موضوع:- بداياتي

طوينا قافنا يسهيل حانت ساعة التغيير...
نبي قافٍ جديد وقافيه نبغى نجربها,,,

توكلنا على الله طالبين العفو والتيسير....
وطلبنا جنة الفردوس في عالي مراتبها,,,

[frame="13 70"]

تـوكل بـالـذي انـزل تـبـارك وانـزل الـتـكوير
وروًح وابـدع الـفـكـره وبحـر الشعر مركبها
قضينا مـعـك سهره عامره بالفن والتصوير
وسجلنا حظـور ومـعـرفـة شرواك نكـسبها
سهــ محمد ــيل

[/frame]

هذه المرة في المسراح للبر في جو ماطر معك يا سهيل ولا بلا هذه الرحلة....

يا ما حلى المسراح والنور ما بان...

بعد المطر باقي ترى نقع ماها,,,

مطر حقاق وتالي الليل هتان...

رحله معك يسهيل والا بلاها,,,

[frame="13 70"]

ارحـب هـلا بـك عـد ماهل ودان
واعداد ما لاحـت بروق بسماها
نخـذ معـك يالعذب جوله بريضان
نجـد الـعـذيه ونـتـنـشـق هـواها
نحـدر ونـشـمل ثـم لديار الامزان
الطـايـف اللي غيـمها قد كساها
ومـن عقبها دار الجنوبي وجيزان
وتصـيـر رحـلـه عالـي ٍ مستـواها
سهــ محمد ــيل

[/frame]

لا جيتنا الطايف ذبحنا لك الضان...

كرامة لك عاليٍ مستواها,,,

واحلى فواكهها عنب تين رمان...

وهديّيتك ورد الهداء مع شفاها,,,

[frame="13 70"]

من طيب ساسك يالخوي فعلك يبان
ومـثل الـجـبـال الشـم يـذري ذراهـا
انتم عـطـايـكم مـثـل غـيـث الامـزان
عـلـى الــديــار اللــي تـنـثًـر بـمـاهـا
وانتم مصايفـكـم زهـت كـل الالـوان
بالـورد والـكـادي ونـفـحــة هــواهــا
سهــ محمد ــيل

[/frame]

الطيب ساسك والمراجل لك حصان...

ياللي كسبت المرجله من وراها,,,

عمر الصداقه ما تقدر بالاثمان...

عشرة عمر با بو سعد ما حلاها,,,

انته وانا ياسهيل اكثر من اخوان...

حب وغلى فالله هو مبتداها,,,

[frame="13 65"]

يـامـرحـبـا والشـعر معروف ديوان
ترحـيـبـة ٍ يــسـري بـعـيـد ٍ مـداهـا
للي بخيص ٍ بالشعر هو والاوزان
الـعـذب نــقــى درهــا وانـتـقـاهـا
حـزت الـمـراجـل بالفعايل كحيلان
يمناك كـم عاشت اسـر مـن وراها
مـقـدام لا صار الوطـى عـج دخـان
حكمه ورايـك يالسنافـي سـنـاها
انا اشهـد انك من كريمين الايمان
يشهـد لـكـم تاريـخ نـجـد وعطاها
سهــ محمد ــيل

[/frame]

لا جيت للطايف توجه لسمنان...
ماهو بعيد من المدينه وراها,,,
برّي كثير الطلح وادي وضلعان...
طير القميّري والحجل في خلاها,,,
خلك حريص بعالي الضلع وبران...
احرص تري يتعب لها من بغاها,,,

[frame="13 65"]

بـرتـب العزبه على الشاص زومان
واسـري واخـايل نـجـم لـيـل يتباها
مـن ديـرة معزي الى غرب الاوطان
يـم الحـجـاز اللـي غلـبـنـي هـواها
ديــره لــهــا مـكـانـة ٍ عـبـر الازمـان
فـقـلـوب كـل اللـي يـذوقـون مـاها
وليا استقام الخط والضلع لـي بان
بنحر تـرى وادي النـمـل مـن قراها
بـرجــع الـذكــر ى ورى يـم وقــدان
واسـتـرجــع بديوي على كل رباها
واجر صوتي واصدح بعذب الالحان
الين شـمـس الصبح ترسل ضياها
سهــ محمد ــيل

[/frame]