عاد هنا وانا رجلي اتحجرت مو قادره امشي .. واحد رجال لابس ثوب ومتلثم بشماغ احمر وعليه جسم ولا جسم بنت من قوامه ..
وبصوت حسيت به بحه حلووه لو كان بنت كان احسن .. طبعاا انا بعد مااستوعبت اتخبيت وراء نجوود ..
وهنا الثلاثه نجود ومنورة والفارس الملثم .. يضحكوااا بصووت عالي .. استغربت الوضع ..
بعدين حسيت بشئ غريب .. رفعت راسي الي مخبيته ..
وتوجهت للفارس الملثم .. وشلت عنه اللثمه .. وهنا كانت الطامه .. "فتحت فمي "
نجوود " بضحكه " : ماالت عليك شعوووله ينضحك عليك بسهوله ..
منيرة : ولا انا اوريك قبل لا انا قبل .. وربي شكلنا يضحك وحنا نتضارب عليك ..
مشاعل : والله العظيم مو فاهمه ولا شئ ..
نجود ومنيرة والفارس الملثم يناظروا بعض .. ههههههههههههههههههه ..
ومن كثر الضحك منيرة قعدت بالارض ..
مشاعل : افففففففففف .. لما تخلصوا ضحك .. كلمووني .. " وجيت ماشيه .. اللي مسكتني .."
: مشاعل لا تزعلين .. تراهم كذا وانا بعد .. دامهم اهملوا تعريفي لك .. بعرف عن نفسي ..
شالت الشماغ من راسها .. انا اصيل بنت حمدان اخو زوجك .. وحياك ياقمر " وهي تغمز لي " بعايلة الــ... الاجاويد ..
مشاعل " جيت بعرف عن نفسي .. بس ايش بقول .. اقول اني مشاعل فهد الــ ... زوجة اخوكم اللي مااعرف اسمه احسن لي
انطم .. على قولة القايل .. قل خيراا او اسكت ..
"ابتسمت " مشاعل : دحين الاختين يضاربوا عشان من الاول اللي يوريني اصيل .. والله انكم مخفه ..
نجود : نحنا كنا بنوريك شئ ثاني ..
ومثل العاده منيرة بلقافه : كنا بنوريك هالفارس شلون يمتطي الخيل .. لكن كله بسبت هالخبله نجوود ..
نجود : لا والله حلفي .. انا الخبله .. عاد انتي عاقله .. مافي اجن منك ..
مشاعل : يااااساااتر .. دحين ممكن تسكتواا .. اففف
مشاعل " التفت لي اصيل " : دحين انتي كيف قدرتي تستحملي هالاثنين كل سنين عمرك ..
اصيل " بفجعه " : اعوووووووذ باله انا استحملهم .. عز الله مالقيتني هني .. بتلاقيني بمصحه عقليه ..
ولا هذولي " تقصد جود و منورة " .. احد يتحملهم .. والله اتحمل اخواني الصغارر ولا هم ..
مشاعل : هههههههههههه .. حتى اصيل مو متحملتكم ..
نجود " بزعل " : الحين حنا محد بيتحملنا ... حتى انتي شعووله وانا اقوول شعوله لو جت اسوي واسوي اثريك مثلهم ..
منيرة " تقلد جود " : وانا بعد من كثر مانجود تحكي لي عنك وعن اخلاقك وشكلك .. قلت والله اني بروح معهم واخطبك بنفسي
هذا وانا فرحانه واخطط اني انتشلك من نجود ..
هنا نجود بققت عينها : الحين بتأخذين مشاعل مني ..يالحمارة .. والله لو ايش ماتاخذينهاا ..
" بلحظه خفت انهم زعلوا صدق .. بس مسرع مودهم ماتحول .. والله هالبنتين مااافي احلى منهم .. يضحكو بثواني ويتناقرو
بثواني .. ويتراضو بثواني .. الله يخليهم لبعض .. تذكرت دانه و شيخه .. الله يخليهم لي ..
اصيل : لا تأخذين بخاطرك تراهم يطنزون ادري فيهم ..
مشاعل : مين قال اني ازعل منهم .. هذولا لو انحطوا عالجرح يطيب ..
اصيل : اجل شفيك حزينه .. " هنا حسيت كأني اتكشفت " ..
مشاعل : ابدا مين قال ؟؟ ..>>> ياشين التصريفه ..
