شفيقه وأحســان أفندى فى المصيـف

شفيقه وأحســان أفندى فى المصيـف


الجو حر الجو نار والصيف مولع الواحد
مبقاش يستحمل
شفقية: سونسون الجو نار الدنيا هتولع
احسان:نار هتولع انتى عندك طفاية حريق
طفى بيها وسيبينى اتفرج على الماتش يا مؤذيه
شفيقة:ماتش ايه يا عم انت ؟؟
وطفاية حريق ايه بقولك الجو حر مش العربية
بتولع
احسان: طيب يا شفيقة ما تقعدى فى التلاجة


ولاافتحى التكييف تتكيفى ولا انا اجيب
تكييفات وادفع دم قلبى وانتى تقولى الدنيا
حر او ادخلى الحارة اللى جاية على ايدك الشمال
هتلاقى طشتك وبانيوهك وميتك اقعدى
فى الطشت هتلاقى طراوة
شفيقة: انا اقصد ان الصيف جاى السنة دى
غير كل سنة
احسان: غير كل سنة ازاى يعنى؟؟
مش لابس بربطوص ولا مركب زلومة
شفيقة: ياه على تقل دمك وهزارك يا سونة
انا عايزة اطلع اصيف اروح اتفسح
احسان: تصيفى فين بقى ان شاء الله ما الهواء
هنا فى البلكونة يشرح القلب ولا انتى غاوية
شحططة ومرمطة؟؟
شفيقة: بلكونة ايه وبانيو ايه؟؟
انا عايزة اروح بورتو مارينا او بورتو السخنة
او ممكن لندن باغى يعنى حاجة كده تليق بمقامقى
احسان: مقامك؟؟
لا اذا كان على المقام فعندك الحسين او السيدة
قال بورتو...... قال ....ولندن يا خالتى ومالها
بلطيم وافغانستان وحشين؟؟
تروحى هناك تتجندى وترجعيلى تايبة


والنبى يا شيخة ابعدى عنى وشوفيلك
حتة تتهوى فيها
شفيقة:والنبى يا سونة نفسى اصيف وابلبط
فى البحر


تعالى نروح بورتو مش هتندم البت سفاقس
بنت خالتى راحت بورتو وبتقولى جنان تهوس
احسان:بذمتك فى حد يبقى اسم بنت خالته سفاقس!
ويروح بورتو؟؟
ده كبيرها الملاحات عموما اذا كانت تجنن
يبقى مفيش مانع اهو نرجع من هناك بفايدة
وندخلك سرايا المجانين


وارتاح من الزن واللت والعجن
شفيقة:اه بس فى حاجة كمان صغننة
رفيعة عريضة
احسان: ها يا واجعة معدتى ادينى تقلصات ادينى
شفيقة: عايزة اجيب مايوه بيقولوا هناك المايوه
هو الزى الرسمى يرضيك ابقى عره
وسط اهل بورتو؟؟
احسان: نعم ياختى....... مايوه وزى رسمى
طيب ومالها البدلة والبابيون دول عليكى
يليقوا اوى مع شنب كمان تبقى زى الفل
وسيبك من مارينا وروحى اقعدى على القهوة
شفيقة: يوووووووووووووووه .....
بطل بقى
احسان:بقولك ايه نسافر اه......
مايوه..... لالالالالا انا بس اللى البس مايوه ستات
دماغها مليانة كلام فاضى بطلى تتفرجى
على كليبات بوسى سمير
شفيقة:وفيها ايه يا سونة انا اقصد مايوه شرعى
احسان:اه..... اذا كان كده ماشى اصلى كنت
بحسبه عرفى وسافرنا صبرتوا ونولتوا المدينة الغناء
بورتو مارينا واحنا قاعدين على البلاج
شفيقة: احسان بتبص على ايه شايفة عينك رايحة
وجاية لما جتلها ميه بيضاء طيب حتى وقفها
فى الاشارات احسان يا شيخة طيب زمرى
قبل ما تتكلمى خضتينى انا ببص على
الايس كريم بالشيكولاته
شفيقة: بييييييييييييييييييييييييييييييييييييييييب
ادينى زمرت اهو


