ياه يا سنين بتمر

ياه يا سنين بتمر
والذكرى فيكي وجع
اتعودت فيكي شرب المر
وشوفت فيكي البدع

بس اوعدك هفضل
الطير اللي في سماكي حر
وهفضل رغم البعد
لقلبك صاحب جدع

يا سنين اتعدت وعدت
كفوف الإيد
كام سنه ويا عالم
ايه اللي جاي في العمر

كام سنه ولسه الهوى
شباب وعنيد
ولسه نار الشوق جمر

ولسه وعد المحبه قايم
ولسه لايام اللقا
قلب الهوى صايم
ولسه نظرة عيوني بكر
رغم حبلها من دموع القهر

ياللي غيابك طول
وطال بعدك في ليلي العنا

ياريت اقدر في باقي
العمر واتحمل
بُعدِك ياللي فراقك
عذاب وضنا

وياريت اقد أَصَّبِر
قلبي اللي مل الصبر

بس اجمل شي في غيابك
لما تيجي علي بالي
اللي بقيتي ضله
تضحك عيوني
في دمعتها
وتضحك شرايين قلبي
في دقتها
وتضحك روحي
واصرخ
دي روحي اللي حبيتها
وحبها في قلبي
هو اللي فاضل له
في بواقي العمر

نفس اليوم من كل عام
اللي ينبت فيه زرعي
وتيجي تلمي محصولك
من ارضي البور

وقلبي الغيط
اللي بهواكي فيه ترعي
ولما ييجي الليل
هتلاقي حضني البيت
والاقي غيابك
هو السور اللي متهدش
مابين ارضي وبين القصر

يا ذكرى ميلاد الدنيا
في هوى روحي
طول السنه مجروح
ويومك ده دوا جروحي

لما الاقي ضحكتك طلت
وضيك انواره في السما هلت
ما انتي شمس صبحيتي
وفي ليلي قمرها
وعمري اللي ضلمه
بتستنى طلوع الفجر


ياسر ابراهيم

https://www.youtube.com/watch?v=KkgPTVEtJrI

ياسنين العمر
هدي شوي . .
.
.
بكاء بلا دموع
ابدعت 🌷

ياسر

دائماً تأسر قلوبنا بإبداعاتك المتميزة والجميلة

هنا ذكرتنا بأمر الجميع يريد تناسيه وتجاهله

سنين العمر وجريانها ( ماضيك وحاضرك ) وماتبقى من مستقبلك

عمرك ... نسأل الله ان يطيل اعماركم في طاعته ... دمت بخير .

/
نتأرجح ما بين ماض وحاضر
وعُمْرنا على مطرقة انتظار المصير ..

والسنين تمضي دون التفات ..

نكبر وهي بمرورها تعاند تفاصيل حياتنا !

أبدعت .....

قلم باذخ وعزف على الحرف جميل
سلمت الأنامل وسلمت ودمت
اعجابي وتقيممي والرفع والختم و٣٠٠م
تحيتي

بكاء بلا دموع

صح لسانك اخوي ولا هنت

حقيقي رائع

اشكرك

أحبتي الكرام

كل عام وانتم بخير
ادام الله عليكم ثوب العافيه

وأشكر جزيل الشكر
كل من مر من هنا
وكل من ترك بصمة من حروفه

لكم كل التقدير والاحترام
كل شخص باسمه ولقبه
وموقعه من اعماق قلبي


تحيه عطره لكم جميعا

حين توسوس لك نفسك بالمغيب
تذكر
ثمة
فجر يزغرد بعد كلّ عتمة
فلن تقدر على مخالفة سنن الطبيعة
ولحظة شوق
ستشرق من جديد
اشكرك اخي على هذا الابداع
مودتي

عسى ما ننحرم من حضور الاحباب
ويحفظ لنا رب العباد محبتهم

من اجل غلاهم شعرنا الغلاب
ينساب نهر يروي منابتهم

حبهم زرع فى قلبنا وخلاب
والنبض نبتنا والوريد تربتهم

شكرا حضوركم وافي الاسباب
وحروفكم تسلم أيادي كتبتهم

محبكم فى الله
ياسر إبراهيم

كلمات عذبة جمعت بين الاصالة
ولهجة الصعيدي ابن البلد الجدع
سلمت اخي ياسر وطاب مدادك
شكري مع التحية