| ~{فعاليات منتديات وهج الذكرى}~ | |
|
|
|
|
|
|||||||
| ❦ وهـج القصص والخيال ❦ ❧ لكل ما يروق لنا من قصص او خاطرة |
 |
|
|
|
أدوات الموضوع | انواع عرض الموضوع |
10-28-2013
|
#11 | |
بنت النيل
|
لبنى:- انا عاوزة اعمل زيك كلامك عجبنى خالص ادعيلى ربنا يهدينى
شلبية:- ربنا يهديكى لبنى:-تنزلى معايا دلوقتى اشترى خمار زيك؟ شلبية:- انتى متاكدة من اللى بتقولية يا لبنى؟ لبنى:- ايوة متاكدة ها؟ شلبية:- ماشى عدى عليه لسه بدرى الساعة 6 لبنى:- طيب خلاص هاعدى عليكى وفى الطريق لبنى:- انا هبطل اغانى وافلام زيك وهصلى شلبية:- جدعة يا لبنى وانا هارن عليكى واصحيكى فى الفجر ان شاء الله لبنى:- ادينى حلقات زى اللى سمعتيها شلبية:- ادخلى موقع الطريق الى الله واختارى الصوتيات او المرئيات وهتلاقى حلقات كتير لمشايخ كتير نقى براحتك لبنى:- ماشى وبعد لف ساعتين اشتروا عباية واسعة وخمار شبه بتاع شلبية وفى الليل الساعة 12 اتصلت لبنى بشلبية شلبية:- سلام عليكم ها قالولك ايه فى البيت لبنى:- وعليكم السلام محدش قالى حاجة المهم انا مسافرة بكرا بالليل شلبية:- ليه رايحة فين ؟ لبنى:-واحدة قريبتنا ماتت وماما مسافرة تعزى فيها وهتاخدنى معاها وهاغيب اسبوع شلبية:- البقاء لله وتيجى بالسلامة هتوحشينى لبنى:- هابقى معاكى على طول بالموبايل والنت شلبية:- ماشى لبنى:- صحيح عاوزة احكى لك على حاجة شلبية:- قولى لبنى:- عارفة نادر معانا فى الدفعة هو شلبية:- اها عارفة لبنى:- بصى عملت لى فريند ريكوست وانا ضفتة عادى شلبية:- لا يا لبنى مش يصح دا لا يجوز لبنى:- ليه يا عم انا مش هاكلمة ولا هاعمل حاجة متخافيش بصى هاروح ارتب شنطتى علشان السفر انا جاية الكية بكرا يلا سلام وتانى يوم الصبح فى الكلية دخلت لبنى مع شلبية سوا دخلوا على شلتهم وقبل ما يقولوا السلام عليكم عدلات صوتت عدلات:- يا خرااااااااااااااااااااااااااااااااااااااااااااابى لحستى مخ البت يا شلبية وضحكتى عليها ؟؟ ايه يا بت يا لبنى الخيمة اللى انتى لابسها دى شكلك بقى عامل زى اللى عندها 50 سنة شكلك بقى كبير فى السن ومين دا اللى هيبص لك وانتى عاملة زى الخيمة كدا شلبية:- ايه الكلام دا كلة غلط فى غلط لبنى:- هو انا شكلى وحش؟! عدلات :- ايوا وحشة طبعا لابسة خيمة هتكونى قمر مثلا؟! لبنى:- عموما انا جاية اسلم عليكوا انا مسافرة ولازم امشى علشان الحق اظبط امورى سلام وسافرت لبنى وفضلت على اتصال باصحابها وكل ما تتصل بشلبية تكلمها عن الثبات وعن ربنا وكل ما تكلم الشلة يتريقوا عليها وعلى لبسها وعلى انها تابت ومش هتسمع اغانى ولا افلام وفضلت فى صراع وبعد 4 ايام من السفر اتصلت بشلبية شلبية:- اذيك يا لبنى لبنى:- الحمد لله انا عوزاكى شلبية:- خير ان شاء الله لبنى:- احم احم بصى نادر قال لى انه بيحبنى وعاوز يتجوزنى شلبية:- نعم؟ قالك فين؟ لبنى:- على النت فى ماسج وبعدين على الموبايل شلبية:- نعم نعم ازاى بقى لبنى:- انا هاجكيلك بالتفصيل بصى هو كان بيبعت لى ماسجات بيقولى انه معجب بيه وان عاجبة فية كذا وكذا وكذا وبعديين كان بيحكى لى على حاجات مضيقاة وكمان لما كنت بضايق كنت بحكى لة وبعدن اخد رقمى علشان لو احتجت حاجة وبعدين قالى انه بيحبنى وعاوز يتجوزنى بس لما نخلص كلية ويشتغل بقى شلبية:- يا بنتى اللى يحبك بجد وعاوزك فعلا يدخل من باب البيت مش ينط من الشباك يروح يكلم اهلك لبنى:- ما هو قصدة كدا بس مش هينفع دلوقتى شلبية:- اما انه يكلم اهلك وحتى تتخطبوا والا يبعد عنك وميكلمكيش لبنى:- ليه يبعد عنى هو بيحبنى وانا كمان وهنتجوز ان شاء الله لما الظروف تسمح شلبية:- وهو انتى تسلية يتسلى بيكى ومعاكى لغاية ما الظروف تسمح وبعدين انتى ضامنة النصيب يمكن ربنا مش كاتبة ليكى ولا لما الظروف تسمح زى ما بتقولى اهلكوا ميتفقوش ولا تحصل اى حاجة تمنع الموضوع لبنى:- انتى هتفقرى فيها ليه دا انا فرحانة بتسدى نفسى ليه شلبية:- انا بفوقك ... الكلام دا كلة حرام وانتى بتخونى جوزك الللى انتى مش عارفة هيكون مين لانك بتسمعى بحبك من حد غيرة وبتكلمى حد غيرة وكمان لازم تعفى نفسك وتحفظى سمعك وبصرك يا حبيبتى اصبرى ومن ترك شئ لله عوضة الله خير منه ........... سبيه لله وربنا لو كاتبة ليكى هايجى لك ولو مش ليكى خلاص احكيلك قصة؟ لبنى:- احكى شلبية:- كان فية 2 اصحاب ولد وبنت 6 سنين قصة حب وبعدين الولد تاب فقرر ترك البنت وقال لها انا تبت ودا حرام وسابها وطبعا كان بيتقطع دى 6 سنين حب وصداقة ولكن حب الله كان اعظم فى قلبة وكان بيعيش فى الم ومعاناه وتعب لا يعلمة الا الله تعالى وبعد سنة تقريبا قرر انة يتجوز علشان يحاول ينسى او يعوض الالم وقال لامة شوفى لى عروسة قالت له فيه ناس سكنه جديد فى الشارع وعندهم بنت منتقبة ومعلمة قران قالها ماشى نروح نشوفها وفى الرؤية الشرعية خرجت البنت ليراها الخاطب وكانت المفاجاة انها نفس الفتاة التى كان يحبها وتركها لله عندما تركها قررت ان تتوب هى الاخرى وانتقبت وحفظت القران فى8 شهور واصبحت معلمة قران وتزوجها وعاشا اجمل قصة حب بعد زواجهما هو تركها لله فاعادها الله له خير مما كانت لبنى:- امممممممممممم ماشى هاشوف يلا سلام دلوقتى ياترى لبنى هتسيب نادر؟ هضحى لله؟ هتختار مين؟ ويا ترى هتعمل ايه مع اصحابها هتثبت ولا ايه دا اللى هنعرفة الحلقة القادمة فانتظرونا |
|
|
|
10-28-2013
|
#12 | |
|
بنت النيل
|
بعد ما انهت شلبية مكالمتها الاخيرة مع لبنى أنقطع الاتصال بلبنى 3 ايام
هى لم تتصل بشلبية وشلبية كانت مشغولة وكل مرة تحاول الاتصال بها يكن هاتفها مغلق بسمة فى منزلها فى الليل الساعة ال12 صباحا النور مطفى والسجادة مفروشة وواقفة تصلى ثم جلست بعد الصلاة تناجى ربها قائلة يارب جئتك أناجيك يارب لا يعلم همى وحزنى وكربى الا انت وحدك لا صديق يسمعنى ولا قريب يعلم ما بى اصدقائى حولى واقربائى بجانبى ولكنى لا ابوح لاحد سواك خصصتك بسرى وشكوت اليك وحدك همى وحزنى إنما أشكوا بثى وحزنى اليك وحدك أبوح بهمومى لك واحكى لك وأفضفض معك وحدك من دون البشر يارب ضاقت على نفسى وضاقت على الارض بما رحبت وظننت انه لا منجا ولا ملجأ منك الا اليك يارب يا عالم بحالى وعالم بنفسى وقلبى وعالم سرى ونجواى وتسمعنى وترانى يارب اشكوا اليك ضعف قوتى وقلة حيلتى وهوانى على الناس انت رب المستضعفين وانت ربى الى من تكلنى الى غريب يتجهمنى ام الى عدو ملكته امرى اعوذ بنور وجهك الذى اشرقت عليه الظلمات وصلح عليه امر الدنيا والاخرة من ان يحل بى غضبك لك العتبى حتى ترضى ولا حول ولا قوة الا بك يارب انا ضعيفة جدا ولا اقوى على شئ انت ربى اسألك بضعفى وفقرى وذلى وعجزى وانكسارى وحاجتى وأسألك بقوتك وعزتك وقدرتك وغناك ورحمتك وعوفك وكرمك يارب ليس لى عمل صالح ادعوك به لا اجد عمل صالح ادعوك به يارب انى ادعوك بفقرى اليك وحاجتى اليك وذلى لك وانكسارى بين يديك يارب وحدك من تعلم حاجتى وتملكها يارب اعلم انك على كل شئ قدير وانك اذا قلت للشئ كن فيكون يارب ارحم عبد ضعيف يطرق الباب يارب ايها العزيز ايها الرحيم الغفور الكريم مسنى الضر وجئتك ببضاعة مزاجة (ذنوبى واعمالى) يارب لا اله الا انت سبحانك انى كنت من الظالمين رب انى مسنى الضر وانت ارحم الراحمين رب انى لما انزلت الى من خير فقير يارب اشكو اليك المى وتعبى يارب وحدك وحدك من يعلم بى خصصتك وحدك ولم احكى لاحد اريد ان اكون فقط اشكوا اليك واناجيك انما اشكوا بثى وحزنى اليك ها انا يارب انتظر فرجك ارجوك يارب ان تسامحنى وتغفر لى يارب فرج كربى وازل همى واسعد قلبى واغفر نوبى يارب رحمتك يارب يارب يا من ليس لى سواه فى الدنيا كن معى ولا تتركنى ابدا يااااااااااااااااااارب وكانت تدعو وتناجى ودموعها تغرق سجادتها والحزن بملئ قلبها والالم يمزق قلبها والهم يقطعها ولكن لا تبوح لاحد ولا تقص على احد لقد اختارت ان تكلم الله فقط وعلى الجانب الاخر عدلات واصحابها يحضرون لخطوبة عدلات(ليلى) التى بقى عليها اسبوع عدلات:- انا خلصت تظبيط الفستان واخترت تسريحة الشعر والميكب وكل حاجة فتكات:- وانا حجزت فستان سوارية علشان احضر بيه عدلات:- مين منكم اللى هتبقى معايا فى الكوافير من الصبح ؟ فتكات:- انا سعدات:- وانا حسنات:- انا هاجى على الكوافير بعد لما تخلصى عدلات:- اسكتوا مش لبنى مامتها اشترت لها عربية جديدة وهتيجى بيها الخطوبة فتكات:- اها وصحيح اخبار نادر ايه؟ عدلات:- قال ايه يا اختى لبنى الهبلة قالت له ان دا حرام ولازم نسيب بعض وقفلت موبايلها ومبقتش بتكلمة الواد اتصل بيه وقالى روحت انا كلمتها وعدلت دماغها اللى بوظتها شلبية المفترية والحمد لله لحقتها قبل ما تبوظ الدنيا وخلاص كلمتة تانى فتكات:- وهتقلع البتاع اللى لبستة دا ولا لسة عدلات:- يا عم ان مقلعتهوش النهاردة هتخلعة بكرا هى اول ما هترجع من السفر وتشوفة فى الكلية ويشوفها هتتكسف من منظرها بالخيمة دى وهتقلعها وتلبس لبسها الاولانى علشان تبقى حلوة وتعجب وبكرا تشوفوا لبنى اتصلت بشلبية شلبية:- سلام عليكم فينك لبنى:- معلش مشغولة شوية انا راجعة من السفر بكرا الصبح فى الكلية ان شاء الله شلبية:- تيجى بالسلامة لبنى:- اسكتى مش ماما جابت لى عربية جديدة بس ايه تحفة شلبية:- مبروووووووك لبنى:- هاجى بيها الكلية بكرا يلا انا هاروح اظبط شنطتى سلام شلبية:- سلام يا ترى لبنى هتقلع الخمار فعلا؟ يا ترى هترجع تانى؟ يا ترى ايه اللى هيحصل دا اللى هنعرفة الحلقة الجاية بان الله تعالى فانتظرونا |
|
|
|
|
10-28-2013
|
#13 | |
|
بنت النيل
|
يوم السبت الصبح لبنى وصلت البيت ورجعت من السفر
كلمت عدلات فى الموبايل لبنى:- سلام عليكم عدلات:- وعليكم اذيك يا بت يا لبنى حمد لله على سلامتك لبنى:- الله يسلمك انا لسة واصلة اشوفك بكرا ان شاء الله فى الكلية دا انا كنت ناسية ان السبت اجازة وكنت فاكرة انى نازلة الكلية النهاردة :)) عدلات:- ايوا يا اختى اللى واخد عقلك لبنى:- :))))))))))) عدلات:- جهزتى طقم تلبسية بكرا مع العربية الجديدة؟ لبنى:- هو الطقم الاخير اللى جبتة عدلات:- الخيمة دى :)) بتهزرى لبنى:- دا خمار وعباية واسعة مش خيمة عدلات:- يا فرحتى بيكى وان شاء الله نادر بكرا هيشوفك بالخيمة دى؟ انتى بتستهبلى اكيد يا بنتى هترمى لبسك كلة وتسيبى كل بنطلوناتك وبديهاتك واللبس اللى على اخر موضة ومكياجاتك وكل اللى بيحليكى ويزينك وترمية وتلبسى دا براحتك بس لو نادر طفش متزعليش وبعدين هتكونى اجمل بنت فى عينة ازاى وحواليكى اللى بيلبسوا ويتمكيجوا وانتى مدفونة يا خيبة لبنى:- بس اسكتى متقوليش كدا حرام وبعدين المهم رضا ربنا عدلات:- هبلة لبنى:- ربنا يسامحك عدلات:- روحى شوقى حالك يلا سلام وقفلت لبنى السكة مع عدلات وقعدت مع نفسها لبنى:- اممممممممممممممممممم صحيح هاقابل نادر بكرا ازاى؟ وبعدين اللبس دا مش هيعجبة وهيحس انى كبيرة فى السن ايوة عدلات قالت انه مكبرنى وبعدين مش هيشوفنى حلوة امممممممممممممممممم طيب والتوبة اللى توبتها امممممممممممممم ما انا كدا كدا اصلا بعمل ذنب وبكلم نادر مش هتفرق بقى خلاص انا بوظت التوبة بتعتى يعنى خلاص امممممممممممممم ربنا هيزعل منى اممممممممممممممم بس خلاص انا عصيته اصلا امممممممم خلاص هابقى اتوب بعد ما نتجوز انا ونادر وهالبس نقاب كمان مش خمار وبعد لما نتجوز هتوب ومش هاعمل ولا ذنب تانى خالص ايوا ايوا خلاص كدا كويس هاتوب بعد ما اتجوز اقوم اطلع الطقم وفى الصبح لبست مينى جيب فوق الركبه وتحتها بنطلون استرتش ضيق جدا مثل الشراب وبدى كرينا وبيلىروا وطرحة اسبانش وميكب طحن وبرفان وكعب عالى جدا ونزلت ركبت عربيتها الجديدة ونزلت الكلية عدلات:- حبيبة قلبى لبنى اهى دى لبنى حبيبتى الحمد لله رجعتى لعقلك لبنى:- لا انا هاتوب تانى بس بعد ما اتجوز حسنات:- ايه الحلاوة دى ايه القمر دا مش عارف بتجيبى الحلاوة دى منين فتكات:- ايه ياعم هما كل اللى بيسافروا بيحلوا كدا ولا ايه لبنى:- :)) أخجلتم تواضعى :)))) وهما واقفيين دخل نادر نادر:- سلام عليكم ايكم يا بنات اذيك يا لبنى عدلات:- كويسين الحمد لله طيب يلا بينا يا بنات احنا سلام نادر:- ايه دا يا لبنى لبنى:- مرسي نادر:- ايه دا عربيتك دى؟ لبنى:- اه لسة ماما شريهالى نادر:- مبرووووووووووك عليكى لبنى:- الله يبارك فيك نادر:- اخبارك ايه وحشتينى جدا لبنى:- كويسة الحمد لله وانا كمان وصلت شلبية لتجد الصدمة لبنى خلعت الخمار ولبست كدا وكمان واقفة مع نادر كانت مفاجاة وصدمة شديدة يا ترى شلبية هتعمل ايه؟ وايه اللى هيحصل دا اللى هنعرفة فى الحلقة القادمة باذن الله فانتظرونا |
|
|
|
|
10-28-2013
|
#14 | |
|
بنت النيل
|
شلبية نادت على لبنى