اصيل : محد بس شفت كلام بعيونك .. قلت يمكن ... " طبعاا هذا كله وانا و اصيل مشينا للبيت وتركنا الاثنين .. "
مشاعل " بابتسامه مشرقه " : تفهمي بكلام العيون ؟؟
اصيل : مااقول خبيره .. تقدرين تقولين متمرسه ..
ناظرتها وهي بعد وضحكنااا ... اصيل : ياشين الفلسفه ..
دخلنا من باب خلفي .. حسيته مثل القبو .. او مخزن .. كان مظلم .. وغبار ..
اصيل : دخلي .. " دخلت اصيل .. وانا وراها استغربت الوضع .. كنت واقفه اطالع في اصيل وهي بركن الغرفه مدري ايش تدوور
مشاعل" وانا اكح من الغبار" : كح كح كححح ..اصيل بطولي .. ترى الغبار يكتمني ..
اصيل : اووه نسيت انك رقيقه .. اتحملي شووي بوريك شئ تشكريني عليه ..
مشاعل "استغربت كلامها ": طيب بسرعه ..
وبعدها جاتني اصيل وبيدها شئ مثل الملف كبير .. لحظه لا مو ملف .. "فتحت اللمبه" .. ايه هذا البوم ..
اصيل "وكأنها بتوريني مشروع يكسبني ذهب .. الله يستر منك يااصيل " : ميشوو بوريك شجرة العايله ..
خخخخخخخخ .. يازين الفلسفه .. اقصد بوريك صور العايله .. " وهي تغمز لي " وبوريك حبيب القلب ..
مشاعل : نعم " قلتها باستفهام "؟؟؟
اصيل "بضحكه " : لا تخافين مابعلم عليك ادري فيك ..
مشاعل : ايش اللي تدري عنه .. خبريني يمكن مدري..
اصيل : عمري لا تخبين .. اصلا مهب بس انتي اللي تحبينه كل بنات العايله يموتون فيه .. بس الفرق بينكم انه لك حلالك ..
اما هم فيموتون قهر.. والله لو انه مهب عمي والله مااخليه لك ولا لغيرك ..
مشاعل " باستفزاز" : ليش وش الفرق بينه وبين غيره ؟؟
اصيل " ببرأه ..مالاحظت استفزاز مشاعل .. شكلها مغرروومه بعمها " : الفرق ياقلبي .. انه واحد مافي مثله ..
وتتكلم برومانسيه .. عمي عذاااب .. نظرته تطيح الصقر من السمااا ..نظرته حااده فيهااا رزه وشقاااوة ..
وياحلو شقاوتها والله ماتحسينه الا صغير يوم يلعب معنا حنا البنات ..
مشاعل "باستفسار" : بنات ؟؟
اصيل : خخخخخخخخخخ تغارين هااا ؟؟ تغارين عليه .. ادري .. ويحق لك .. وتقولين وش الفرق .. اثريك مسووين ثقيله ..
ايه خليك كيذا ثقيله تراه مايحب الخفاف ..
زين بكمل لك .. كريم لدرجه ماتتصورينها .. والشجاعه مااقول صفه لا الشجاعه طبعه ..
وازين شئ انه فارس يمتطي الخيل بطريقه تخليك تناظرينه بشغف .. تدرين اني احيان اتمسكن معه لما يزورنا ..
ابيه يوديني الكليه .. خخخخخخخ ابي اتفاخر فيه قدام صديقاتي .. تدرين مرررة شقلت ..
مشاعل " بحذر " : ايش ؟؟؟
اصيل "بضحكه" قلت لهم خطيبي .. خخخخخخخخخ
مشاعل " والله اني ضنيت ان منوررة هي اللي شووي مخفه ..اتاري فيه اللي اخف الله يستر من هالعايله .."
مشاعل : اها ..
اصيل : شفيك ميشوو تراه عمي لا تخافين ماابأخذه منك بس بشرط تسلفيني هو بالاعياد ..خخخخخخخ
مشاعل : ولا يهمك قلبي .. خذيه لللابد .." والله مدريه كيف قلت هالكلام طلع مني عفويااا .. وندمت عليه يبيلي اثمن كلامي قبل لا
انطقه .. حسيتها تناظرني بطريقه غير .."
أصيل : ميشو انتي شفتي عمي ولا لاء؟؟
مشاعل " هنا حسيت باحراج .. بالله ايش بقول .. احسن اقول الصراحه " : لا ..
