.مقادير العجين:
نخلط 2 فناجين زبدة ذائبة، فنجان زيت، فنجان ماء دافي، ملح و نجمعها بالفرينة حتى نحصل على عجينة متماسكة، احتفظو بيها في مكان بارد الى حين الاستعمال.
مقادير الحشو:
نقلي في شوية زبدة و زيت حبة بصل كبيرة مقطعة لشرائح رقيقة ثم نضيف جزرتين مبشورتين حتى تتقلى مليح نضيف حبة بطاطا مبشورة و حبتين قرع أخضر مبشور أيضا، ( الخضار عينكم ميزانكم اذا كانو حبات كبار استعملو واحدة واحدة، و اذا كانو حبات صغار استعملوا اثنتين)، نضيف صدر دجاج مطحون و نقلي الكل جيدا، نضيف ملح و توابل، كمون، فلفل اسود و احمر، كركم زنجبيل… نترك الحشو يبرد و نضيف له قطع جبن،
التحضير:
نأخذ العجين نقسمه الى ستة كريات، ثلاث كريات للطبقة السفلية، وثلاثة للعلوية، نأخذ الكرة الاولى و نفتحها باستعمال المايزينة نستعمل كمية جيدة من النشاء، و نضعها في قالب من الاحسن يكون زجاجي( باش تشوفوها مليح اذا طابتلكم من التحت) و نرشها بالنشاء و بنفس الطريقة حتى نكمل الطبقات الثلاث الاولى، و بعد الطبقة الثالثة لا نرش النشاء نضع الحشو فقط و نضع عليه الجبن المبشور ثم نفتح بنفس الطريقة الكريات المتبقية، نقطع البقلاوة الى قطع بالشكل الذي نحب، نأخذ سكين و نضع ثقب فوق كل حبة لكي نضع فيها حبة زيتون للتزيين
( الثقب بالسكين يحافظ على شكل جميل للحبات ) ندهنها بخليط بيضة مع قهوة سريعة الذوبان و ندخلها لفرن مسخن مسبقا على نار هادئة حتى تنضج و تتحمر جيدا.
صحة و هنا 
04-01-2023
بقلاوة مالحة
رد: بقلاوة مالحة
العرض العادي
