10-06-2018
|
|
|
غريب الأطوار مشتاق لكم 💕
.
السلام عليكم ورحمة الله وبركاتة
اخواني واخواتي أعضاء المنتدى وعلى رأسهم اخي شمس الأصيل
احييكم كل واحد باسمه تحيه صادقه اخويه نابعه من القلب
الليله شفت اني عندي وقت وقلت هذي فرصه طيبه اسلم على أصحابنا
واحبابنا بالمنتدى ويعلم الله انكم غالين ولكم وحشه غيابي
هذا يعلم الله بسبب الظروف والسبب الحقيقي هو الوقت مسرع وحاط رجله
وخلى غبتي عنكم طويله
جيتكم اسلم عليك وانا شخص لا احب اسال عن شخص بعينه خاصه بعد
غياب لانني لا احب اسمع مكروه لاي شخص منكم وكلكم بالقلب
وانا احبكم محبة لله
وطلب من الله ان تكونوا جميعا بخير حتى من هو غائب عنكم ربي تجعل غيابه
غياب خير
جيت ومدري وش الي حاصل هل المنتدى متغير هل انا كبرت وبديت اضيع ماعرفت وين اكتب
الالوان بالمنتدى اعمتني عجزت القى لون افهمه ويفهمني دخلت لك بالصندوق رساله خاصه
سويت المستحيل ابغى القاها ماقدرت ضغطت عليها وضغطت على الظرف وضغطت حتى على
نفسي جننتني الى ان صارت بعيني لغز اشبه بلغز الطائره الماليزية الي الى اليوم هذا مالقوها
على كل حال دخلت المنتدى اليوم وانا مشتاق لكم يا اخواني
الدنيا فيها شي متغير صدقوني مدري هو بالأكل والي بالشرب الي نشربه فيه خربطه
الله وحده يعلم بها
مشكلتي اني دايم اكتب بالأوقات هذي وهذي اكبر مشكلة عندي هذا الوقت دائما انا منكسر
فيه مهزوم مشاعري لاتوصف وقت اخذ مني الضحكه واخذ مني المرح وقاعد أحاربه بالنوم
المشكله النوم ماهو راضي يجي
رغم هذا كله انا لا اتغير انا لا اتقلب انا على حال وحده بالحب والطيب والإخلاص
طيب ابغى اضحك معكم شوي وحاولوا تأخذوا بعض الكلام هو مداعبه لعل وعسى نطرد النحس
ويمكن حتى الرساله المفقودة نلقاها
انا عجزت اتغلب على سيطرة بعض المشاعر السلبيه أشار علي واحد من الاصدقاء
اني اجرب كاس من الشيفاز وقال راح تلقى المرح قدامك شربت الشيفاز وياليتني ماشربته
الظاهر لذع فيوز عندي وجلست ابكي على عمري وعلى أيامي الي راحت وحلفت يمين لن اشرب
الشيفاز مره اخرى وفي الليله الثانيه طلبت قارورة شمبانيا وطلعت العن من الشيفاز صرت امشي
ووحده من رجولي ماسكه فرامل اسحبها سحب المهم التجارب مانفعت وتركت كل شي ولله الحمد
صرت اشرب الاقحوان وشراب البابونج والقرفه وماء مقري عليه
والحمدلله على قولة المصريين اهوه انا زي الحصان بفضل ربي وبما اني انا منكم وانتم مني
احب أهديكم هذي الابيات الي لها وقع في نفسي بهذا الوقت
هديه مني لكم حبايبي 🌹
تعداني وما سلم .. وخلا القلب يتألم
ويتحدى وينظر لي .. بطرف العين يتكلم
يقول لي بعيد .. وصالي بعيد
منيع الوصل ما يفهم .. وقاسي القلب ما يرحم
يشوف ظلي ويتبسم .. يقول لي روح واتعلم
وصالي بعيد .. وصالي بعيد
شبكني في الهوى صدفه .. تركني بوعده ما وفى
بدمع العين اقول تكفى .. تراعي حبك المغرم
يقول لي بعيد .. وصالي بعيد
متى صفوك يعود ثاني .. واقول بالحب هناني
تذكرني وواساني .. وانا بوصاله اترنم
لحالي سعيد .. عذولي بعيد
ولكم مني جميعاً اصدق تحية من اخوكم غريب الأطوار الي يحبكم
وماعنده اغلا منكم
ربي يحفظكم واستودعكم الله 🌸
المواضيع المتشابهه:
|