شلبية:- ايه اللى بيحصل دا لبنى:- مفيش اذيك ولا وحشتينى؟ شلبية:- لا مفيش ايه اللى انتى عملتية دا؟ لبنى:- شلبية على فكرة انا هاتوب متخافيش والله هاتوب وهالبس نقاب ومش هاسمع اغانى ولا اى حاجة بعد ما نتجوز انا ونادر شلبية:- يا سلام وانتى ضامنة عمرك بقى وضامنة تعيشى لغاية اليوم دا ولو عشتى ضامنة انك هتكونى عاوزة توبى وقادرة تتوبى وبعدين عييب قوى انك تقولى لربنا انك هتوبى بعد كذا وكذا دى قلة ادب مع الله لبنى:- ليه بس ان شاء الله هاعيش وهتجوز نادر وهاتوب وهتشوفى اصل دلوقتى مينفعش لانى مش هاقدر اسيبة ولا ابعد عنه ومش ينفع البس اللى كنت لابسه لانى كدا بسئ للبس دا وغير كدا انا بعمل ذنب ومبوظة التوبة وكمان لازم اكون احلى واحدة فى عيونة شلبية:- تعصى ربنا علشان مخلوق تسيبى طاعة ربنا علشان واحد هو اغلى عندك من ربنا؟ لبنى:- لالالالالالالالالالالالا شلبية:- فين الدليل ما انتى اهو خلعتى حجابك علشانه يعنى اخترتى رضاه هو على رضى ربنا واخترتى حبه على حب ربنا فين بقى دليلك انه اغلى عندك من ربنا لبنى:- امممممممم انتى .gif "زعلان") ة منى ومش هتكلمينى تانى؟شلبية: يا لبنى مش كدا انا اختى وحبيبتى وانا خايفة عليكى انتى بترخصى نفسك وعمر السعادة ما هتكون فى طريق غير طريق ربنا لبنى:- متخافيش عليه بكرا اتوب يا ستى معلش لازم امشى لانى سايبة نادر واقف لوحدة متزعليش سلام واصبح لبس لبنى اسوأ مما كان عليه وعادت الى الاغانى اكثر من الاول والى الافلام اكثر من الاول ومرت الايام وجاء يوم حفلة خطوبة عدلات وفى هذا اليوم ستحدث الكثير والكثير من المفاجأة الغير متوقعة ستتفجر قنابل المفاجأت فى هذا اليوم لا تتركوا الحلقة القادمة تفوتكم انها حلقة ساااااااااااااااااااااااااااااااااخنة جدا وبها العديد من الفاجأت انتظرونا |
|
|
|
|
10-28-2013
|
#15 | |
|
بنت النيل
|
يوم حفلة خطوبة عدلات
لبنى مسكت الموبايل واتصلت بنادر علشان يروح معاها الخطوبة بتاعت صحبتها لبنى:- الو ايوة انا نازلة اهو ومعايا العربية هتكون فين؟ نادر:- عند المحطة لبنى:- اوك يلا سلام انا لسة فى البيت نادر:- ماشى سلام لبنى اتصلت بفتكات لبنى:- الو انا نازلة دلوقتى ومعايا العربية هاعدى على نادر وهانيجى ليكم ع الكوافير فتكات:- ايوا يا عم الله يسهلك لابستى ايه يا عفريتة؟ لبنى:- لبست الفستان السوارية الروز والبدى الفاتح بتاعة وعملت الطرحة اسبانش بس تحفة ومنزلة قصة كدا من قدام فتكات:- طرحة واحدة؟! لبنى:- لا يا عم طرح صغيرة بتلمع ومن فوق الطرحة الروز لفتها زى الكوافيرة لما بتلف طرحة العروسة بالظبط فتكات:- اموت واشوفك لبنى:- وعملت حتة ميكب ولا اجدع كوافيرة انتوا لو شوفتونى هتتهبلوا وهتقولوا انى انا العروسة مش عدلات فتكات :- يا بت مش الفتسان الروز دا مفتوح من الجنب؟ ليلى:- ايون هوا ولبست شراب بيلمع وحتة صتدل بحتة كعب والله قمر قمر فتكات :- ماشى يا عم يعنى الواد اول ما هيشوفكك هيموت على طول ويروح يخطبك لبنى:- يلا بقى لما اجى هتشوفونىسلام نزلت لبنى وركبت العربية (عربية اخر موديل بتلمع جديدة ) وشغلت الكاست عالى جدا مشغلة اغانى وعمالة تدندن معاها وتغنى وفجأة وهى فى الطريق.........ومش واخد بالها...............جت عربية نقل كبيرة محملة بضايع جت بعرض الطريق قدامى................حاولت تفرم علشان تتفادها لكن لا جدوى أصتدمت العربية بالمقطورة النقل.................والناس اتلمت وحاولوا يخرجوا لبنى من العربية علشان ينقذوها.................وجت الاسعاف.......وفى هذا الوقت قلق نادر على لبنى لانها تاخرت فاتصل عليها الموبايل بتاعها من شدة صدمة السياراتين طار برا العربية ووقع فى الشارع اخدة احد الناس ورد مسرعا ..وقال الحق صاحبة التلفون دا عملت حادثة ووصف له المكان وكان قريبا جدا اسرع نادر وطلع يجرى علشان يلحق لبنى كان المسعفين والناس بيحاولوا يفتحوا العربية عليها وصل نادر ليخرج لبنى من العربية ليراها غارقة فى دمائها وقد تلون مكياجها الى الاحمر وتلون فستانها الى الاحمر اخرجها من السيارة وكانت مازالت على قيد الحياة فتحت عينها ونظرت اليه وقالت بصوت متقطع باهت ضعيف "نادر قولة يسامحنى" نادر مش هو دا الطريق الصح انا خايفة اقابلة" وفجأة أغمضتت عيناها وسكتت أنزعج نادر جدا وحاول ان يكلمها ان يهزها ولكن للاسف لقد خرجت روحها ماتت ماتت لبنى نادر:- (منهار يبكى) لا يا لبنى متموتيش لالالالالالالالالالالالالالالا نادر(قام اتصل باصحابها) وتم نقل لبنى الى المستشفى حتى ياتى اهلها ويستلمونها وصل اصحابها الى المستشفى ولسة معرفوش انها ماتت يا ترى نادر هيقولهم ازاى انها ماتت وازاى هتستقبل صحباتها خبر موتها ويا ترى هيشوفوا منظرها وهى ميتة؟ دا اللى هنعرفة الحلقة القادمة باذن الله |
