|| مهندس الكلمة بدر بن عبد المحسن ||~.,

مناكيف

في دربكم ياراحلين مناكيف
تالي ليالي القيظ واول خريفه
ردو سلام اهل القلوب المواليف
على الوليف اللي نشد عن وليفه
ردوه لعذوق النخيل المهانيف
وعلى القصور اللي بوادي حنيفه
دار لها بالقلب عشق وتكاليف
ياعل عين ماهوتها كفيفه
طبنا وشبنا واتعبتنا المشاريف
والمرقب العالي هبوبه عنيفه
ياواردين العد كفو المذاريف
اللي بقى دمع هماج ذريفه
والله لودمي يغيث الملاهيف
قطعت عرقه لين يصفي نزيفه





تعبت أسافر


تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لا شك جرحي غلبني
أنا سجين الحال .. مهما تسليت
وانا الطليق وكل شيٍ قضبني
حريتي لا عل ..يا كود يا ليت
اما شفت حيٍ جاد لي ما سلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس ..غبار قبري حجبني
لي صاحب وان ما تخلى تخليت
لا بد ما نهدم .. ولا بد نبني

نامت عيونك
نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك
إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك
يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت
وإن زاد ظلمك ما عدلت
آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك

أفـارق هـالنجوم الـطايحه بـين السما والقاع

وفــي قـلـبي مــن الأوجـاع مـا يـكفي

وفــــــي قــلــبـي أفـــــارق

ورا هـذي الـجبال سفوح وعيونٍ مالها عيونك

ولا قـــــــلــــــبــــــك

أسـافـر كــل قـلبي جـروح وانـا أحـبك

أبـــي لا طــبـت طـفّـيـتك حـرايـق

حـزين الـلي تركت البارحه وجهه على كفوفك

غـــســل بــدمــوعـه طــيـوفـك

غـرسـتي فــي قـلبه حـروفك بـيارق

ولـــــو بــيـديـنـي غــيــرتـك

ولـو مـثلك فـي هـذي الأرض ضـيعتك

ودوّرتــك ولـكـن إنـتـي غـير إنـتي

وانـــا مــثـل الـخـلايـق أفـــارق

ودايـــم قــصـة الـعـاشـق قـديـمه

مـثل كـل الفصول اللي على مر الزمن تنعاد

عـــزانــا والــدمــوع جــــداد

لأن الـشـمس وحــده ويـا كـثر الـمشارق

فـي دروبـي رمـل لامـن جـيت سـاري

يـنـبت الأشـواك لامـن رحـت سـاري

صـاحبي ماجيتك إلا وفي طريقي من ربيع العام

نـــــــــوّار وخــــبــــاري

ولا تواعدنا وبه في الأرض زهره ولا تفارقنا وبه

لـــلـــبـــرق طـــــــــاري

لا تـأخـر دام لــي فـي الـعمر سـاعه

ولا تـقـدم لـيـن أشـوفك فـي انـتظاري

الـزمـن ورده سـهـرت أحـسب ورقـها

وإن قـضا مـاجيت فـي دمـوعي عواري

حـبّـني كـثـر الـلـذي نـلـقى بـوعدنا

مــن ظــلال وريــح ونـجوم وغـداري

صـاحبي مـثل الـخجل لـو تـكتسي بـي

قـبـل أصـيـر الـشال يـذهلني انـحساري

يـاقـريـب الـبـعد لـلـشكوى أسـامـي

الـجـفا والـخـوف وآخـرها حـذاري

وانــت لـو خـان الـزمن بـقول وافـي

لا أنــــــــــا تـــــركــــي

ولا أظــــنـــك مــــشـــاري

المسافر

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح

يابـنـت انــا للشـمـس في جــــلـدي حـــــروق

وعـلى سمـــــوم القيـــظ تــزهـــر حــــياتي

اطـــرد ســــراب اللال في مـــــرتع النــــوق

ومــن الظـــمى يجــــرح لســــاني لهـــــاتي

عـــاري جـســــد واللـيـل هـتــان وبـــــروق

دفـــاي انـا والبـــرد سـمــــل العـــــباتي

ان عــــــذربـوني بـعـــــض خـــلانـك صـــدوق

يابـنـت انـا عـشـــق الخـــلا مــن صـــــفاتي

وشــــم عــلى رمــــل(المتاييه) مـدقــــــوق

لاشــــك مـن مـنــهم يســـــــوي ســـــــواتي



انا بـدوى ثـوبي عــلى المـــتـن مشقـــــــوق

ومـثـل الجــــبال السمـــر صــــبري ثبـــاتي

ومـثـل النخـــيل انا وهامــــتي فـــــــــوق

ماعــتـدت انا احـــني قامــــتي الافـصــــلاتي

والي افـتخـــر بفـــعال يمـــناه مخــــــلوق

يابـنـت انا فعــــلي شــــهوده اعـــــــداتي

الله خـلـقــني كلــــمة الحـــــق بوفــــــــوق

ومــلــكـــت الارض وراس مــالــي عــصـــاتــي

العمر أحبك
لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك

((ليلكــم شمــس ))

