جبت لكم اليوم طبخه لَ كيكة لزيزززة جداً
ترجمتها وحبيت اشارككم إياها
فيكم تعملوا اي شي ثاني غير المانجو . . فراوله ، أناناس ؛ كرز اللي تحبوا
؛

مقادير الگيگه :
6بيض
كوب سكر عادي
كوب دقيق
نصف ملعقه بيكنج باودر

؛
مقادير الكريمه
كوب زبدة
كوبين ونصف سكر مطحون
ملعقتين فانيليا
كوبين جبن كريمي الأفضل استخدام فيلادلفيا وممكن كيرى


نصيحه بخصوص عمل الجبن بالحلويات . .
(فيكي تستخدمى جبته المتلتات اذا كانت وصفتك
مليانه سكر لانو فيها ملوحة شوي ف راح تخفف من حدة الطعم الحلو فيها )
؛
الحشوة:
اربع حبات مانجو حبتين مقطعه شرائح خفيفه
وحبتين نهرسهم
(اذا ما كان المانجو حلو فيگي تحطي ع اللي هرستيهم ملعتين سكر)
؛
الطريقه
طريقه عمل الكيك:
في صحن عميق او في الخلاط اذا حبيتي
حطي حبات البيض واخلطيهم بَ درجه عليه
لو بَ ايديك لازم تخلطيهم بسرعه (💪🏻💪🏻
لحد ما تصير فلوفي << زي الرغوة
بعد كدا راح نظيف عليهم كوب من السكر
(نسگبه بشويش مو مرة وحدة ) . . نقعد نخلطوو فيه لحد ما يصبح شكله زي الكريمه

بعد كدا نبداء بالخطوة الثانيه
وهي خلط المكونات الناشفه . .
ننخل كوب الدقيق ونصف ملعقة بيكنج باودر
اوعگم تسكبوا المقادير الناشفه ع المقادير المبلله دفعه وحدة . . لاا
راح نكسب كل شوي 1/3 الكوب لحد ما نخلص الكميه كلها

بعد كذا نسكب الخلطه في صحنتين مخصصة لَ الكيك
وندخلها الفرن ع درجه حرارة 350 لمدة 23-28 دقيقه
نطلعها وهي ناضجة ولونها بني فاتح

اممممم
(وعشان نطلعها من الصحن تبع الفرن راح نمرر السكينه ع الأطراف ونحاول اخراجها بحذر)

نجي لخطوة الثانيه :
خطوة عمل الكريمه . .
طريقه الكريمه:
في وعاء لَ الخلط نحط الجبنه والزبدة
وكوبين ونصف من السكر المطحون وملعقتين فانيليا
نستمر في خلطهم لحد ما يصير شكلها زي الكريمه
نضع ربع الكميه في كيس التزيين عشان نزين فيه الوجه بعدين والكميه الباقيه تفضل بالوعاء ندخلهم الثلاجة لَ تبرد شوي

؛

ونقوم بالخطوة الجايه وهي عمل الحشوة والتزيين
؛
نجيب الأربع المانجو ونقطعها زي الصورة
راح يصير معانا ثمان قطع
اربع قط راح نهرسهم / نطحنهم زي الصورة
والأربع الثانيه راح نقطعها ونزين الگيكه فيها

؛
خطوات تركيب الگيكه وحشوها:
طبعاً احنا راح نقطع گل گيكه الى طبقتين وبگذا راح يصير عنا اربع طبقات
حنحط شويه من المانجو المهروس وشويه من الكريمه فوق الطبقه الاولى والثانيه والثاالثه
و بعد ما نخلص رص وتركيب الكيكه
سنقوم بتغطيها كاملاً بالكميه الباقيه من الكريمه

؛
الكميه اللي حطينها في كيس التزيين راح نزين فيها الأطراف
وفي الوسط نرص قطع المانجو بهذا الشكل وراح تطلع معاكم شكل وردة جميله لزيزززة زي كدا👇🏻ان شاء الله

؛
اخر خطوة هي انو نحطها في الثلاجه لمدة ساعتين ع الأقل
وبالهناء والشفاء

المواضيع المتشابهه:

• المانجو نبات حساس يحتاج إلى ري يومي