|
|
|
|
10-28-2013
|
#16 | |
|
بنت النيل
|
وصل اصحابها للمستشقى حتى ليلى(عدلات) العروسة قد تركت نهاية حفل
خطوبتها ووصلت لترى ما حل بلبنى فقد كانت لبنى احب صديقة الى الجميع عدلات:- ايه يا نادر مالها لبنى؟ ايه جابها المستشفى نادر:- عملت حادثة بالعربية شلبية:- هى كويسة؟! نادر:- بكى وقال لبنى .................. لبنى............. ماتت شلبية تسقط فى الارض على ركبتيها (وكانت بسمة معها) شلبية:- لا لا لا (وانفجار بكاء فظيع ) لا يا لبنى لالالالالا لا وتصرخ صراخ يمزق القلب وتجرى شلبية لتفتح باب الغرفة الى وضعت فية لبنى ويدخل معها كل اصحابها ونادر ترى شلبية منظر لبنى وهى ميتة غارقة فى دمائها مكسر عظامها وقد أختلط رائحة برفانها بدمائها واختلط مكياجها بدمائها نظرت ثم ظلت تصرخ وتصرخ وتبكى وتقول لييييييييييييييييييييييييييييييييييييييييييييييييي يه ليه يا لبنى ليه لية رجعتى للطريق دا ليه يا لبنى عصيتة لية ترجعى بعد ما تبتى لية ليييييييييييييييييييييييييييييييييييييييييية حراااااااااااااااااااااااااااااااااام عليكى طيب قومى توبى وبعدين موتى لالالالالالالالالالالالالالالالالالالالالالالالالا لالالالالالالالالا لا متموتيش كدا متموتيش على الوضع دا لالالالالا يا لبنى ردى عليى يا لبنى اسمعينى يا لبنى روحتى منى اااااااااااااااااااااااااااااااااااااااااااااااااا اااااااااااااااااااه وتصرخ وتجلس فى الارض حاولت بسمة ان تهدئها بسمة:- انا لله وانا اليه راجعون وفجأة تسقط عدلات مغمى عليها من هول الصدمة ومنظر لبنى ويتم نقل عدلات الى المستشفى وتصاب بانهيار نفسى شلبية مازالت جالسة بجوار لبنى شلبية:- يا لبنى انتى كنتى اعز اصدقائى يا لبنى انتى ارق صديقة يا لبنى محبكيش تموتى كداااااااااااااااااااااااااااااا قووووووووووووووووووووومى قومى ارجعى لربنا وتوبى وبعدين موتى تانى يا لبنى اسمعينى يا لبنى لاااااااااااااااااااااااااااااااا بسمة اشفقت على شلبية وحاولت ان تقومها من الارض وتخرجها وتاخذها للمنزل ولكنها فشلت بسمة:- حبيبتى ربنا يغفر لها ويرحمها استعينى بالله انا اليه راجعون \ كل من عليها فان \ شلبية:- (فى نبرات الالم والحزن والانهيار) هى خلاص ماتت! يعنى مينفعش ترجع تانى! خلاص رااااااااااااااااااااااحت! اااااااااااااااااااااااااااااااااااااااااه (صراخ وبكاء) يارب ارحمها يارب اغفر لها يارب وبعد مرور يوم من وفاة لبنى شلبية تحبس نفسها فى غرفتها وتبكى ليل نهار ولا تاكل ولا تشرب وقافلة موبيلاتها ومش بتقابل اى حد عدلات فى المستشفى اصيبت بانهيار نفسى جامد بسمة حاولت تزور شلبية لكن شلبية لا تفتح باب غرفتها لاى حد يا ترى ايه اللى هيحصل لشلبية وياترى امها هتعمل ايه وياترى بسمة هتقدر تنقذها دا اللى هنعرفة الحلقة القادمة باذن الله فانتظرونا |
|
|
|
|
10-28-2013
|
#17 | |
|
بنت النيل
|
شلبية تحبس نفسها فى غرفتها وتبكى ليل نهار ولا تاكل ولا تشرب
وقافلة موبيلاتها ومش بتقابل اى حد بسمة حاولت تزور شلبية لكن شلبية لا تفتح باب غرفتها لاى حد وبعد 3 ايام اتصلت ام شلبية ببسمة الام:- يا بسمة يا بنتى ابوس ايدك تعالى كلمى بنتى شاهيناز البت قافلة على نفسها 3 ايام لا اكل ولا شرب وعياط ليل نهار انتى الوحيدة اللى هتعرفى تهديها تعالى وانا هاكسر لك باب الاوضة بتاعها وادخلك تكلميها ابوس ايدك بنتى هتموت منى بسمة:- انا هاكون عندكم بعد 5دقايق بالظبط ان شاء الله توصل بسمة وتفتح لها الام ويكسورا باب الاوضة على شلبية ليجدوها جالسة تبكى متنحة لا تتكلم بسمة:- لكل اجل كتاب وكل من عليها فان مات ابراهيم ابن حبيبك النبى صلى الله عليه وسلم وقال ان العين لتدمع وان القلب ليحزن وانا على فراقك يا ابراهيم لمحزونون ولا نقول الا ما يرضى ربنا انما الصبر عند الصدمة الاولى الرضا بقضاء الله تعالى شلبية نظرت الى بسمة شلبية:- يا بسمة ماتت بسوء خاتمة وتبكى بسمة:- لقد مات عم النبى صلى الله عليه وسلم وهو كافر وماتت امه صلى الله عليه وسلم قبل بعثته ومات ابوة ايضا شلبية:- انا لله وانا اليه راجعون استغفر الله العظيم بسمة:- اللى بتعملية فى نفسك دا لايرضى الله قومى حبيبتى اغسلى وشك وكلى وقومى شوفى حياتك شلبية:- حاضر بس بالله عليكى تفضلى تدعيلها فى كل سجدة ربنا يرحمها ويسامحها بسمة:- حاضر يلا