منتديات وهج الذكرى - عرض مشاركة واحدة

10-29-2013

فى بيت سامى

سامى:- ماما انا عاوز اخطب ليلى تانى

الام:- ليلى تانى يا بنى دى اتجنت
سامى:- لا ياماما دى خرجت من زمان وبقيت كويسة جدا وبعدين دى اتغيرت خالص دى التزمت وبقيت بتصلى وبتحفظ قران وبتلبس طرح طويلة ولبس واسع
الام:- ليلى؟!
سامى:- ايوة والله يا ماما اتغيرن كتير جدا وربنا هداها
الام:- اوعى تكون بتكدب عليه يا سامى
سامى:- لا يا ماما والله حتى روحى الكلية وشوفيها بنفسك واسالى عليها
الام:- وانت ايه اللى وداك الكلية بتاعتها؟
سامى:- انتى ناسية ان نادر صاحبى معاها فى الدفعة انا كنت رايح ازور نادر فى الكلية وشوفتها قدرا وبعدين هى مبقتش بتكلم شباب
الام:- يا سلام
سامى:- ايوة والله مش بقولك اتغيرت خالص
الام:- يعنى ملقتش بنت غيرها
سامى:- يا ماما دى بنت ملتزمة وتائبة زى وكمان انتى عارفة يعنى اللى فيها
الام:- عارفة اللى فيها
سامى:- ايه المشكلة بقى وايه يمنع
الام:- خلاص يا بنى نروح نخطبها علشان ترتاح
سامى:- بتتكلمى جد يا ماما موافقة
الام:- خلاص براحتك تحب ارجع فى كلامى
سامى:- لا ياماما لا ارجوكى طيب يلا كلمى اهلها
الام:- مش هتكلمها انت
سامى:- بقولك يا ماما انا تبت واتغيرت وهى كمان لا اناهاكلمها ولا هى هترد عليه
الام:- طيب هات الرقم بتاع امها
سامى:- اتفضلى يا ماما

ام سامى:- سلام عليكم يا ام ليلى..........................
ام ليلى:- وعليكم السلام مين معايا
ام سامى:- انا ام سامى........................................

ام ليلى:- اهلا بيكى
ام سامى:- احنا عاوزين نزوركم ونقعد معاكم يا ام ليلى عاوزين نقعد قعدة مع بعض
هاجى انا والحج وسامى ونقعد معاكى انتى والحج وليلى.........................

ام ليلى:- تشرفونا

وبعد المكالمة
ام ليلى:- ليلى يا بت يا ليلى
ليلى:- نعم يا ماما
الام:- عارفة مين اتصل دلوقتى؟
ليلى:- لاء معرفش قولى مين اتصل؟
الام:- ام سامى وعاوزين يجوا يزورنا هى وسامى والحج ابو سامى
ليلى بذهول تام:- سامى مين؟!
الام:- سامى اللى كان خطيبك لحقتى تنسية؟!
ليلى:- سامى سامى؟!
مذهولة ومندهشة ومتفاجاة
اتصلت ليلى بشلبية وحكت لها
شلبية:- شوفتى سبحان الله علشان تبتى ورجعتى الى الله عوضك الله خيرا
وكمان هو كمان تاب يعنى حياتك هتبقى افضل مليون مرة
ان الله يبتلى ليهذب لا ليعذب وان البلاء لتكمن به النعم والخير
ليلى:-انا افتكرت القصة اللى حكتيها للبنى الله يرحمها زمان هى حكيتهالى وسبحان الله مش مصدقة ان القصة دى تحصل معايا بس بطريقة مختلفة هو التزم وانا التزمت وجمع الله بيننا فى الحلال وبعد ما تبنا ورجعنا اليه سبحان الله فعلا من ترك شئ لله عوضة الله خير منه
شلبية:- اومال ايه يا بنتى دا ربنا كريم ورحيم

يا ترى تامر وعامر هيكملوا حياتهم ؟! ودى المفاجئات اللى منتظراكم أنتظروا مفاجئات كثيرة