بقى بتبص على الايس كريم ولا الايس كريمــــــــــة؟؟
احسان: كريمة مين وبتاع مين يا شيخة انا بس
بتأمل بشوف ايه الجديد "فى سره"
والنعمة البت سفاقس بنت خالتك دى تستاهل
هدية اول مرة تدلنا على حاجة عدلة تلاقى
جوزها ابن المحظوظة هو اللى عرفها المكان
شفيقة: حاجة عدلة اللى هى ايه ؟؟
المايصين المدلعين اللى رايحين جايين على البلاج
يتاصعوا بالمايوهات الفسفورى



ولا ليهم ظابط ....ولا رابط
احسان: جرى ايه يا ست انتى هو انتى
من الحكومة ولا ايه؟؟
بقى ما صدقنا خلصنا منهم تطلعلنا انتى
يا ساتر عليكى ست من الحزب الوطنى المقرفاتى
النابراتى مين جاب سيرة الظباط
والعساكر دلوقتى؟؟
انتى هتخليها امن دوله ولا ايه خلينى امتع نظرى
شوية بالحاجات الحلوة قبل ما يروح عليا
وامسك عكاز وقعد يغنى انا بعشق البحر
وبعشق موززه كمان وحاسس انى تايه
وحيران ومبسوط ومش نعسان



وحاسس انى ندمان... وكنت كمان غلطان
لما اتجوزت زمان من نحمده اللى شبه
ابو قردان ويا عينى يا عينى يا سيدى
على النسوان
شفيقة: نعم بتقول ايه يا سى احسان حاجات
ايه اللى حلوة؟؟
احسان: ها... مابقولش انا اقصد الحاجات
الحلوة الكتير اللى قاعدة مرزوعة جنب
قفايا انتى يا بسبوسة قلبى .....
.يا قطايف عقلى


شفيقة: طيب حاسب يا سى رمضان لتلزقنى
بياميشك..... ااقصد بكلامك
احسان:بس تصدقى يا شفشق كان عندك
حق لما قلتى نيجى بورتو اهو تغيير برضوا بدل
المناظر بنت الكئيبة اللى بتعمينا هناك


وبنصتبح بيها كل يوم فى مصر والنعمة الواحد
يطلب نقله فى الشغل هنا تفتكرى يوافقوا
يا روحى ويقدروا ظروفى
شفيقة: وان شاء الله هتشتغل ايه ......
مبصبصاتى ولا معكساتى ولا هتشيلهم الشنط؟؟؟
احسان: وانا اطول بس قولى يارب


احم احم يا ستى ده انا سبعة صنايع والبخت
ضايع جنبك ده انا علشانهم وعلشان
مايوهاتهم اشتغل روم سيرفيس ارص شماسى
وكراسى على البلاج اشتغل دليفرى بيتزا


اى حاجة تخلينى لازق فى المزز اللى ترد النظر دى
شفيقة: مزز وترد النظر هو انا مش مالية عينك
ولا ايه؟؟
احسان: ماليه؟؟؟
ده انتى تملى تلاجة بحالها


مش عينى بس يابــــــــــــاى
الواحد مش عارف يتنفس ارحمينى بقى
وسيبينى اتمتع شوية واشم ريحة نضيفة بدل
ريحة المحشى وبابا غنوج وام اربعة وتمانين
شفيقة : تتمتع شوية..... وبابا غنوج شكلك
جوعت يا سونة وشكلى هاكلك طرب
بس من اللى هو عارفه؟؟
الطرب بالبونيه والبوكس والروسيات


احسان: روسيات ما تخليها طاليانات احسن
والطف يا روحى عليهم امـوه عاملين
زى السمك بيلعلطوا فى الميه اه يا اوحــــى...... يا اوحــى
شفيقة: جتك وجع اوحــك يا حياتى وفات
يوم والتانى وسونة مش مركز معايا قاعد لازق
على البلاج ولا اللى قاعد جوه كرتونة مش
عارف يخرج منها


عينه بتشرق وتغرب وراء المزز لحد ما فرسنى
ولا كانى هنا قعدت افكر واقول جبتيه لنفسك
يا بت يا شفشق استنى عليا يا مقصوفة الرقبة
يا سفاقس لما ارجعلك انا توقعينى الوقعة دى
وكان مالها بلطيم ولا القنطرة وحشين ولا وحشين؟؟
ده كان هناك الهواء مفيهوش نسمةبس على
الاقل بيقعد زى الألف ويشوفنى هناك
ولا مارلين مونورو اعمل ايه قعدت اقول
اصيف اصيف لما الراجل هيروح منى