ليلكم شمس اتصلنا ... اتصلنا امس
ما لقينا صوت ..
اشكينا اسكوتكم لسكوتكم
ولما ملينا الكلام .. كانت الساعه ظلام
قلنا بنحاول ننام .. ونتصل باكر


ليلكم شمس اتصلنا .. اتصلنا اليوم
جاوبتنا داركم
اشتكينا اعذاركم لأعذاركم
ولما ملينا العتب .. كانت الساعه تعب
وقلنا لو ننسى الغضب .. ونتصل باكر


ليلكم شمس .. بنتصل باكر
ان لقيناكم عسى .. وان هجرتونا عسى
نغسل جروح المسا بالمسا
حنا ملينا الصبر
كانت الساعه عمر
اقبلوا منا العذر .. لكل شيء آخر


ليلكــم شمــس
ليلكم شمس اتصلنا ... اتصلنا امس
ما لقينا صوت ..
اشكينا اسكوتكم لسكوتكم
ولما ملينا الكلام .. كانت الساعه ظلام
قلنا بنحاول ننام .. ونتصل باكر


ليلكم شمس اتصلنا .. اتصلنا اليوم
جاوبتنا داركم
اشتكينا اعذاركم لأعذاركم
ولما ملينا العتب .. كانت الساعه تعب
وقلنا لو ننسى الغضب .. ونتصل باكر


ليلكم شمس .. بنتصل باكر
ان لقيناكم عسى .. وان هجرتونا عسى
نغسل جروح المسا بالمسا
حنا ملينا الصبر
كانت الساعه عمر
اقبلوا منا العذر .. لكل شيء آخر

ليت الشوارع تجمع اثنين صدفه
يطيح جفن الليل وأهز كتفه
نجم يشع وباقي الليل مطفي

وأحاكي الجدران عن وصف غرفه
ماتشبه الجدران ويطول وصفي

وتملني الجدران وأظهر لشرفه
تحت السما وأسكر الباب خلفي

ريح تهب وتسكن العظم رجفه
وتموت ريح وتسكن أوراق نزفي

فوق الفيافي تهطل دموع وطفه
وتصب لمع بروقها وسط طرفي

ياطاري الغدران والعمر رشفه
مع قلها ياليتها يوم تصفي

ليت الشوارع تجمع اثنين صدفه
لاصار شباك المواعيد مجفي

الحب واقف مير الأقدار صلفه
والأرض واجد لكن الحلم منفي

واللي أعرفه راح مانيب أعرفه
ولاعاد يذكرني الا أقبلت مقفي

ماهو حبيبي مورد القلب حتفه
ولاهو حبيبي يفرح بوقت ضعفي

مر ثمر هالليل وأمر قطفه
يالحنظل اللي صرت أذوقه بكفي


هذا هو الليل ماراح نصفه
وياليل بعض اللي مضى منك يكفي

كفاااااااااك غرور
صحيح ان السحاب انتي ..

واعشاب الربيع انتي ..

وأجمل من على هذا التراب .. انتي

وفـ عز الليل لو بنتي يطير الصبح ..

من كف الربى عصفور ..

ولكن الليالي تدور ..

كفاك .. غرور

سقاني صوتك البارح .. مرار الحزن والترحال

صحيح ان البحر مالح .. ولكن العطش قتال

سألتك يا ظماي .. أمطار

سألتك عن هواي .. أخبار

سألتك كلمتين أعذار .. ولكن ما تعذرتي ..

وحقك لو تكبرتي ..

صحيح ان السحاب انتي ..

واعشاب الربيع انتي ..

وأجمل من على هذا التراب انتي ..

انا جرح .. وحنين وهمس

وقلبٍ ينبض بصدري ..

ولا ادري من حبيبي .. الشمس

ولا ودي بعد ادري ..

يكفيني دفى انسان ..

يشاركني فرح واحزان ..

ونورك فـ السما لو بان .. أشوفه مثل كل الناس

وأحسه .. مثل كل الناس

وصحيح ان السحاب انتي ..

واعشاب الربيع انتي ..

وأجمل من على هذا التراب انتي ..

وفـ عز الليل لو بنتي .. يطير الصبح ..

من كف الربى عصفور ..

ولكن الليالي تدور كفاك .. غرور