المرة دي بعيدة اوووووووي عن الفصحى حبيبت اغير شوية اتمني إنها
تنال إعجابكم جميعاً أن شاء الله.
ونبدأ على بركة الله تعالي
بسم الله الرحمن الرحيم
مين فينا الغلطان و مفيهوش عيوب ...
فا ما بلاش يا دنيا تجي علينا ...!
و نداري الوشوش ونقول مش بس العيب فينا ..!
ونقول اهي سكة ماشيين فيها ...!
كلنا بين ايديها زي العيل متعلقين بيها ..!
وقلت خلاص ما عرفت يا قلبي اللي فيها ..!
و قفلت باب الماضي ب 100 ترباس ..!
وقلت خلاص اهي هانت وراح تعديها ..!
وكل ما اقول خلاص اعنادك وامشي علي كيفي !
اتدارى بلف وبدور في نفس الحتة وهي.. هي ..
نفس السكة!
وصحيح بصبر نفسي بنفسي واقول اهي ايام
وتعدي و يتعدل بكرى المزاج ونركب الموجه
ونقول خلاص انا صحيح كويس !!
وأنا اللي سايبك بمزاجي ...و قادر اعديها..!!
و افوق علي نفسي من أول صفعة جديدة
و ارجع اقول ده برضه اسمه كلام.!
ما بلاش يا دنيا تعانديني وبلاش نداري
الوشوش ونقول بس العيب فينا....!!
يا تري مين فينا بس الغلطان يا زمن يلي
معآدينآ ...!!
بيقولوا يا قلبي صحيح أنك شاعر بتعرف تلعب
علي المشاعر بحروف وكلمات وتصيغها علي ورق
الزمان! .
ويا تري ده برضه عيب فينا ...!!
لا أنا معقد ولا أنا مصعب الأيام..!!
بس قولولي مين فينا بس الغلطان ..!!
بقلم : قلب لا يعرف المستحيل// وردة الغرام
بتاريخ 12 // 6 // 2023
وحششششششششنى قلمك اوووى اوى اووووى
ومن اول ما شوفت العنوان وشدنى وقبل ما ادخل قولت اكيد دا لوردتى الحلوة وغرامى المستحيل وكاتبتنا الرائعة
وبالفعل بسم الله ما شاء الله عليكى وااااو تحفة بجد
عجبتنى جدا جدا ...بس انا شايفها تناسب الخواطر وحاسة احساسك فيها الصادق ..صدقتى اختى والله
بس خلينى اقولك ارمى ورا ضهرك
لا تلتفتى للوراء ما دمتِ قلبتى الصفحة
واتركى كل ما هو يؤذيكى ..فرفشى وانتعشى عيشيها اصلى هى ملهاش اعادة
فعيشى زى ما تحبي ..
الى غرامى الجميل هذا البوح وقتى
مش كفاية بئا احزان...
عدى وخطى واقفلى كل البيبان
الباب اللى زعلك مرة ..اقفلى خاالص ولا توربيه
والوش اللى ضايقك يوم ..انسيه ولا كأنه عدى عليكى
واللسان اللى غلط فيكى لحظة ..صديه بتجاهل او كتمان وخلى اللى فى القلب فى القلب وكما تدين تدان
واللى نساكى بالامس وما افتكرك حتى بسلام ..ولا يكون فى بالك دوارة هى الايام
تجنبي كل ما يؤذيكى نفس كان او مكان ..
من قلمى المتواضع على بوحك الراقى الرائع ايتها الكاتبة المتالقة المبدعة
توقيع :
شكرا (اندبها) على اهداءك ولمستك الطيبة يا غالى
كن مختلفاً ولو صرت وحيداً..
شكرا من القلب يا غرامى على اهداءك لى ..ربي يديمها هالمحبة والاخوة حبيبتى