علشان تنزلى الكلية بكرا ان شاء الله شلبية :- ان شاء الله وفى اليوم التالى استيقظت شلبية واخرجت عباية سوداء ولبستها ولبست اسود فى اسود وذهبت الى الكلية ودخلت الجنينة لتجد اصحابها جالسين فى مكانهم القديم وكلهم يلبسون الاسود نظرت اليهم ولم تسلم عليهم وذهبت لتجلس وحيدة فى مكان بعيد عنهم فقاموا وذهبوا اليها وجلسوا بجانبها فقامت ونظرت اليهم والدموع تغرق وجهها شلبية:- ابعدوا عنى انتوا السبب انتوا السبب انتوا اللى فتنتوها انتوا اللى ضيعتوها انتوا اللى خليتوها تخلع الحجاب الشرعى انتوا اللى جرئتوها تكلم نادر انتوا اللى رجعتوا للاغانى انتوا السبب فى انتكاسها انا بكرهكم انتم اخدتوا منى اغلى صديقة عندى ابعدوا عنى ابعدوووووووووووووووووو (وهى تصرخ وتبكى وكانها منهارة) وجريت وتركتهم وقابلتها بسمة بسمة:- اهدى يا شوشو مش كدا هونى على نفسك وارفقى باصحابك لعل الله ان يتوب عليهم هتبقى خسرتى واحدة وبتخسرى الباقى انصحيهم بالحسنى وبالرفق علشان ميضعوش هما كمان شلبية:- ترتمى فى حضن بسمة وتبكى بكاء مرير وتقول انا موجوعة قوى ع لبنى بسمة:- على فكرة ليلى صحبتك اللى بتقولوا عليها عدلات فى المستشفى اديلها 4 ايام عندها انهيار نفسى جامد ولازم تقفى جنبها يا ترى ايه حصل لعدلات(ليلى) ويا ترى خطيبها ليه دخل فى الموضوع؟ دا اللى هنعرفة الحلقة القادمة باذن الله فانتظرونا |
|
|
|
|
10-28-2013
|
#18 | |
|
بنت النيل
|
بسمة:- على فكرة ليلى صحبتك اللى بتقولوا عليها عدلات فى المستشفى
اديلها 4 ايام عندها انهيار نفسى جامد ولازم تقفى جنبها شلبية:- طيب تعالى نروح نزورها بسمة:- خلاص نخلص كلية ونروح لها شلبية:-هى ايه حصل لها بسمة:- جت لها صدمة لما شافت لبنى ميتة وغرقانة فى دمها وبعدين كان لازم تتعالج عند طبيب نفسى لانها جت لها صدمة عصبية وبعد يومين ام خطيبها فضلت تزن على دماغة يفسخ الخطوبة لانها شايفة انة عيب ان ليلى تتعالج عند دكتور نفسى وبتقول الناس يقولوا عليك واخد واحدة مجنونة شلبية:- ياااااااااااااااااااااااااه ايه الهبل دا هو اللى يتعب نفسيا يبقى مجنون سبحان الله بسمة:- المهم هو فسخ الخطوبة فعلا اول امبارح ولما عرفت انهارت تمام وزاددت حالتها النفسية سوء شلبية:- لا حول ولا قوة الا بالله لا تعالى نروح لها بسمة :- ان شاء الله فى المستشفى شلبية بتسأل الدكتورة المعالجة شلبية:- هى اخبار حالت ليلى ايه يا دكتورة؟ الدكتور:- والله لو دخلتى كلمتيها هتفضل متنحة وباصة فى السقف الله اعلم بتسمع ولا لاء بس مفيش اى رد فعل حتى لا اكل ولا شرب عايشة على المحاليل شلبية:- ممكن ادخل لها؟ الدكتورة:- اتفضلى شلبية وبسمة يطرقوا باب الغرفة ويدخلوا يجدوها نائمة على السرير باصة فى السقف الدموع فى عنيها المحاليل فى ايديها لا تتكلم ولا تنظر لاحد شلبية:- اذيك يا ليلى عاملة ايه؟ بسمة:- قال الله تعالى" قل يا عبادى الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم" مهما كان الذنب كبيييييييييييييييييير وكتييييييييييييييييييييييييييييييير ربنا يقبل التوبة ولا يغلق الباب فى وجة احد شلبية:- ربنا غفور رحيم من تقرب اليه قربة بسمة:- ان البلاء حب للمؤمن وخير له فان كان على معصية تاب ورجع الى الله وان كان على طاعة طهرة ونقاة وعلمة شلبية:- ربنا بيبتلى العباد علشان يرجعوا ليه ويتوبوا ويتقربوا اليه بسمة:- يقول الله تعالى فى الحديث القدسى من ذكرنى فى نفسه ذكرته فى نفسى ومن ذكرنى فى ملأ ذكرته فى ملأ خير منه ومن تقرب اليّ شبراً تقربت إليه ذراعاً ومن تقرب اليّ ذراعاً تقريب اليه باعاً ومن أتانى يمشى أتيته هرولة شلبية:- التائب من الذنب كمن لا ذنب له بسمة:- حب ربنا حياة للقلوب شلبية:- لو حبينا ربنا هتتغير حياتنا وكل حاجة هتبقى حلوة جميلة احنا بنشوف شهوات كتير قدامنا بنفتكر ان فيها متعة ولذة ولكن الصراحة ان المتعة واللذة فى القرب من الله وفى طاعة الله بسمة:- عمر السعادة ما تكون بمعصية ربنا يا ترى ليلى هتستجيب ليهم ولا هى مش سمعاهم يا ترى هياثروا فيها ولا لاء؟ دا اللى هنعرفوا الحلقة القادمة باذن الله |
|
|
|
|
10-28-2013
|
#19 | |
|
بنت النيل
|
وفاجائتهم ليلى ونظرت اليهم
