سر يا قلم واكتب دام الحبر فيك
والى انتهى حبرك بادور بدالك



خلي الذي بكى عيوني يبكيك
اشكي على نفسي وشعري شكالك



من صاحب قد قال ماني بناسيك
ولا ابقى لحالي وانت تبقى لحالك



يانور عيني انا ما تحمل تجافيك
يا حظ منهو كل ليله قبالك



لولا الحياء لأدخل على البيت واجيك
واشوف ياخلي وش اللي جرالك



الحب صوت في خفوقي يناديك
ودايم خيالي ما يفارق خيالك



اعزف على القصايد واغنيك
مافيه داعي انك تشح بوصالك



يا صاحبي ريحني عسى الله يخليك
ترى مبطي ما سمعت اتصالك



ياللي تنام ولا شئ يصحيك
وتدقها نومه متى ما طرالك



بانت مواريه وبانت مواريك
انا هزيم وانت مرتاح بالك

المواضيع المتشابهه:

• اشرب الشاي واكتب الطعم
• اجمع حروف اسمك واكتب صفاتك

همس المطر ,ضامي الشوق ,لجين معجبون بهذا