صايم و لا زي كل سنة

صايم ولازى كُل سنــــــة :P

كُل سنة وإنتوا طيبين يااااارب

ويارب كُل المسلمين فى كُل الدنيا مبسوطين :D

خلاويص ربنا بلغنا بفضله شهر الخيــــــر

ودى نعمه لازم نشكر ونحمد ربنا عليهــــــا

فى ناس بيحسدونا ع النعمه دى ...فى ناس ماتت قبل رمضان بيوم وفى ناس ماتت قبل رمضان بساعه

يبقى لازم نحمد ربنا جدااااااا إنه ادانا فرصه إننا نعبده فيها

ولازم نكون ماكان ماربنا بيحب

يعنى ربنا بيحبنا نتصدق فى الوقت ده يبقى هاتصدق

ربنا بيحبنا نقيم الليل يبقى هاقيم الليل إن شاء الله

ربنا بيغضب لما اشوف مسلسلات ...خلاويص يبقى مش هاتفرج عليها

ربنا بيغضب لما اسمع أغانى ...خلاويص يبقى مش هاسمع

وفيـــــــــه كتير وكتير لازم نعمله فى الشهر دهــ

طيب ليه فى الشهر دة بالذات لإنه البداية

لوقلبك صحصح فى الأوقات دى وثبت على الدين والعفة يبقى إنت كده تمام

هـــــــا مركزيين

طويب ... نيجى بقه لحاجه مهمه جداااااااا

معظمنا حاسس إن قلبه مِش معاه وده علشان الأحداث اللى بنمر بيها

يعنى مِش حاسس بفرحه ولابلذه صيام ولاقرآن ولاقيام ولا أى حاجه

بس إستنـــــــى ...إيه بقه هاتزعل >.<

لا طبعـــــــا ...قلبك هاترجعه لما تصر إنك تقرب من ربنا حتى لو لسه ماحسيتش بلذه الطاعه

لازم تصبــــــر ع الطاعه وعلى فكره دة من اعظم أنواع الصبـــــر ؛ لإنك بتصبــــر علشان إنت بتحب ربنــا وعايز ربنا يكون راضى عنك

يبقى نصبر ومانخافش كُل شوية نجدد النية ونقرب بعباده جديدة ربنا يحبها

هــــــا تمام كده :)

صلوا على النبــــــى طيب ^^

طيب بما إنكم شطار جدااااااا وصليتوا على النبـــى ... عايزة كُل واحد
يجرى بسرعه جدااااااااا ويجيب كشكـــــــول :)

أيون كشكــول :D

بســـــــــرعه ...إنتوا لسه ماجيتوش !!


المواضيع المتشابهه:

• افضل فنادق مطلة على ساحل أمالفي الإيطالي

انا حبيت أشارك أخواتى "ده اللى هو انتم " بالجدول الرمضانى بتاعى :)
علشان الخير يعم إن شاء الله

هــــــــا مستعدين ^^

إذن يــــــــالا بينــــــا :)

*الصلــــــوات ...عندنا 5 فروض طبعـــــا إن شاء الله وش هايتصوا مفيش نقاش ...وفى ميعادهم يعنى اول ما الآذان يآذن نردد وراء المؤذن ونقوم نتوضى ونفرش المصلية ونقعد ندعى ونجهز قلبنـــا ونفتكر إن "الدعُاء بين الآذان والإقامة مُجاب " فانستغل ده

طبعـــــا الشباب هايصلوا الفروض فى المسجد والسنن يفضل نصليها فى البيت ، أما البنات فصلاتها فى البيت أفضل طبعـــا بس علشان تاخد ثواب الجماعه ممكن تصلى بمامتها أو اخواتهــا

خلاويص كده ...يبقى اتمينـــــا الصلاهــ ولله الحمد

استنــــــوا رايحين فين :)

وربنا إنتوا عثل ^^

لســـــه يا حلويين ورانا واجبات كتير بس جميلة

بصو موضوع الفروض ده إحنــا خلاويص كبرنـــــا عليه وعديناه بمراحل
لازم بقه نبص على السنن ^^