وهتنشله بت بلطية ولا طاليانيه ولا روسيه
لابقى ما بدهاش لازم امخمخ وامشى من مارينا
بلا رجعة ومالها كوم الدكة اهى حلوة والمزز
هناك بالجلاليب ام سفره وحفى وبالعمه


وحاجة تشرح القلب وزى الفل هناك
يا دوبك يلحق يرجع مش يبص واحس هناك
انى ملكة جمال انطاكيا


لكن بــــــــــورتو
خلت البنات هناك تبورتو ....وتعنسوا.....
وتشيخوا كمان وبقيت كل يوم اروح افصل
الكهرباء من العمومى لما خلتها عتمة وضلمة لحد
ما سونة ما بقاش عارف يفرق بين الشورت
والجلابية ولا البانيو من البحر


شفيقة:سونة بقولك ايه يا حبيبى فى الظلام الدامس
ده احنا شكلنا مش هينفعلنا قعاد هنا لا شايفين
حاجة ولا عارفين حاجة الدنيا كحل واحنا
جايين نصيف ولا نتعمى؟؟ يلا بينا نرجع
احسان:شامم ريحتك فى الموضوع ده يا شفقة اخ
يانى اخ ....... يا فرحة ما تمت اصل هو كده
فى ناس فقرين عارفاهم يا حبيبتى؟؟


شفيقة: ولا تزعل نفسك يا نور عينى انا حجزتلك
اسبوع فى جمصة وحضرتلك برجرام انما
ايه يهوس وهتنبسط اوى
احسان:برجرام فى جمصة وعمالة تقولى لندن
وباغى قدامى..... قدامى ياختى


شفيقة: يا خويا بلا بورتو بلا فورتو


وقال على رأى المثل من خرج من
داره يتقل مقداره
انتظرونى مع شفيقة واحسان فى مغامره تانيه

هههههههههههههههههههههاى انتى تمرد مصيبه
جبتيهم منين دوووول هو فيه مايوه عرفى حاو اهو عرفنا حاجه
بجد روووووعه لاموضوع اهو ضحكنا قبل النوم منتظرين مغامرات اخرى
لشفيقه واحسان رؤؤؤؤؤعه تمرد

اقتباس:
المشاركة الأصلية كتبت بواسطة البرنس رامى
هههههههههههههههههههههاى انتى تمرد مصيبه
جبتيهم منين دوووول هو فيه مايوه عرفى حاو اهو عرفنا حاجه
بجد روووووعه لاموضوع اهو ضحكنا قبل النوم منتظرين مغامرات اخرى
لشفيقه واحسان رؤؤؤؤؤعه تمرد

هههههههه طول عمرى مصيبه ايه الجديد يعنى309:
يلا ادينا عرفناك حاجه ليك وللزمن
عيونى حاضر انت تؤمر بس اوعه تكون بتعمل كده فالمصيف :sm98::sm
نوووورتنى وربنا :sm

ههههههههههههههههههههه
صراحة احلى فرفشة
لاراحت شفيقة لندن علمينا عن اخبارها هههههه
تسلمي ياقمر

ههههههه
ضحكتيني والله ..أضحك الله سنك
مغامرة حلوة وشيقة
بوركت جهودك ع الفرفشة الرائعة
لقلبك السعادة

اقتباس:
المشاركة الأصلية كتبت بواسطة شموخ الكلمة
ههههههههههههههههههههه
صراحة احلى فرفشة
لاراحت شفيقة لندن علمينا عن اخبارها هههههه
تسلمي ياقمر

دوم ضحكتك شموخه
عيونى حاضر بس متهيالى بعد اللى حصل هتخاف توديه لندن
هناك المزز احلى واحلى :D
نورتينى حبيبتى

اقتباس:
المشاركة الأصلية كتبت بواسطة همس المطر
ههههههه
ضحكتيني والله ..أضحك الله سنك
مغامرة حلوة وشيقة
بوركت جهودك ع الفرفشة الرائعة
لقلبك السعادة

حبيبتى دووم ضحكاتك يا سكرة
الاحلى هو حضورك اللى بيخلينى مبسوطه دايما حبيبتى
نورتينى وربنا

تسلم الاياادي
ويعطيك الف عافية يارب
جهود ممتازة وحضور مذهل
لاعدمناك وعساك عالقوة
في انتظااااااارك ’’}

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي