الوجع ميتحسبش بقولة أي
الوجع سنين كتير فيها ميت
ويقولوا حي
الوجع لما توزع الف ضحكه
علي الخلايق في الدقيقه
والحقيقه
كل ضحكه طالعه بدمها
من ضلوعك
والجرح مغصوب عليه
وياريته طوعك
ولما تسأل اي حد
الجرح ليه
يقول اختيارك
وانت سيد قرارك
انت اللي مشيت طريقك
وما اخترتش رجوعك
وفضلت وسط ليلك
تنادي النجوم
تنورلك في الدرب ضي
الوجع
الوجع ميتحسبش بقولة أي
الوجع سنين كتير فيها ميت
ويقولوا حي
التوهه عمرها ما كانت في سكه
التوهه في حياتك بتبان في شكه
ابره بتاخدها في الوريد
وبتسري في دمك
بتعالج كل ضحكه فيك بهمك
وتبينلك قد ايه مهتمه بعلاجك
من جروحك
وهي بتسرق واحده واحده
في كل روحك
التوهه سنين متغربين
فرحك ونوحك
ولما توصل نهاية الطريق
تلاقي البدايه دمعه نازله
لما تبص لاخر طريقك تلاقيه اوله
ودايره حياتك زي ساقيه
ولا في ايدك تبدل طريقك ولا تحوله
ولا قادر حتي تكمله او تهمله
ولا حد يواسيك في التوهه
غير دموعك
وكل دمعه لخدك صاحب جدع
الوجع
الوجع ميتحسبش بقولة اي
الوجع لما ساقية حياتك
متطلعش اي مي
أبدعت,,,,,
,,,,,,,وتألقت
سلمت لنا اناملك على كل حرف خطته,,,
,,,,,,على كل كلمة رسمتها
عذرا,, لتقبل عباراتي المتواضعة,,,
فلم اجد الحروف التي تليق بسمو قلمك ,,
,,,,التي قد تلملم ردا يناسب روعة ما قدمته
أسلوب رقيق ورائع وشفاف ومعبر باعلى درجة تعلم اخي العزيز انني لاأمل عندما الج موضوعك واتصفحه بشغف كبير وأعيش بين أحضان كلماتك.. عبرت عن مشاعر الكثير بكل رقة.. تحية قلبية من الاعماق ابعثها لك..