سجل حضورك ببيت من الشعر

يارب عفوك وغفرانك وجناتك
بيدينك العفو والغفران والجنّه

انا فقيرٍ يبي من نفح مداتك
زدني ياربي من القرآن و السنّه

عن منة الناس تكفيني مناجاتك
امنن عليّه ولا تجعل لهم منّه .

اضحك لا صك الزمان ممهدات الدروب
طلايع النصر يسلبها الخصم لا ضحك .

عشنا وجربنا ولا عاد يحتاج
ناقف على بعض السوالف دقيقه .

نمشي ولا نعلم خفايا المقاديـر
يالله عسى في غيب الايام خيره .

بديت اغليك واشتاق لحضورك واكره غيابك
بديت احسانا صوبك شعور يهز وجداني

دون قصـد تحس معه بـ إرتياح
لـو يغيب بـلا سـبب تشـتاق لـه
وإن حضر صدرك بدأ فيه انشراح
هـو كذا بعض البشر ترتـاح لـه

بيض الله وجه من يقدر وسوى
وسود الله وجه من يقدر وعيا

الضعيف ضعيف حتى لو تقوى
لا حيا ينفع معه ولا .. حميا .

اما تسابقني على العز والطيب
والا معي / يا صاحبي لا تردى

فلا تدوّر من ،، ورانا عذاريب
حنا نشوف أهل الردى وانتعدى !

اثر البيوت بدون اهلها ولا شي
يجلب محبتها غلا من سكنها

في مامضى نشفق على البيت والحي
واليوم لا مريت صديت عنها !

البخيل تشوف وسم الضيم حتى في عياله
ماتقول الا مشلوطهم على النار الشبوبه

والكريم ليا عطى كنه مايعطي من حلاله
لو طلبته ثوبه اللي لابسه يعطيك ثوبه

نعنبوا جد البخل واللي يحطه راس ماله
البخيل بخيل مايعطيك حتى من ذنوبه .