اصيل "براحه ومرح " : اجل بوريك هو عشان تعرفين ان كان كلامي صدق ولا لاء ..
فتحت الالبوم .. : شوفي هذاا جدي يوم كان شباب .. تحسينه يشبه عمي علي .. او ان عمي علي يشبه .. كلها وااحد مو؟؟
خخخخخخخخخ
وهذي جدتي .. " ابتسمت يوم شفت ماما .. ماشاء الله لا قوة الا بالله حلوووه الا قمر وانا اقول جود ومنورة وحتى اصايل طالعين
لمين .. القمر مايجيب الا قمر "..
وهذا ابوي حمدان .. حلوو موو ؟؟
" بصراحه كانت الصورة قديمه" : هو ملامحه رجوليه وتقاطيع وجهه شووي قاسيه ..
اصيل : ايه دووم انه صاارم .. حتى كلامه نادر ..
وهذا عمي فهد وهو صغير شوفيه شلوون ماسك عمي عزوز .. خخخخخخخخ ماسكه من سروااله .. فشيله أعمامي يضحكون
لا ولو تسمعين سوالفهم تموتين نفسك من الضحك ..
مشاعل " بقلبي .. هذا فهد حتى بصغره ماترك احد الا اذاه.. حسدتها .. ماشاء الله .. مو مثلنا .. الحمد لله "
كملت اصيل : شوفي شلوون عمي عزوز يطق عمتي فايزة .. والله انهم خبال ..
وهذا عمي عمر .. شوفي هو و عمي علي دووومهم وهم صغار يتهاوشون .. والحين مايتحملون يفارقون بعض ..
وهذا احمد اكبر من عمي فهد .. بصراحه يهبل ..لانه يحب البنات ...
شوفي شلوون عمي احمد يبوس راس عمتي حصه ..
اقول لك شئ ماتعلمين احد .. قربي .. " قربت " .. مدري ليه احس اني مااحب عمتي حصه ..
مشاعل " وانا مادخلت قلبي بس مااكرهها .. " .. : ليش .. سوت لك شئ ..
اصيل " بضيق " : دووم ماتعجبها ثيابي .. ولا شئ فيني الا تنتقده .. ولا منيرة ماتقدر عليها لان منيرة ماتسكت لهاا ..
وانا مقدر اقول شئ ..
مشاعل : ليش ؟؟
اصيل : اخاف من ابوي .. " وكأنها حست انها قالت اكثر من المطلوب فغيرت مسار كلامها " ..
زين .. شوفي هذي عمت ابووي حفصه اخت جدي .. وااايد حنوونه .. وبتحبينها اول ماتشوفينهاا ..
وهذي بعد عمة ابوي رقيه .. طيبه بس نادر ماتجي هم هاجروا للبحرين عشان زوجها شغله هناك بس تجي بين فترة وفترة
وعندها عيال وبنات .. بس اتركيك منهم .. لحظه ادور لك على صورة الحب .." تقصد عمها زوج مشاعل"
ايييييييييه هذا عمي مايحب يتصور كلش .. افففف .. حتى اني اطلب منه صورة مايعطيني .. واذا قلت له انا بصورك ..
مايرضى لو شنوو ؟؟ حاولت مرة اصورة هنا بالمزرعه .. تدرين شسوى فيني لما درى اني صورته جرى وراي البيت كله بالنهايه
طيحني انا وجوالي بالمسبح .." وكشرت " والله يااا صحت ذاك اليوم جوالي جديد واول جوال بحياتي ..
ولا جا صالحني .. وش يقول .. تستاهلين اللي جاك دامني مانعك وشووله تصورين ..
مشاعل : ههههههههههه هههههههه ... تستاهلي .. احد قلك صوري .. لقافه هي .. يااخي مايحب خليه على كيفه ..
اصيل "بنص عين " : بدافعين عنه .. اييه اكيد مو زوجك ..
مشاعل : لا والله ماتهوني عليا .. انتي كمان غاليه ..
اصيل "بابتسامه شاقه الحلق" : زيين زيين .. هذا كله لاجل الحب .. بوريك صورته .. انتي بعد ماتهونين ..
وقلبت بالصفحات ..
اصيل "بابتسامه غرور.. وفخر " : هذا هو عمي .. ورجلك ..
مشاعل " نزلت عيني اناظر الصورة و ...... "
/
/
/
انتهى الجزء
يتبــــع