*يا رب انا جيتك ندم جيتك ولا ادري كيف جيت*
*محتار مستسلم كفيف الفكر منهوك القوا*
*يا الله يا خالق ويا محيي العظام ويا مميت*
*يا الواحد الفرد المهيمن لا اله الا هوا*
*انك تقدرني على فعل الجميل ليا عييت*
*في اللي صدر و اللي ورد و اللي سرح و اللي ضوا*
*و انك تصبرني على ضيم الزمان اليا بليت*
*الوقت ظالم و الليال السود نزاعة شوا*
*وانك تذكرني بما يخفى علي اليا نسيت*
*وانك تشاف العلة اللي ما لقيت لها دوا*
*وانك توفقني و تجعل لي مع الابرار صيت*
*صيتٍ يعديني سما الطالة رفيع المستوا*
*وانك توفر لي طمانينة و تجعل لي مبيت*
*يرتاح من راحة* *ضميري فوق خط الاستوا*
*وانك تلقيني صباح الخير لامني صحيت*
*وانك تصدفني دروب الرزق شكل و محتوا*
*الشكر لك و الحمد لك قبل الرضا وليا رضيت*
*يا فالق الاصباح يا فالق من الحب النوا*
للشاعر / سعد بن جدلان رحمه الله
05-08-2018
العرض العادي
