يا خفيف الروح كيف انتوا
ياشفى قلبي من اعواقه
ارحموني لو تكرمتوا
بالوصل وانا من اشفاقه
مرّ وقت لي ولابنتوا
انتظر من طول فراقه
ارحموا ذا الروح لاهنتوا
لي لكم بالشوق تواقه
مازهى لي الوقت لو ما انتوا
انت سعدالقلب واشراقه
انتوا ياللي بي تملكتوا
بالرضا والطّيب واخلاقه
ارحموا من به تحكمتوا
من جفاه النوم ماذاقه
في سويدا القلب شيدتوا
منزل ٍماحدقد فاقه
بخفي امّا بي اذا عدتوا
لايشيع السد واشواقه
الصواب لي بيه صبتوا
عالجوه النفس معتاقه
غاية منايه اذا جدتوا
بعدكم لي نار حراقه
ياخفيف الروح كيف انتوا
ياشفى قلبي من اعواقه