يسكن غلاك القلب كلـه والاحسـاس

لك وحشة ٍ يانور عيني عـن النـاس
ولك لهفة ٍ عطشـى وترجـي حنينـك

يسكن غلاك القلب كلـه والاحسـاس
تنطق شفـاي الوجـد لاشفـت عينـك

زاهي بقربك شامـخ ٍ رافـع الـراس
كني ملكـت الكـون فـي وجنتينـك

ماللحزن في طلـة الزيـن مجـلاس
خذت الغلا برضاي واصبـح سجينـك

اشرب غلاك اليوم عطر ٍ من الكـاس
كـاس المـوده والغـلا فـي يمينـك

اجمل هدايا الكـون قلبـك والانفـاس
كنه سحـاب ٍ ماطـر ٍ فـوق زينـك

لك كل مافيني وقـدرك علـى سـاس
ولك عمري الحاضـر ولـذة سنينـك

في حضرتك طاب الشعر دون هوجاس
ينثـر عبيـر الشـوق بينـي وبينـك

المواضيع المتشابهه:

• يايمه أنت غلاك يسير بدمي**يانظر عيني**
• ماكان ودي أكتب عن غلاك من قلمي
• الله ما اكبر غلاك
• سآحدثكم عن عشق يسكن أنفآسي
• احلى عيون لرجل وامرأة بالعالم كلـه ..

ريماس ,وارفة البيان ,انسان و ملاك معجبون بهذا