وهى صفة منسوبه للمرأه
ويقال انها بتتسهوك او متسهوكه
السهوكه هى التحايل فى طلب شىء مع جذب
التعاطف من الاخريين
تستخدمها البنت فى حاله احتياجها لتلبيه اى
طلب تطلبة من الرجل
وطلب الشىء ده بطريقه تفوح منها رائحة
الدلع الشديد ..الشدييييد اووووى
مع انها تحتوى على إلحاح اشد
ولو غفلت عين الرجل عن الدلع بين قوسين
(سهوكه)
هيلاقيها متختلفش كتيرعن الاخ اللى بيبيع
ورد على الكورنيش وانت قاعد مع خطيبتك
ويجى يفرض عليك انك تشترى منه بالعافيه
ومضطر طبعا انك تشترى علشان تخلص
من زنه .. :sm
دا نفس الحال فى سهوكة البنت
سواء بتطلب من خطيبها او حبيبها او من جوزها
اى شىء زى تغير العربيه .. خاتم او كوليه عجبها
وعاوزاه عزومه او فستان .... الخ
والمشترك بينها وبين الراجل دا تلبيه الطلب
لان فى الحالتيين هتطلع اللى فى جيبك
بس المرادى هتبقى راضى وهتبقى على قلبك
زى العسل او العثل:sm
ودا بسبب نسبة السهوكه المضافه اللى طريقة
الطلب
ولســـــــــــه....

اشكال السهوكه
السهوكه ليها طرق كتير جدا منها بالكلام او
الافعال او حركات الجسم

مثلا خطيبتك او حبيبتك عاوزه حاجه منك وعارفه
طبعا انك ممكن ترفض
اول حاجه هتبدا كلامها بــ .. حبيبى انا عاوزه
... وخد عندك بقى
*حبيبى اللى فى الاول ليها مفعول اكيد جدا
فى تهدية اعصاب الشخص المتلقى وتهدى من
روعة ما يلحقها من طلبات

او حبيبى انا عاوزه اطلب منك طلب بس انا خايفه
*تأثير كلمة حبيبى هنا مش كبير .. التاثير هنا
هيبقى لكلمة انا خايفه
التى من شائنها رفع دقات القلب وتدفق الدم
وصغر حجم بوء بوء العين

وزيادة منسوب الشهامه والحب - وحط تحت
كلمة الشهامه والحب خطين - ان ازاى حبيبى
وخايفه
*وتنهى طلبها بكلمات تعاطفيه تحسسك بيها بمدى
ضعفها ادامك .... يا ضنايا
زى .. وحياتى عندك يا حبيبى
مش عاوزه اكون حمل كبير عليك بطلباتى
لو مش هتقدر عادى يا حبيبى انا ممكن استحمل
هب ينط عرق الشهامه والرجوله والجناحات
تتفرد ويعمل نفسه سوبر مان :las1:
والملاحظ ان الرد الوحيد عن كل الطلبات
دى بتبقى..
من عنيا يا حبيبتى طلباتك كلها اوامر..
تك ستين خيبه :sm285:

وهنا السؤال
فى تلبية الطلب دا بعد السهوكه طبعا
ومع ان كل الرجاله اكيد عارفيين الكلام اللى
انا قولتله ده وعارفين باقى الطرق
هل هو ضعف منه ؟؟
او بانه خلاص لبس الطربوش او اتضحك عليه
بالكلمتيين دوول؟؟
يعنى اتاكل بعقله حلاوة :sm2
ولا من حبه ليها وانه مش عاوز يرفضلها طلب؟