موضوع:- بداياتي

حابس طول صوته في لضى الهمهمه
عـزتيله الا صـــارت هـروجـه ســـكات

يـادفـا الروح اجهـدني عنـى المـلمـه
اجمعــك بوح تنـثرني بروض الشـتات

سالم العثمان

فقدتكْ يا بدايات المحبة وأطهرْ الغيماتْ
وكرهتْ الحال بغيابك وقلبي ملّ نبضاتهْ

حبيبي قبل ما أودّعْ طيوفك وأسرجْ الخطواتْ
بغيتكْ تسمعْ القلب الحزين وتحفظْ أوصاتهْ

فديتكْ تكسر أُنُوف الظروف وتقتلْ الغيباتْ
وتفتحْ باب وصلك والفراق تشقّ صفحاتهْ


سراب الشعر

سحايب الغيث من حجرك تزيل الكدر
هـل العباير على ما فيك خـله يزول

الحــزن و الضيق يوجـع ما يرد القــدر
العمر يقضي وعمر الحزن فينا يطول

فخل المدامع تشادي فيك ضوح البدر
يفضح دجى اليل تتبسم لضيه هجول


سالم العثمان

صدر الحيـاة أصبـح علـى هيئـة أكفـان
والـنـاس تـدفـن حلمـهـا فـــي غضـبـهـا

عنـدي قناعـة جرحنـا لبعضـنـا إدمــان
ونـفـوسـنــا نـــــارن تــزايـــد لـهـبــهــا

الطّيبة أضحت ضعف والجرح غفران
وكــلّ المـشـاكـل طيـبـنـا هـــو سبـبـهـا

الـسـمّ فـيـنـا محـتـضـن قـلــب ولـســان
عـكـس العـقـارب سـمّـهـا فـــي ذنـبـهـا

//

سراب الشعر

ياكوكب الشرق غني لي
مادام انا ساهر ما نـام

والا بغنـي مواويلـي
واصحى والمسلمين نيـام

ابسالك يازين مايوم زارك ؟ لفح الثواني في جبيني وانا انطرك
والا بعد مايوم جال بمدارك !!احساس مشتاق على لمت ايديك

كل التساول بي ولو كنت هالك يرجي بشاير اعذب الغيث ماطرك
زاد انهمار التوق غيبة هلالك ومن عيني الي بزرق الدمع تدعيك

سالم العثمان

وشلون أبـا أنسـى صوتـه ليـا تكلّـمّ
وأنسى السهر والفضفضة والكتابـه

وأنسـى حديـث عيـونـه لـيـا تبـسّـمّ
وأسلـوبـه*وخـوفـه*وروعــة*عتـابـه

وأنسى الدفاء والبرد والصدر والضمّ
والليل الأسـود فـوق متـن السحابـه

وأنسى العيون و رسمة الكحل والفمّ
والشمـع والسلسـال و أغلـى ثيـابـه

كل الحكايه : جيت في خاطري شوق
أقول للاحباب يسعد مساكم

واصل الحكايه : حرف يملكني بذوق
لو غبت عنكم ظل قلبي معاكم

سالم العثمان

اعتذر للصمت في شح الحروف
واعذر حروفي ا ذا ماتت غرق

من عني الزفرات لاقامت تطوف
وسط جوفي نار وضلوعي ورق

سالم العثمان

ضحكاتها للقلب همسة و بخشيش
يطيب منها من شكى الضيم و البأس

وعيون سودا وناعسة والهدب جيش
و جفون كسلانة و حجّانها أقواس

درّة حلا دانة سحر فتنة و طيش
الزين كاسيها من الرأس للساس

لعطورها مفعول صاروخ تحشيش
و الملح و السكّر بها صعب ينقاس