07-19-2013
|
|
|
بلح الشام وصوابع زينب لرمضان
السلام عليكم
طبقين اليوم دائما ما يقدموا سويا عندنا بمصر ولا اعلم لماذا
ممكن يكون السبب السهوله عموما الطبق الاول هو
بلح الشام
وعجينته تشبه عجينه الشو ولكن هي اسمك قليلا
المقادير
4بيضات_كوب ماء_فانيليا
1كوب دقيق
ملعقة كبيرة زبدة او 2 ملعقه زيت
ذرة ملح
الطريقة:
يغلى الماء مع الزبد و الملح و يصب الدقيق دفعة واحدة ويقلب بسرعة
وتتكون عجينة مثل الكرة ثم يترك حتى يبرد نوعا ثم يوضع المربوب
بالفانيليا (البيض)بيضة بيضة الى ان ينتهي مقدار البيض.
توضع العجينة في قمع و تسقط اصابع في الزيت المقدوح حتى تحمر
و تنشل ثم تسقى بشربات ( شيره )
صوابع زينب
المقادير
250 جرام دقيق ( 1/4 كيلو )
75 جرام سميد
75 مللى زيت ( 4-5 معالق كبيرة )
4-5 جرام خميرة
100 مللى ماء (1/2 كوب)
زيت للقلى
شربات ( شيره )
الطريقه
اول حاجة نضيف السميد على الدقيق ونقلبهم كويس
وبعد كده نضيف الخميرة و نخلطهم مع بعض
و بعد كده نضيف كمية الزيت و نقلبهم بحيث انهم يختلطوا و يبقى الزيت متجانس مع الدقيق و يبقى الخليط
وبعدين نبدأ نضيف الماء عليهم ونعجن العجينة كويس اوى لحد ما تلم معانا
ولازم العجينة تبقى الى حد ما ناشفة معانا ولو حسينا انها طرية اوى نزودها شوية دقيق
بس ان شاء الله المقادير كده مظبوطة ومش هتحتاج اى اضافات
وبعد كده نغطيها ونسيبها ترتاح حوالى 5 دقايق
و بعد ما ترتاح نقطعها قطع صغيرة ونصبعها و نراعى ان الخميرة حتخليها تنفش فى الزيت
وبعدين نجيب المبشرة و نستخدم الجزء الضيق منها ونجيب العجينة و نضغط عليها و احنا بنلفها عكس اتجاه بروز الفتحات
وبعدين ننزل بيها فى الزيت السخن و مش بتاخد وقت خالص
و نقلبها علشان تاخد لون واحد من جميع الجهات
وتاخد الون الذهبي الداكن نطلعها من الزيت ونحطها على طول فى الشربات البارد اللى هنكون محضرينه من قبل كده
ولازم تكون صوابع زينب سخنة والشربات بارد عشان تشرب الشربات كويس
المواضيع المتشابهه:
|