السلام عليكم ورحمة الله وبركاته
اعزائي انا اليوم جايب لكم اليوم قصيدة حلوه من روائع (محمد ابن الذيب) واسم القصيده (نوير)
وجايبها لكم كتابيه وصوتيه وانشااء الله تعجبكم
رائعة بن الذيب نوير ( وش لش به )
يالله مسا خير قلبي منقبض وش بـه
من رهبة الناس ولا القلب متطيـر
يامعيراً شوق قلبي روح وانحشبـه
مكينة القلب تصرف بشوق يامعيـر
مثل رذاذ المطر مايحيـي العشبـه
يحيي الفؤاد المغربل شوفـة نويـر
هنوف بدواً طرف قلبي اتعشعشبـه
العين تشفق لهـا والخافـق مشيـر
قالت انا فيه موضـوع بوشوشبـه
قلت ارفعي الصوت لبى وجهك النير
قالت اخاف اتّغيـر قلـت ويلشبـه
امـا اتغيّـار لامانـيـب متغـيـر
قالت قبل تنشب احساسـي وتنشبـه
ابن آدم ان طال عمره عمره قصير
لاتبلش القلب فـي حبـك وتبلشبـه
تراه قطت وجه من عـاده صغيـر
وتقول بعديـن هـذي والله النشبـه
اعلمـك بالحقيقـة وانتـه مخيّـر
وطيت راسي وانا افكر وكنت اشبه
من حيرته السنين ومـات متحيـر
واخذت موشـة هـوان اتنعنشبـه
لديت فيها العيـون وقلـت يانويـر
لو قالو الناس لك يوماً ورح عشبـه
حذفت عمري وراي وجيتك مسيّـر
لكن كلاماً مالش به خير وش لش به
لاتذيريـن الغـلا ويـروح متذيـر
وقولي الرمشك اليا جيت اتحرشبـه
يرحمني شـوي ياملعونـة الخيـر
وهاذا الرابط للمقطع
http://arabsh.com/1nis1pn2wdmo.html