قصة طريفة

قصة طريفة بلسان بنت مجنونة خخخ:

في احد ايام رمضان المبارك كنت ماخذه إجازة شرعية من الصيام


وخلصت صلاة الفجر ..


وذهبوا افراد العائلة كلٌ إلى مرقده كما أعتقدت..



هم راحوا لغرفهم من هنا ..


وانا انطلقت للمطبخ من هنا..



أخذت لي فيمتو و شبس و طلعت لغرفة التلفزيون مبتهجة..

وبينما أنا في خضم البلع والطحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وجه كذا

ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتة قلبية

يونس : ماصمتيييييييييييي!!!!!!

أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟

يونس: وجع..من جدك تسألين هالسؤال ؟

أنا بكل ثقة وبجاحة: والله انت بعد سألتني نفس السؤال!

يونس: والله انتي اللي جالسة تبلعين وتشربين موب انا!

ممممممم شفت الولد ماعنده نية يفهم


استوعبت انه ياإما انه كان غايب في درس الفقه منهج سادس ابتدائي ..


ياإما أن مدرسهم طمر الدرس , ولا وش ذا الدلاخة



ومافيه مجال أصير ناسيه وأنا مجهزة العدة,كاس ثلج ومنقيه الشبس اللي أبيه

المهم قلت في نفسي والله لو يموت ما اعلمه أنا عن ذي العلوم..مو لهالدرجة انا وسيعة صدر



فما كان مني الا اني فجأة قلت له:

اسمع بقولك سر بس بذمتك لايدرون امي وابوي ولا احد

أوعدني ماتعلم احد وانك تحفظ سري هذا لين أموت..


ان مت علم اهلي..


عاد خلاص مايقدرون يسوون لي شي..

واللللللللللللللللللللللللللله ماأقول لأحد ..


اقسم بالله


وجعلي اموتاني ماأقول لأحد إذا علمتيني

خرجت هذه الكلمات من أخي يونس بحماس مشبع بالسعابيل المتناثرة التي لامست وجهي..

أجل شف بصراحة أنا مسيحيــــــــة!

لا والله!! قولي قسم بالله!

أنا مسيحية ولا أقدر أحلف لان ديني غيركم

عشت الدور على طول

بس بقولك القصة يمكن تخف روعتك شوي



وتقدر تتفهمني و تحتويني وتحتضني

حسيتني بخرب الولد

القصة ومافيها ..

أني أنا يوم كنت صغيرة


ترى أهلي ماكانوا مهتمين فيني زيك


كانوا بس يخلوني

عند التلفزيون ويروحون يتمشون..

تعرف انا اول طفل لهم وامي وابوي كانوا توهم صغار وطايشين

و طفرانين ببعض وانا حسوني دخيلة بينهم
ماادري ليه جابوني بسرعة اذا هم مايبغوني..

فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة

رديت بنفس النبرة الكسيرة :حتى الفلبينيات يلبسون عباية..انا كنت البسها زيهم احسبها يونيفورم لسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

لا كنت أنام في الحصص وفي الاختبارات أغش

واستطردت في القصة..


فلما كبرت وجيت أنت ..


حبوك أمي وابوي من كل قلبهم وخافوا من أني انتبه لهالحب أو احسدك عليه


فقام أبوي يبي يلهيني بشكل أكبر ..حط لي نت وقال لي هذا لك

اما هذا لنا "مشيرا بأصبعه المشعر إليك " وخذوك معاهم ورحتوا تتمشون

المهم صرت أحس فيه سر لازم أعرفه وصرت أدور في هالنت


وانتشر هنا وهناك واتبعثر واتبخر واتكور الى ان


أخذتني رياح الأقدار الى امراءة


تدعى الأم تيريزا

وقلت لها قصتي واحتوتني واعطتني الحنان اللي حرموني منه اهلي


اللي يكرهوني ويحبونك انت

بعدها صرت أحبها واسميها ماما ..


