05-12-2018
|
|
|
|
ليتك عطر..
للحًيّنٌ
""""
تعال اسولف لك من الراس للراس
انا ما عاد اقدر اجامل سكاتي
محتاجك توايق على حدب الاقواس
وتشوف وش سوى الغياب بحياتي
لو ينبع الما من عوافي ولا باس ،
ما جف دجلاي .. وتبخّر فراتي !
واقف على حد العطش واحرث الياس ،
كني ابزرع في جفافي .. مماتي
ليتكً عطرْ وتهبّ مع كلْ نسنآس ..!
واشرّع ضلوعي على اربع جهاتي
يا واقفٍ مابين صدري والانفاس ،
ما احدٍ على ماضيه سوى سواتي !
للحين وعروقي من الوجد يباس ،
للحين وانت اكثر دعا في صلاتي
للحين افكر فيك من بد هالناس ،
للحين وانت اغلى واعز امنياتي
للحين اقول بكل ما املك من احساس ،
الحلو في مستقبلي ذكرياتي !
محمد جار الله السهلي
المواضيع المتشابهه:
|