احبائي سوف اقدم بعض الافكار لوجبات الصحور

والصفحه ستكون مفتوحه اللي عنده واجبه يضعها

وكل عام وانتم بخير



اولا


فول بالطحينة



فول مدمس

طماطماية

معلقة كبيرة بقدونس مغسول ومفروم

نص معلقة صغيرة ثوم مهروس

معلقة كبيرة طحينة

معلقة خل

معلقة عصير ليمون

معلقتين كبار زيت

ملح و كمون

الطريقة

سخنى الفول واهرسية بالشوكة وقطعى علية الطماطماية قطع صغيرة

ضعى فى طبق الطحينة والخل والزيت والثوم و البقدونس واخلطيهم كلهم مع بعض

وبعدين ضعيهم على الفول وتبلى بالملح والكمون




ثانيا


قطايف بالجبنة



القطايف حجم متوسط

جبن مثلثات

بسطرمة

زيت للتحمير

الطريقة

هاتى القطايف واحدة واحدة و احشيها بقطعة من الجبن وقطعة من البسطرمة

سخنى الزيت فى المقلاية و حمرى فيها القطايف عادى خالص حتبقى لونها ذهبي

شيليها على الورق الماص للدهون و تؤكل وهى ساخنة و بالهنا و الشفا

ممكن استبدال الجبن المثلثات والبسطرمة بأي نوع جبن

جبن رومي أو حمراء أو شيدر أو جوده أو أي نوع جبن وكله مبشور

ممكن الجبنه القريش والإستامبولي وأي نوع




ثالثا



عجة بطاطس سهلة



نحضر بقدونس وبصل اخضر وحبه بطاطس مكعبات مسلوقه وثلاث بيضات

نفرم البقدونس والبصل الاخضر جيدا

ونضع البيض فوق المكونات ونخلط ونملح ونبهر حسب الرغبة

ثم توضع فى مقلاة فيها 5 ملاعق زيت زيتون وحتى تحمى المقلاه نضع الخليط وعند القلب اذا لم

تستطيعى قلبها مرة واحدة قطعيها ارباع واقلبى كل ربع لوحدة




رابعا



العجة الاسبانى




المقادير:

1- بطاطس مسلوق حبتين

2- (1) طماطم مقطعه مكعبات

3- (2) فلفل بارد مقطع

4- (1) بصل مقطع

5- (2) ملعقه بازلا

6- ( 4) بيضات

7 - (3) ملاعق دقيق

8 - ملح + فلفل حسب الرغبه

9 - زيت للقلي


الطريقة:

تخلط جميع المقادير ويضاف اليها البيض ويحمى الزيت ويوضع فيه الخليط بالملعقه وعند يشقر يرفع من الزيت ويرص في

صينيه التقديم ويجمل باوراق البقدونس والخس




خامسا

جلاش بالجبنه



المقادير

جلاش

2طماطم مقطعه مكعبات صغيره

2 فلفل رومي مقطع صغير

جبنه رومي مبشوره

بسطرمه أو سوسيس مقطعه صغير أو مشروم او لانشون مكعبات او خليط من أي منهم

3 معالق سمنه او زيت

للوجه

بيضه +ملح +فلفل

كوب لبن

الطريقه

نفرد الجلاش ورقه ورقه في الصينيه وبين كل ورقتين ندهن سمن

حتى ننتهي من نصف الكمية بس ما نزودش الجلاش اوي

نضع مقادير الحشو بعد خلطها

نضع باقي كمية الجلاش تمام مثل النصف الاول

نقطعها مربعات او مستطيلات او مثلثات حسب الرغبة

ندخلها الفرن 5 دقائق ثن نسقيها اللبن والبيضه و وندخلها تاني حتي تنضج ويحمر وجهها



سادسا


عجة الفول المدمس



4 بيضات

2 شريحه بسطرمه

بصلة صغيرة مبشورة

مثلا كوب فول مدمس

معلقة صغيرة زيت

معلقة صغيرة بقدونس مفروم

ملح – فلفل – كمون

الطريقة

شيلى القشرة بتاعة الفول واهرسية كويس بالشوكة او صفية

حمرى البصلة فى الزيت + البسطرمه

اضربى البيض بالشوكة كويس وعلية الملح والفلفل والكمون

و البصلة المحمرة والبقدونس وضعى عليهم الفول المصفى

نضع معلقة زيت فى المقلاية ونضع فيها الخليط كله ونستنى لحد ما القاع يمسك وبعدين نقلبها على الوش التانى

لحد ما يمسك وتستوى نقلب العجة فى طبق التقديم