وقالت:- هو انا ممكن ربنا يغفر لى؟! بسمة:- ايوة ومن اغلق باب التوبة؟! باب التوبة مفتوح شلبية:- دا فية واحد قتل 100 نفس وتاب توبة نصوحة لله وقبل الله توبته المهم تكون توبة نصوحة ليلى(عدلات):- انا عاوزة اصلى شلبية فى ذهول :- طيب استنى ننادى الدكتورة ليلى:- عاوزة اصلــــــــــــــــــــــــــى بسمة:- طيب أستنى هأنجيب لك ماية ونوضيكى وصلى وانتى قاعدة على السرير مكانك ليلى(عدلات):-لا مش اول مرة فى حياتى هاصلى اصلى وانا قاعدة انا عاوزة اقوم اصلى ساعدونى وقفونى شلبية:-طيب استنى لازم ننادى الدكتورة ليلى:- لا مش هنادى حد (وراحت وقفت من على السرير وقامت وبتحاول تشيل المحاليل من ايديها بسمة وشلبية ساعدوها) ليلى:- معلش علشان انا تعبانة ممكن تساعدونى اتوضى وكمان ممكن معرفش اتوضى صح بسمة :- انا هاجيب لك المية حالا راحت جابت لها طبق فية ميه دافية ووقفت معاها وساعدتها تتوضى ليلى:- هى القبلة ازاى؟ بسمة فرشت لها المصلية ووقفتها ليلى:- هو ايه بقى اخر اذان اذن من شوية؟ بسمة:- العصر ليلى:- العصر دا اربع ركعات صح؟ بسمة:- ايوة يا حبيبتى اربع ركعات فى اول ركعتين بتقرى الفاتحة وسورة قصيرة وبعدين تقولى نصف التشهد وبعد ركعتين بالفاتحة فقط ليلى:-ماشى شكرا بدأت تصلى وهى بتصلى اذن المغرب انهت صلاة العصر وقامت نظرت لبسمة صلى المغرب بينا بس طولى قوى فى السجود وطولى فى القراءة انا اول مرة هصلى ومش حافظة حاجة اصلى بيها علشان كدا معرفتش استمتع بالعصر بسمة:- حاضر يلا استوا بسمة:- الله اكبر (صلوا المغرب وليلى تبكى فى السجود وتبكى وهى تسمع القران انها تصلى لاول مرة تشعر بالايمان لاول مرة تناجى ربها لاول مرة تتوب لاول مرة) انتهت صلاة المغرب شلبية:- انتى كويسة يا ليلى؟؟ تعالى نامى بقى علشان نركب لك المحاليل يا ترى ليلى كويسة ولا هيحصل لها ايه؟ الحلقة القادمة ان شاء الله ومفاجاءت انتظروناااااااااااا |
|
|
|
|
10-29-2013
|
#20 | |
|
بنت النيل
|
شلبية:- انتى كويسة يا ليلى؟؟ تعالى نامى بقى علشان نركب لك المحاليل
ليلى:- انا مش محتاجة محاليل خلاص انا حاسة ان الحياة دبت فية من جديد بسمة:- يبقى نجيب اكل وتاكلى احنا جعانين ليلى:- ماشى وانا كمان جعانة حطوا الاكل واكلوا وشربوا عصير كمان والحمد لله ونادوا الدكتورة ولكن الدكتورة قالت لهم لازم ليلى تفضل فى المستشفى اسبوع تحت الرعاية الطبية ولو هى شافت ان صحتها اتحسنت هتخليها تخرج ليلى:- شلبية على فكرة انتى معرفتنيش بصحبتك انا متاكدة انها اكيد بسمة صح؟ شلبية:- ايوة هى بسمة معلش انتى كنتى تعبانة ومش وقت تعارف بس دلوقتى الحمد لله بقيتى احسن بسمة:-ايوة يا حبيبتى انا بسمة ليلى:-بسمة هو انا لازم البس خمار؟ بسمة:- لا طبعا مش لازم المهم يكون اللبس شرعى ممكن تلبسى عبايات واسعة مش متطرزة وفوقيهم طرحة طويلة بس تكون طويلة بحيث تغطى جسمك يعنى او ممكن تلبسى اسدال ليلى:- طيب ماشى خلاص انا هالبس طرحة طويلة عبايات واسعة انزلى يا شلبية اشترى لى شلبية:- بس كدا تحت امرك انتى تامرى خلاص حاضر بسمة:- وانا كمان هانزل معاكى ليلى:- لا خليكى انتى يا بسمة معايا علشان شلبية تنزل دلوقتى بسمة:- حاضر من عنيا شلبية:- انا نازلة حد عاوز منى حاجة بسمة:- اه عاوزاكى تشتري لى طلبة معاكى وتاخد بسمة شلبية على جنب وتوسوسها تهمس لها فى اذنها بسمة:- خدى الفلوس دى هات طرحة طويلة لليلى على حسابى هدية شلبية:- ماشى وانا كمان هاجيب لها واحدة هدية على حسابى سلام ونزلت شلبية ليلى:- انا ممكن ربنا يسامحنى بعد كل اللى عملتة؟ بسمة:- اومال مين اللى هيسامحك انتى ليكى حد غيره؟ قال الله تعالى" وهو الذى يقبل التوبة عن عباده" مين يا بنتى اللى يمنعك من التوبة ربنا غفور رحيم ان رجع اليه عبده قبله وتاب عليه واكرمه ورزقه وفتح له وعليه انتى بتقولى ايه دا ربنا تواب بس انتى اصدقى فى التوبة وتوبة توبة نصوح واندمى من قلبك ع كل اللى فات وهو يقبلك ويغفر لك ويعفو عنك ويفتح لك ليلى:-انا بطيخة خالص ومعرفش اى حاجة فى الدين بسمة:- انا هاجبلك شوية حلقات تتسلى بيها وانتى هنا وتسمعيها وان شاء الله تستفيدى ليلى:- يعنى ايه حلقات؟ بسمة:- زى خطب دينية \ كلام فى الدين بيرقق القلب ويعلى الهمة ويعلم وكدا ليلى:- ماشى ياريت ربنا يكرمك طب والنبى متنسيش وياريت تجيبهم لى النهاردة بسمة:- الاول قولى لا اله الا الله ليلى:- محمد رسول الله بسمة:- لاء بقولك قولى لا اله الا الله سمع ابن عمر رجلا يقول والكعبة فقال لا تحلف بغير الله فإني سمعت رسول الله صلى الله عليه وسلم يقول : من حلف بغير الله فقد كفر وأشرك خلاصة حكم المحدث: إسناده صحيح فالحلفان بغير الله شرك ليلى:- ها؟ (يبدوا عليها عدم الفهم) بسمة:- بصى حبيبتى لما تحبى تحلفى وتقولى والنبى او ورحمة فلان متقوليش كدا لان دا حلفان بغير الله ودا حاجة منهى عنها وغلط ولما تنسى او تغلطى وتقولى كدا (والنبى أو رحمة فلان) تروحى على طول قايلة لا اله الا الله ليلى:- لا اله الا الله ماشى فهمت بس اومال اقول ايه طيب؟ بسمة:- تقولى "بالله عليك" حتى تحسيها كلمة رقيقة وجميلة ليلى:-اه حلوة قوى ماشى شكرا ليكى يا بسمة بسمة:- احنا بنروح مدرسة تحفيظ قران انا وشلبية ما تيجى تروحى معانا ليلى:- ماشى خدونى معاكوا ياريت شلبية جت ومعاها الحاجات شلبية:- السلام عليكم انا جيييييييييت بسمة:- وعليكم السلام ورحمه الله وبركاته ليلى:- نورتى الدار يا حجة شلبية:- ياه ضحكتك وحشتنى يا عدلات ليلى:- فرجينى على الحاجات واخلصى شلبية:- ادى يا ستى العباية الواسعة سودا وادى يا ستى خمار وادى يا ستى طرحة طويلة ودى طرحة طويلة نبيتى عارفاكى بتموتى فية هدية منى ودى طرحة طويلة زيتى هدية من بسمة ليلى:- اها تسلم ايدك جمال خالص وشكرا ليكى ولبسمة على هديتكم الجميلة دى اها كنتوا بتتوسوسوا على كدا شلبية:- ايون ليلى:- رب يكرمكم يارب أما نادر من يوم الحادثة وهو مش عارف ينام ابدا ولا عارف حتى يعيش لان صوت لبنى عمال يتردد جواه كل شوية عمال يسمع اخر 3 كلمات نطقت بيهم قبل الموت مش قادر ينام حتى لما بينام بيسمعهم "قول له يسامحنى مش دا الطريق الصح انا خايفة اقابله كادت راسة ان تنفجر من الصداع ومش عارف يعيش خايف مرعوب وفى يوم قرر أنة يقوم يفتح التلفزيون على قناة دينية ويسمع اى حلقة دينية يمكن يهدى ويرتاح وفجأة لاقى حلقة شغالة اسمها مستنى ايه ولاقى الشيخ بيقول "انت مستنى ايه؟؟؟؟؟ مستنى لما تندفن فى قبرك؟ ولا مستنى لما تتغسل؟ ولا مستنى ايه؟ هتوب امتى؟ اوعى تقول بكرا هتوب هو انت ضامن ان بكرا دا يجي اصلا توب الان دلوقتى بلاش تسوف التوبة يمكن تموت قبل ما توب تب الان حالا " تذكر لبنى وكلماتها " انا هتوب بكرا لما نتجوز وهالبس نقاب كمان وهبطل كل حاجة وحشة هتوب" وللاسف ملحقتش تتوب وماتت على خاتمة سوء هى دى نتيجة التسوييف بكى بكاء مرير وحس انه خايف قوى ومرعوب نزل راح مسجد قريب منه دخل وكان امام المسجد شاب قريب منه سنة راح حكى له وبكى وانهار امامه الامام قاله تب الى الله وربنا يغفر لك ويهديك ويثبتك ودله على الطريق وبدأ يسلك الطريق واحدة واحدة وبدا يصلى وينزل المسجد وسار على الطريق الصحيح شلبية بدات شلتها بالتوبة ولبنى ماتت على خاتمة سوء وليلى تابت بعد ما ابتليت بلاء شديد يا ترى ايه اخبار فتكات وحسنات وسعدات؟ كانوا قاعدين سوا هما ال3 بيتكلموا حسنات:- يا ترى شلبية هترجع صاحبتنا تانى ولا هتبعد عننا؟ فتكات:- ويا ترى عدلات هتبعد هى كمان ولا هترجع ولا هتفضل فى المستشفى؟ سعدات:- مش عارفة احنا كدا هيحص لنا ايه وهما قاعديين وموبايل فتكات رن ترن ترن ترن فتكات:- دى شلبية هارد عليها بسرعة فتكات:- الو شلبية شلبية:- سلام عليكم يا حبيبتى انا متصلة علشان اعتذرلكم على اللى حصل منى اخر مرة سامحونى كنت منهارة جدا وفاقدة اعصابى حقكم عليه فتكات:- لا ولا يهمك احنا اخوات ويا ترى عدلات عاملة ايه؟ شلبية:- الحمد لله بخير واتحسنت كتير وهتخرج اخر الاسبوع دا ان شاء الله فتكات:- طيب الحمد لله رب العالمين شلبية:- اشوفكم بكرا فى الكلية ؟ فتكات:- ان شاء الله شلبية:- سلام عليكم فتكات:- وعليكم السلام فتكات:- يا بنات شلبية بتعتذر لينا على اللى حصل وشكلها كدا هترجع لنا تانى وعدلات هتخرج الاسبوع الجاى وبقيت كويسة شكلنا هنتجمع من تانى حسنات:- يارب انتظرونا يا ترى هيستقبلوا عدلات ازاى بعد التغييرات اللى مرت بيها وهتعمل هى ايه ويا ترى هتمشى شلتهم ازاى؟ |
|
|
|
|
| كاتب الموضوع | مي محمد | مشاركات | 33 | المشاهدات | 7986 |
|  |
| انشر الموضوع |
(عرض التفاصيل)
الأعضاء الذين شاهدوا هذا الموضوع منذ بعد 04-22-2024, 07:32 AM
(إعادة تعين) (حذف)
|
|
| لا توجد أسماء لعرضهـا. |
العرض العادي
|
|
الساعة الآن 02:58 AM بتوقيت الرياض
Designed and Developed by : Jinan al.klmah