أيون السنن ...سمعاك يااللى بتقول الجو حر والدنيا صيام وانا حاسس بجفاف

معلش معلش علشـــــــان دى كُله يهون

"الجنـــــــــــــــــــــه"

طيب تعالوا نفتكر كده السنن الرواتب اللى مؤكده عن الرسول صلى الله عليه وسلم ...ماتصلى عليه :)

الصبح ....فيه قبله ركعتين "اللى هما الفجر"

ودول قال عنهم حبيبى وحبيبك "ركعتى الفجر خير من الدنيا وما فيها"

الظهر ...فيه أربع ركعات قبله وركعتين بعده

المغرب ...فيه ركعتين بعده

العشاء ...فيه ركعتين بعدها + طبعا الشفع "ركعتين" +الوتر "ركعه "

تمــــــــاموز :)

طويب نكمـــــل ^^

خدوا نفسكم كده وصلــــــوا ع النبـــــــــــى

الذِكــــــــر ...بصوا بقه ياحلويين إنتوا عارفيين يومنا بيبدأ من الفجر ...بعد مانصلى الفجر والصبح مانقمش من ع المصليه نقعد نسبح على إيدينا ...سبحان الله 33 والحمد لله 33 والله أكبر 34 هــــــا تمام كدة

طيب كويس جدااااااا بعد أى صلاهــ هانردد أيه الكرســــــى :)

سمعاك ياللى بتقول اشمعنى

بص الحديث دة عَنْ أَبِي أُمَامَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ قَرَأَ آيَةَ الْكُرْسِيِّ فِي دُبُرِ كُلِّ صَلَاةٍ مَكْتُوبَةٍ لَمْ يَمْنَعْهُ مِنْ دُخُولِ الْجَنَّةِ إِلَّا أَنْ يَمُوتَ " رواه النسائي و صححه ابن حيان

بعد مانخلص آيه الكرسى والتسبيح بعد صلاه الصبح نردد أذكار الصباح
كِدهــ نبقى تمام جداااااا ونبقى حافظنا على نفسنا من نفوسنـــــا السيئة ومن أى ضرر

وبعد صلاه العصر نردد أذكار المساء :)

حِلـــــــو كدة ؟!

تمام بفضل الله ...يالا صلــــــــوا على النبــــــــى ^^

لسه كِده ماخلصناش الواجب بتاع الذكر ^^

إحنــــــــا لازم نجتهد جدااااااا يا جماعه دة شهر وبعد كده إن شاء الله هاننطلق فى العبادة بإذن الله

بصوا بقه يا حلويين عايزين 1000 سبحان الله وبحمده

1000 استغفار ، 1000 صلاه على النبى ..صلى الله عليه وسلم ، 1000 الله اكبر ، 1000سبحان الله ، 1000 لاحول ولاقوة إلا بالله ، 1000 لا إله إلا الله ، 1000 سبحان الله وبحمده سبحان الله العظيم
1000 لا إله إلا الله وحده لا شريك له ،لهُ الملك وله الحمد وهو على كُل شئ قدير

دهــ نقسمه على اليوم يعنى 200 بعد كُل صلاه علشان مانكسلش :)
هــــــــا أكمــــــــل :)

الضُحـــــــى ... الضُحى يا جودعان هى صلاهــ الآوابين "يعنى صلاهــ التائبين " وهى بتبدأ من ركعتين إلى ماشاء الله ، وطبعـــا وقتها الضحى إلى شروق الشمس يعنى من 5 لحد 11 كدة بس أفضل وقت لصلاتها هو قبل الظهر بساعه

طويب نكمـــــل ^^

خدوا نفسكم كده وصلــــــوا ع النبـــــــــــى

الذِكــــــــر ...بصوا بقه ياحلويين إنتوا عارفيين يومنا بيبدأ من الفجر ...بعد مانصلى الفجر والصبح مانقمش من ع المصليه نقعد نسبح على إيدينا ...سبحان الله 33 والحمد لله 33 والله أكبر 34 هــــــا تمام كدة

طيب كويس جدااااااا بعد أى صلاهــ هانردد أيه الكرســــــى :)

سمعاك ياللى بتقول اشمعنى

بص الحديث دة عَنْ أَبِي أُمَامَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ قَرَأَ آيَةَ الْكُرْسِيِّ فِي دُبُرِ كُلِّ صَلَاةٍ مَكْتُوبَةٍ لَمْ يَمْنَعْهُ مِنْ دُخُولِ الْجَنَّةِ إِلَّا أَنْ يَمُوتَ " رواه النسائي و صححه ابن حيان

بعد مانخلص آيه الكرسى والتسبيح بعد صلاه الصبح نردد أذكار الصباح
كِدهــ نبقى تمام جداااااا ونبقى حافظنا على نفسنا من نفوسنـــــا السيئة ومن أى ضرر

وبعد صلاه العصر نردد أذكار المساء :)

حِلـــــــو كدة ؟!

تمام بفضل الله ...يالا صلــــــــوا على النبــــــــى ^^

لسه كِده ماخلصناش الواجب بتاع الذكر ^^

إحنــــــــا لازم نجتهد جدااااااا يا جماعه دة شهر وبعد كده إن شاء الله هاننطلق فى العبادة بإذن الله

بصوا بقه يا حلويين عايزين 1000 سبحان الله وبحمده

1000 استغفار ، 1000 صلاه على النبى ..صلى الله عليه وسلم ، 1000 الله اكبر ، 1000سبحان الله ، 1000 لاحول ولاقوة إلا بالله ، 1000 لا إله إلا الله ، 1000 سبحان الله وبحمده سبحان الله العظيم
1000 لا إله إلا الله وحده لا شريك له ،لهُ الملك وله الحمد وهو على كُل شئ قدير

دهــ نقسمه على اليوم يعنى 200 بعد كُل صلاه علشان مانكسلش :)
هــــــــا أكمــــــــل :)

الضُحـــــــى ... الضُحى يا جودعان هى صلاهــ الآوابين "يعنى صلاهــ التائبين " وهى بتبدأ من ركعتين إلى ماشاء الله ، وطبعـــا وقتها الضحى إلى شروق الشمس يعنى من 5 لحد 11 كدة بس أفضل وقت لصلاتها هو قبل الظهر بساعه

القــــــــرآن ... وهنـــــا أنا اقصد القراءة العادية والتدبر والحفظ والمراجعه ...امشوا معايا خطوه خطوه علشان الدنيا تظبط معانا إن شاء الله
القراءه دى براحتك ...يعنى فى ناس بتقرأ بعد كُل صلاه جزء ... وفى ناس بتقرأ جزء واحد فى اليوم ويقسموه على فترات اليوم براحتكم زى ما انتم عايزين بس المهم نقرأ مش العبره بإننا نختم وبس ...آه حلو جداااااا إننا نختم بس نختم ونعمل ونفهم :)

التدبر بقه ...بصوا يا جماعه دى بقه اسمها "ختمة تدبر" بمعنى إنى هاختم بس وانا فاهم كُل آيه معناها إيه معايا كتاب التفسير جنبى او مشغل التفسير ع النت وبقرأ بفهم الآيه معناها إيه وأسباب نزولها ...علشان أكون فاهم .. واخدين بالكم ...فاهم

نيجى بقه للحفظ ... بصوا معظم دور القرآن بتقفل فى رمضان ...بس لو تعبا إننا ندور على دار أو معلمة "للبنات " أو شيخ "للشباب " ونقرأ عليه ونكمل حفظ يكون تمام جدااااااا ..تخيلوا لو كُل يوم حفظنــــا بس 5 أيات يعنى بعد كُل صلاهــ حفظنا آيه واحده بس فى أخر الشهر هانكون حفظنــا بفضل الله 150 آيه :)

تعالوا بقـــه نشوف موضوع المراجعه ... بالنسبة للناس اللى ربنا من عليهـــا ومعاها قرآن لازم لازم نراجع يا جودعان لإن القرآ بيتفلت ... والسور اللى نراجعهــا نصلى بيهـــــا فى القيام علشان تثبت أو نصلى بيها السنن :)

الدُعــــــــــاء ...لازم يكون ليك لسته دعوات سواء لاشخاص أو حتى ليك تكون مجمع فيها كُل الدعوات اللى نفسك فيها وعلى قد ماتقدر التزم بالدعاء الوارد عن النبى صلى الله عليه وسلم

الدعـــــوهــ ...دى لوحدهـــــا جنه بمعنى الكلمة ومش هاتكلفك حاجه ...سمعت الدرس اللى بين التراويح لما تروح تحكيه لوالدتك ...لأختك ...لزوجتك ...تابعت برنامج دينى تتصل بصاحبك تبلغه بيه وتشجعه على العباده

التهجـــد ... ودة بيكـــون بعد الساعه 12 زى قيام الليل كده الظبط ... وبرضه فى وقت السحر تقعد تستغفر وتدعى لحد يكون قُريب من قلبكــ ♥

العُمرهـــــ ...تصدق إنك هاعمـــــل عُمره وإيه "تامة تامة تامة " يعنى مقبوله إن شاء الله كُل الموضوع إنك بعد ماتصلى الصبح فى جماعه تقعدى تذكرى الله وتسبحى وتكبرى وتهللى وتفضلى كدة لحد وقت الشروق يعنى لحد 5 تقريباً وبعدين تقومى تصلى ركعتين ضحى فى الوقت ده جماعه إن شاء الله تتحسبلك عمره ومن غير سفر :)


السُنَــــــنْ ... لازم يا جودعان نكون " مُتبعين " لإننا لو مِش متبعين هانكون لاقدر الله " مبتدعين " يعنى بنعمل حاجات مش موجودة فى سنة النبى

لازم فى الجدول الرمضانى نحاول نمشى ع السنة ونتعود عليها ...نشوف سنة اللبس والنوم والصلاه والوضوء والطعام والشراب ونطبق منها كُل يوم حاجه ونبلغ بيها غيرنا ... وكمان يا جودعان مهم جدااااااا " السواكـــــ " كمان لازم تناموا على وضوء سامعين ولا اتخانق معاكم >.<

جدد قلبكــــ ... إن شاء الله جددوا قلوبكم بالبرامج الدينية اللى تحبوهــــا بس أنا أحب اقولكم البرامج اللى شيوخها ربنا يكرمهم بجد غيروا فيا جدااااااا ..."برنامج كيف تتلذذ بعبادتك لشيخى مشارى الخراز ، برنامج رحلة إلى الأندلس لمعلمى الاستاذ عمرو خالد ، برنامج رحلتى مع العريفى لشيخى محمد العريفى ، برنامج مشاهد لشيخى نبيل العوضى ، برنامج بينى وبينك لشيخى محمد العوضى ، برنامج مع الله لمعلمتى نوارة هاشم، برنامج خواطر 9 لأستاذى احمد الشقيرى "

ارتقــــــــى ... هاترتقـــى بالقراءه ، شوف كتاب كده يجدد إيمانك من تانى وحدد كتابين كُل اسبوع هايكون تمام جدااااااا، ولما تخلص قرآته بلغ بيه غيرك

صلـــــة الرحمـــ ... مِش قادر تروح تزور قرايبك كلمهم فى التليفون ودهم .. واطمن عليهم ..اوصلهم حتى لو هما قاطعينك

فرحهمــــ ... وإنت نازل للتراويح ماتنساش معاك كيس البونبون علشان توزع ع الاطفـــال فى المسجد وتحببهم فى المسجد .. وامسح على راسهم وبوسهم :)

وخد معاك ميه واسقى الناس خليك ودود كده مع الناس ، ولو اتزنقت فى وقفتك فى الصلاه ماتقفش بقه تقول "إيه القرف دة " والجو ده ..عيب :)
اهدى كدة إحنا رايحين نصلى مش نقعد ... وبعدين ربنا هايفرجها علينا

الصدقـــــه ...خد معاك "جنيـــه " بس كُل يوم لله وجدد نيتك فى ده ، ولو مش معاك جنيــــه ابتسم فى وش كُل الناس إنت مُسلمــــ لازم تكون مبتسم خلى الناس لما تشوفك تفرح :) :)

