[SIZE="6"] هي بس لاتجلطه الله يجزاها بالخير مايبي منها حنان ولا يبي عطف اسمحي لي افضفض شوي احسن ما اشق ثوبي الزوجه هذي الي ذكرتيها وينها هذي يالود هذي أصبحت عمله نادره بوقتنا هذي انتي شايفه ياكثر الطلاق الي قاعد يصير والعريس الي يستمر هو وعروسته ثلاث شهور هذا انسان بطل او مركب دعامات ضد الجلطه ثلاث شهور ويطلق مثل الشغاله الجديده ماتهرب الا بعد ثلاث شهور حتى ماتحمل المكتب خسارة بقيمة استقدامها نفس الشي الزوجه الحنون ماهي موجوده خلصن مافيه الحين حنونه فيه جنونه ياكم واحد وواحد ذاق العذاب طبعاً انا ما اتكلم عن نفسي لسى صغير وماقد جربت الزواج الشهر هذا بلغت سن الرشد اتذكر واحد من الاصحاب كل ليلة عندي ومونسني يسهر عندي ولاهو متزوج لكن عيبه ماسك جواله كل وقته عايش جو غرام اتذكر ليله قالي انا ابغى اتزوج قلت بدري مالك ومال البهذله قال لا انت ماتدري انا لقيت انسانه تفهمني حنونه وطيبه قلت اسمع وانا الشخص هذا اغليه بصراحه قلت بكره تنحرم السهرات معاي والروحه والجيه والطلعات وراح تعرف اني انا ياغريب الأطوار بطل بمعنى الكلمه راح تفهم بس تتزوج قال لا معليش انتا فكرتك غلط قلت طعني يابعد قلبي طعني قال لا بس مو كل وحده تتوقع انها تعمل مشاكل يا اخي انتا متشاءم قلت الايام بيننا المهم تزوج وعملت له مناسبه كبيره غاب عني غاب وكل ما اجلس لحالي لاني انا شخص ما احب اجلس الا مع صديق وفي جدا او اسهر لحالي وكل ما ابغى اتصل فيه اقول لا مافيه داعي احرجه لكن اتذكر كان يقولي انا غير وراح تشوفني اسهر معاك والله انه غاب كانه بسجن بعد شهرين و29 يوم و23 ساعه اتصل بي وقت متاخر وقلت يالله عساه خير رديت والوقت متاخر قال جايك يوم جاني قال انا طلقت ليلة الشهر الثالث قلت ليش طلقتها وانت تقول حنونه قال طلعت مجنونه شوي الا تجلطني شر البلية مايضحك لكن هذا شي شفته مع الاغلبيه وان لقيتي الزوجه تكفين علميني واشكرك على الموضوع الاجتماعي الجميل يالود طبعي SIZE]
https://www13.0zz0.com/2023/03/28/03/435911770.jpeg