ومع الوقت علمتني المسيحية وقالت اعتنقيها ياابنتي

واعتنقتهاوأهلي مايدرون وللحين مايدرون

يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال: طيب ماتفكرين تسلمين ؟

لا أخفيكم سرا ..


جتني ضحكة كبيرررررررررررة


الا أني بلعتها لدرجه صبت دموعي وسويت نفسي أبكي


قلت له بصوت مخنوقبس ماأعرفه..أنا ماأعرف في هالحياة الا أمي تيريزا!

داخ راسي منكثر الخرط عليه وجاني النوم ..


قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام..

جاء يوم غد ..


وفجأة أسمع شي يخربش تحت باب غرفتي..


حامت كبدي حسبته صرصور..


قمت ابشوف مادريت الا كتيب ديني يندعس تحت الباب

وأشوف ..إلا عنوانه


Islam ???!!

وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة

هههههههههههههههههههههههههههههههههه ياأنا ضحكت ضحكة بغت تنكسر شبابيك غرفتي

خلاص معد استحمل,هالولد تحفة لازم ينحط في متحف اللوفر,لعنبوا بليسه وش ذا المخ

طيب يوم انك بتدعوني ليه جايب لي كتاب دعوة بالانجليزي

شايفني شغالة


على باله يوم صرت مسيحية ماعاد افهم عربي


ماادري ذا الولد مخه وين!

المهم أنا عقب هالضحكة نسيت الكذبة


ولهيت بمشاغل الحياة!

ومر كم يوم

وصدف أن يونس مر جنب غرفتي وانا لابسة جلالي وأصلي


وأنا أسجد


مادريت إلا بصوت رجول تراكض متجه نحوي


واجلس من السجود الا ويونس يصيح ويحب راسي

أنا خلااااااص بفطس من الضحك


يالله كملت التشهد وسلمت


إلا وياخذني بالأحضان يونس صاحب القلب الكبير

الحمداللللللللله أسلمتي,الحمداللللللللله أسلمتي

ودموعه تتقاطر على كتفي


ياكثر مايوصخني ذا الولد يابتفال يابدموع ..الله يصبرني

بسوالله رحمته جاني الصياح صدق

ماأدري هو أنا عشت الدور ولا صياحه صيحني

المهم


ويمر أبوي قدام هالمشهد التراجيدي وينهبل



وجععععععع خير انهبلتوا ..وش صاير

ويونس من هول سعادته كب العفش والعشا والقش كله

بنتك أسللللللللللمت أسلللللللمت

وللأسف انجلدت بعدها بس عادي التعب عاديمايجي شي عند هالخرطة اللي كبر الحمار ومشت على يونس الفتى صاحب القلب الكبيرهو وكتيبه الدعويببروزه عندي و اهدده فيه اذا استبثر علي في المستقبل.

لا مو مجنونه ,, هذي نابغة بكتابة الروايات

* أعتذر عن قدم القصهـ إن كانت قديمهـ..:sm
من إيميلي..

المواضيع المتشابهه:

• قصة طريفة - خلّص البصل
• البخيل والضيف قصه طريفة
• صور طريفة لصغار الحيوانات
• قصة حقيقية طريفة في مطار ابو ظبي

:sm:sm:sm:sm:sm

وربي هالبنت فاصله مافيها مخ وبعد راعية طويله تقص قصص وافلام أكشن :sm:sm:sm

وربي ضحكت ضحك ممتعه هالقصه والأسلوب احلى وأحلى:sm


جزاك الله خيراً عبادي

ههههههههههههههههه
والله انا ضحكت بالاول علي حالي لاني الي نصف القصه مثلي مثل يونس مش فاهمه حاجه
وبعدين الحمد لله فهمت ههههههههههه
بس صعب عليه الولد جدا لانه يا عيني علي الفطره وضل متأثر وهي ولا في دماغها
والله عبادي انت حكياتك غير

هههههههههههههههههه


أسعدني مروركم...//