حبيبتى محتاج لكى

حبيبتى محتاج لكى

محتاج لحضن يضمنى

محتاج لأيد تحسنى

محتاج حنان ... محتاج دفا

محتاج أمان محتاج أدوب وانا بين ايديكى

محتاج لكى وانتى الحنان وانتى الدفا

محتاج لقربك أحس بيه

محتاج لهمسك أسمع اليه

محتاج اقولك أنتى ايه

محتاج أقولك قد ايه انا محتاج لكى

ماهو انتى عارفه كل شىء

وعارفه انى مش لغيرك

ومش هكون ابدااًً لغيرك

ماهو انتى عندى كل شىء

دايمًا بحسك بتنادينى فى كل وقت

دايمًا بحسك جوه قلبى فى نبضته

دايماً حبيبتى انتى همسى ودنيتى

أحلى ايامى هِى أنتى

وكمان سَعادتى فى حضنك أنتى

ضمينى أكثر من كده

وانا بين إيديكى بحس الدنيا ملكتها

بسمع اهاتك كأنى أنا اللى قلتها

ذكرياتى هو انتى

أمنياتى برضه أنتى

كُل أحلامى أنتى فيها

وأنتى جنبى مش هتبقى فيه دموع

وأنتى جنبى أنسى أنى فى يوم أجوع

وأنتى جنبى بحس بيكى

ماهو أنتى عمرى وانتى

أملى وأنتى أحلى ما فى حياتى

قلبى عاش يحلم بحبك

روحى دابت دوب فى حبك

انا ليكى وكلى ملكك

مانتى فرحى ونور سنينى

وانتى اغلى من حياتى

احضنينى وبإيديكى كمان حاوطينى

بحلم بيوم ما تكونى جانبى تشاركينى

تحسى بدقه قلبى تنادى اسمك انتى

بحلم بيوم ابقى جنبك ومفيش غير انتى

قلبى فى حضن قلبك بسأل عليكى

محتاج حنانك والدفا والوفا

يا حلم عمرى وذكرياتى وأمنياتى

يا شمسى وياقمرى محتاج لكى لاتبعدى

بقلمى وإحساسى

من مذكرات

البرنس رامى

ليس بالضرورة ما اكتبه يعكس حياتي

قد تكون مجرد ذكريات أو حلم أوخيال

هذا انا بين السطور

قد تقرأ كلماتى ولكنك لا تشاهدني ولا ترانى

أنا فقط ساكن بين ثنايا حروفي وهمساتي

البرنس رامي

المواضيع المتشابهه:

• أحتاج قلبًا مسرفًا في حبه
• أحتاج قلبين
• ~(.. محتاج لك في حياتي ..)~
• سؤال محتاج لإجابة
• ( محتاج لك )