انشر خيركــــ ...اعمل خير بطريقتك ...اكتب ع الورد للمكفوفين ، زور ايتام ...مسنين ...مستشفى ...روح حفظ أطفال قرآن ...المهم تنشر خيركــــ

يــــــالا خدوا نفسكمـــــ وصلوا على النبــــــى ... وبلاش التكشيره دى هه :)

بُصـــوا بقه انا دلوقتى عايزة البناتيت فى وشوشه كِدهــ

بنوتـــــــــى ...اللى العذر الشرعى منعهــــا من الصيام والقيام وقراءة القرآن

مِش عايزاكى تزعلـــــى خالص ... وماتقوليش الشهر ضاع منى والكلام الفاضى ده

دى حاجه إنتى مالكيش علاقة بيها خالص

بس تقدرى تحوليهـــــا لنعمه لو استغلتيها صح

تعالــــى كده اسربلك شوية أعمال صغنونة بس ثوابها كبيـــــــــــر جدا بفضل الله

بصى يا ستى فى الايام دى عليكى بالذكر والدعاء ودايماً تقولى " اللهم إنك عفوغفور تحب العفو فاعفو عنا "

وعلى قد ما تقدرى تسمعى قرآن شغليه فى الام بى فور أو حتى فى التسجيل المهم قلبك يفضل موصول بالقرآن

وخلى على طول فى لسانك الباقيات الصالحات "سبحان الله والحمد لله والله أكبر"

كمان تساعدى مامتك فى شغل البيت بس اوعى تكونى زيي وتكسرى فى البيت وتولعى فى المطبخ لو ده هايحصل ارجوكى ماتعمليش حاجه احسن

بالنسبة بقه لثواب الصيام فربنا ماحرمكيش منه :)

تقدرى تجيبى علبه تمر وتغلفى التمر وتوزعيه على الناس فى المترو قبل الفطار ...مِش قادرة تعملى ده يبقى تعملى الخشاف فى بيتكم وتوزعيه على أسرتك وتجددى النيه فى ده وتجرى بسرعه تديهم الميه هاتفرحيهم وهاتفطريهم

بصى كمان ياستى تقدرى تقرأى فى التفسير وأى حاجه تعرفيها تبلغى بيها مامتك أخواتك صحباتك ودى بقه اسمهــــا "صدقة العقل " وبرضه كدة إنتى بتبلغى علم

كمان تقدرى تستغفرى ، وطبعا تقولى اذكار الصباح والمساء عادى جدااااااا

أما بقه موضوع قراءة القرآن فده يعنى فى اكتر من رأيي وانا مع الرأى اللى بيقول إنه جائز إنك تقرأى فى المصحف وقت العذر الشرعى بس ده لغرض إنك مثلا بتقرأى الورد بتاعك اللى إنتى دايماً محافظه عليه أو إنك بتراجعى الحفظ ... وهنا طبعا بتمسكى المصحف بحائل " يعنى تلبسى جوانتى "

وطبعــــــاً عليكى بالدعاء ..عادى جداااااا

كده بفضل الله تكونى استغليتى الأيام دى إن شاء الله


تمــــــــاموز كدهــ عارفه بقه لو شفتك ه هاعمل فيكى إيه ..خليهــــا مفاجآة :)

.
مررت من هنا على عجل
قرأت أول صفحة من المشاركة
ولن أخرج لأعود ثانية قبل أن أبدي
شكري وإعجابي لما قرأت ..

.

مي محمد
كلمات الشكر لا توفيك حقك
جعل الله ما نقلتي لنا هنا في
ميزان حسناتك إن شاء الله
.
تقبلي لطفاً إحترامي

.

المشاركة الأصلية كتبت بواسطة أمير الذكرى . مررت من هنا على عجل قرأت أول صفحة من المشاركة ولن أخرج لأعود ثانية قبل أن أبدي شكري وإعجابي لما قرأت .. . مي محمد كلمات الشكر لا توفيك حقك جعل الله ما نقلتي لنا هنا في ميزان حسناتك إن شاء الله . تقبلي لطفاً إحترامي .

ربنا يكرمك اخي و يسعدك بانتظار عودتك مرة ثانية