منتديات وهج الذكرى - عرض مشاركة واحدة

06-21-2020

تعرفوا والله دخلت لما قريت ردودكم اللي تسعد القلب الحزين
بس قلت اصلي وارد عليكم
رغم اني يعلم ربنا مجهدة اد ايه
(مش اد ايه بتاعة ام كلثوم) دي بتاعتي انا الغريبة
يا ربي ايه كل الكلام الحلو ده
عجزتي عن الحديث ولا لسانك اكلته القطة يالغريبة
فين لماضتك ولسانك الرغاي اللي ما بيسكتش
ح تردي تقولي ايه بس
فمهما رديتي لن توفي ولن تستطيعي التعبير
يارب انت وحدك القادر تعطي كل اخوتي سؤلهم وزيادة
انت وحدك قادر تعطي كل منهم فوق ما يتمنى وخير مما يتمنى
بل وما لم يخطر على باله يوما وتمناه
فأوكل إليك جزاءهم انت اعلم بمسألتهم
انت المطلع على تلك القلوب
يا رب واشملني معهم برحمتك
إنك ارحم الراحمين
انسان عفارم عليك ماشي على البرنامج بالظبط
عايزاك تعدي عليّ اخر الاسبوع بس بلاش الخميس
عشان قافلين هي كدة غلاسة .. عشان نشوف النتيجة
ونعمل باقي الاشاعة والتحاليل وخلافة وح اكتبلك على شوية ابر ومقويات
شيفاك هفتان وقلبك ساقط ووشك اصفر وشكلك متغدتش
هههههه فكرت اني دكتورة وعشت الدور
ايوة حماتك عسل دي اصل العسل
بس مش النحلة ولو انها متقلش عن نشاطها
لكنها انسانة عسل وشهد مكرر وكل الحاجات الحلوة

وارفتي طول عمري بحب تعليقاتك التي تتميز بالبساطة وخفة الدم
متخافيش يا ريا انا هنا عينك على زوج بنتك المستقبلي
اي همسة برفعلك التقارير مباشرة واي بت تبص له بس بطرف عين
حظر على طول من غير مناقشة لازم احافظ انا كمان
على بنت اختي وادور على سعادتها امال ايه
عصفور في اليد ... ومدام شاري يبقى ينقط بطاقيته
متخديش في بالك دي اغنية قديمة
والولد اثبت حسن نيته وقال استناها
يعني خلاص ربط كلام ففهمي الامورة بنتك
اي ولد معاها في الحضانة يفكر يتقدم لها
تقوله ابعد ياض انا مرتبطة ابعد لاشرّحك بلا لعب عيال

والجميع كي لا انسى احد يشملهم دعائي
وكل من مر وسيمر ولو بالقراءة
حقيقة اشكركم لتلك المشاعر النبيلة
ويعلم الله كم محبتكم ومكانتكم بقلبي
فحين تخلص القلوب وتبعث رسائل من القلب
فلن تضل طريقه وستصل للقلب حتما فتحييه بسعادة
تملك عليه نفسه ويعبر عنها بابتسامة صافية
ترتسم على الوجوه مع نظرة تجمع بين الوفاء والامتنان والتقدير
استطيع القول ولا اجزم بصحة هذا الشعور
- فهو شعور خاص بي تجاه بعض الاشخاص الذين اكن لهم الاحترام -
اني اشعر بكم روحيا واحيانا استشف حالة كلا منكم
من خلال حديثه ..
مش عرافة ولا مكشوف عني الحجاب ولا ضربا من الكهانة
ولا اي شيء من هذا القبيل
هو مجرد احساس
يحتمل كلتا الحالتين
(الصواب أو الخطأ)
دمتم بود وسعادة ونقاء
وبلغكم الله آمالكم وزيادة
وحفظكم اينما كنتم

سؤال للمحترم شمس ؟؟؟
فين الكيس ؟؟
قاربنا على نهاية الاسبوع
ولم يصل المعلوم ؟؟
يا رب وصلت الرسالة
قطيعة محدش بياكلها بالساهل
لازم نوريهم العين الحمرا
ههههههه
سلامي للجميع

انسان و ملاك معجب بهذا