يا زمان حنون وقادر

وخاصمني يا زماني
وارجع صالحني تاني
نسِّيني اللي جرالي
في العمر الأوَّلاني

يازمان حنون وقادر
أنا مين؟ ماتشوفني تاني
الواد أبو ضحكه تطلع
م القلب الأخضراني
واللي زارع في صوته
فدَّان ورد وأغاني
مالي دِبْلِتْ وُرُودِي
وكاس همَّك سقاني
وانتا مزمزم قيودي
وكرباجك كواني

يازمان ساعة ما بضحك
دمعي يملا حِفاني
والدنيا تضيق عليا
ويكرهني مكاني
مين يا زمان يطير بي
بعيد عن المباني
ومن (الهموم) ياخدني
يِفْلِتْني في المواني
أروح بلاد بعيدة
ولا من شاف أو رآني

وخاصمني يا زماني
وارجع صالحني تاني
نسِّيني اللي جرالي
في العمر الأوَّلاني

وخاصمني يا زماني
وارجع صالحنى تاني

المواضيع المتشابهه:

• ‏لي يا زمان
• ذكرت - زمان اول
• حب ايام زمان
• زمان....
• كنا زمان