تامر وعامر قاعدين سوا فى النادى
عامر:- انت ايه رايك فى الانقلاب اللى بيحص للشلة دا؟!
تامر:- يا عم دى ناس دماغها فاضى علشان البت بتاعة نادر ماتت اتاثر هو شوية وخد مع سامى يا عم بكرا يرجعوا
عامر:- بس دى حتى ليلى وشاهيناز بردك انقلبوا
تامر:- يا عم سيبك عيش حياتك انت هتسيب كل دا هتسيب السجاير والاغانى؟؟ ولا هتسيب نسرين؟
عامر:- لا يا عم هو انا هاسيب حياتى كلها
تامر:- بقولك ايه متوجعش دماغك وكبر تعيش بص يا بوس انا جاتلى وظيفة فى اسكندرية ومسافر بعد بكرا
عامر:- سيدى يا سيدى هتوحشنى ياض
تامر:- يا عم ابقى تعالى فسح عندى
تامر سافر اسكندرية واستلم الوظيفة واجر شقة وكون صحوبية مع زملاء العمل
تعالوا بقى نبص على عامر
"فى النادى"
عامر قاعد وحاطط رجل على رجل وماسك فى ايدة سوجارة وعمال يشفط فى الدخان وينفخة
براء:- يا عامر يا حبيبى انت مش عارف ان السجاير حرام؟
عامر:- يييييييييييييييييييييييييييييييييييييييييي عارف يا سيدى عارف ايييييييييييييف
براء:- ليه بس يا عم العمور انت
عامر:- بص بقى يا براء ملكش دعوة بيه سيبنى فى حالى ماشى خليك انت مع نادر وسامى اما انا انسانى خالص طلعنى من نافوخك فكك منى
براء:- هو مش احنا اصحاب يا عمور ولا ايه
عامر:- لا مش اصحاب وانا مش عمور وبص بقى انا مليش فى الطريق دا ومش رايح معاكوا انا مش هاسيب حياتى يا عم بقولك ايه لو انا مش عارف وعاوز اعرف اكيد هادور واعرف ولو انا عارف يبقى انا مش عاوز هو بالعافية يا اخى
براء:- لا مش بالعافية يا عامر ولا حاجة انت اللى داخل فيه شمال وعمال تزعق
عامر:- يا عم انا زهقت انا مقدرش اعيش من اغير الاغانى خالص ولا اقدر استغنى عن البنات اصحابى ومش هبطل ابص على البنات ولا اعاكسهم ومش هبطل اشرب سجاير ولا هاكمل معاكوا انا مش دى حياتى وبعدين عاوز اتمتع بشبابى
براء:- وانت مش هتتمتع بشبابك الا لما تصاحب دى وتحب دى وتكلم دى وتبص على دى وتسمع اغانى وتشرب سجاير هو دا شبابك وهى دى السعادة؟ يا بنى يا بنى السعادة دى رزق والرزق عند ربنا وما عند الله لا ينال الا بطاعتة
عامر:- بقولك ايه يا عم الشيخ فكك منى بلا وجع دماغ
براء:- انت نسيت موت لبنى ولا ايه؟
عامر:- يا عم وهى كانت تخصى يعنى
براء:- يا بنى تخصك ايه؟ دى كانت عبرة لي وكانت رسالة من ربنا ليك بينبهك انها اهى صغيرة وشابة وماتت فجاءة وماتت على سوء خاتمة ماتت على معاصى علشان انت تعتبر وتوب افرض مت انت كمان على المعاصى
عامر:- ايه الفقر دا انت بتفول علية اموت يا عم انا ماشى ومش جاى النادى دا تانى اصلا يلا سلام
فى بيت عامر

الام:- كنت فين يا بنى لغاية دلوقتى الساعة 1 وش الصبح
عامر:- كنت مع اصحابى يتمشى فيه حاجة(بكل بجاحة ووقاحة)؟!
الام:- يا بنى ذاكر علشان تنجح انت بتاخد كل سنة فى سنتين اصحابك اللى قدك خلصوا واتجوزا وانت لسة طالب
عامر:- بقولك ايه بقى متخنقنيش وتوجعيلى دماغى روحى سديتى نفسى ايه القرف دا
الاب خرج من الاوضة
الاب:- ايه الصوت العالى دا فى نص الليل؟؟؟؟؟ انت بتعلى صوتك على امك ياض
عامر:-هى اللى عمالة تذل فيه وتزعق لى وبعدين انا مش عيل صغير
الاب:- بس اسكت خالص يلا اتقلب غور على اوضتك يلا جاتك مصيبة

عامر دخل الاوضة واخد الباب دبــــــــــــــــــــــ خبـــــــــــــــــــط رزع وشوح لهم وقال ايه القرف دا

عامر راح الكلية الصبح وهو ماشى لاقى نادر

نادر:- سلام عليكم يا عامر
عامر:- وعليكم السلام يا سيدى
تامر:- مالك بس مش طايق نفسك ليه
ايه دا عامر عامر عامر
يا عامر

يا ترى عامر حصل ايه؟

الحلقة القادمة نعرف وانتظروا مفاجئات ضخمة ولحظات مرعبة