســرك ولا تفشـيـه حـتـى لقـرطـاس
=واحشـم لسانـك عـن سـوالـف مُمِـلّـه
والـي فشـا أســرار بيـتـه ولا قــاس
=بعـض البشـر تسـمـع لــه وتستغـلّـه
صيت الغنى أكرم عليك مـن الأفـلاس
=ومن لا ستر حاله عن العيـب قِـل لـه
الـي يقـع مــا بـيـن الأقــدام يـنـداس
=وانت العفيـف أبيـض وناصـع سِجلّـه
خلك عزيـز النفـس شامـخ وحسـاس
=لــو يسـألـوك تـقــول دنـيــاي فُـلّــه
ولا صرت بعيـون المخاليـق نومـاس
ولــك مجـلـسٍ كــل الخـلايـق تِـدلّــه
أفضل من الـي يملـك التبـر والمـاس
ولـه مجـلـسٍ مقـفـول مـحـدٍ يصـلّـه
بعض المجالس ما بنوها على سـاس
=إرفــع مقـامـك عَـنّـهـا فـــوق تـلّــه
ولا تجلس الأ في صدر خير مجـلاس
=وجـنـب مـكــان الـغـيـر لا تستـحـلّـه
واظهر شديد العـزم والحـزم والبـأس
=ما في على السانـك سـوى الحمـد لله
وان كنـت ثـوب الطيـب والعـز لبـاس
=حـديــثــك بــذكـــر الله بـتـسـتـهـلّـه
تفخـر بعـزة نفـسـك وتـرفـع الــراس
=شـانـك عظـيـم وتــازن الـكـون كِـلّـه
وخلـك عزيـز وبيـن الأجـواد نبـراس
=كـــل الـخـلايـق تحـتـرمـه وتـجـلّــه
ولا تبوح في سرك لـو تعـد الأنفـاس
=الصـبـر مفـتـاح الـفـرج فــي محـلّـه
غير الشماته مـا يطولـك مـن النـاس
=شـكــوى لـغـيـر الله عـــار ومَــذلّــه
ومحمـد الـي عـد مـا هــب نسـنـاس
=صلـوا عليـه الخـلـق مــن كــل مِـلّـه
الشاعر ناجي الصقار.