بحبك يا منى .....................مش وقت حب دة يا أحمد

[frame="1 70"]مسااا مسااا
النهارده هنشوف حاجه غريبه اوي
هي حياه المتزوجين
تعالي نتابع حياه احمد و مني اتنين بيحبوا
بعض زي اي اتنين
في البدايه يتعرفوا علي بعض و يحبوا بعض
و الحوار بينهم يبقي كالاتي
احمد:اذيك يا حبيبتي عامله ايه يا روحي
مني:انا الحمد لله يا حبيبي و انت؟
احمد:انا تمام يا حبيبتي و الله بفكر فيكي
طول ما انا صاحي و بحلم بيكي و انا نايم
مني:بجد يا احمد؟
انا كمان و الله حلمت بيك امبارح
و تستمر بقي كلمات الحب و الغزل
و انتي حبيبتي و انتي حياتي و انتي و انتي و انتي
و هي انت اغلي ما عندي و انت و انت
و انت و يبقي الاتنين مش عارفين يعملوا
ايه علشان يسعدوا بعض
الحياه تمام لحد دلوقتي يجي البيه يتقدم لمني
و يتخطبوا و تحصل مشاكل علي العفش و الفلوس
و ضغط المصاريف و لكن حوارهم يبقي كده

احمد:اذيك يا حبيبتي
مني:انا بخير يا احمد انت عامل ايه انا عارفه
و الله الضغوط عليك كتير اوي
احمد:يا حبيبتي طول ما انا معاكي مفيش
حاجه تضغطني ابدا وكفايه تشجيعك لي
يا واد يا احمد يا جامد انت ايه يا واد الحب
ده لا حبيبه بجد يا واد انت و هي و تمر الايام
و احمد يجوز مني تعالوا بقي نشوف حياتهم
هتمشي ازاي (بس من غير تريقه)
في اول شهر الحياه تمام و الدنيا زي الفل
و بعدين مني تحمل و احمد حبه ليها يزيد
و تخلف مني و يبدا حوارهم كالاتي
احمد صاحي من نومه لسه
احمد:مني يا مني اصحي
مني:ايوه يا احمد عايز ايه
احمد:قومي اعمليلي افطر علشان
انزل الشغل
مني:يا احمد حرام عليك ابنك مسهرني
طول الليل مش عرفت انام و دلوقتي
تقولي قومي روح كل اي حاجه
احمد:ما انتي عارفه انا مش بعرف
اعمل اي حاجه
مني:عندك جبنه و عيش كل
احمد:كل يوم كده؟
مني:اعملك ايه بقي انت عايز تتخانق
علي الصبح و لا ايه ما قلنا ابنك مسهرني
احمد ياخدها من اصرها و يخرج من غير اكل
ما هو زهق يا عيني من الجبنه و العيش
و يروح احمد الشغل و يرجع مشتاق
لحبيبته
احمد خبط محدش فتح خبط تاني محدش فتح
راح فاتح الباب يشم ريحه قنبله بصل رهيييييبه
يدخل المطبخ و بقف في زهول
تااااااااااااااااام
يلاقي حبيبته الي حبها و بيتباهي بجمالها
واقفه ادامه محاطه بقشر البصل و الطبيخ
و شعرها و لا كانها ضرباه في خلاط
و بتعمل الاكل
احمد:اذيك يا حبيبتي
مني:الحمد لله روح شيل الواد عقبال
ما اخلص الاكل
احمد:حاضر يا حبيبتي
مني تعمل الاكل و ياكلوا يشتاق احمد
لخروجه مع حبيبته
احمد:مني
مني:نعم
احمد:ما تيجي نخرج شويه يا حبيبتي
مني:نخرج نروح فين يا احمد ؟
احمد:نخرج نروح حته رومانسيه
زي زمان
مني:ياه يا احمد وقتك ده انا تعبانه من الصبح
انا داخله انام
و تنام مني واحمد ياكل و يتفرج علي التليفزيون
و ينام و يصحي يروح الشغل
و هكذا

نشوف اتنين تاني علي و مها لكن
دول العكس تماما
مها رومانسيه اوي لكن علي يجي من الشغل
علي 5 تعبان كالعاده ينام يصحي 10 ياكل
و ينام تاني يصحي يروح الشغل
و هكذا حتي ميعرفش ولادجه في سنه كام
و لا في مدرسه و لا لا هو يدفع الفلوس
و بس
طب هل دي تبقي عيشه يا شيخ انت و هي
لو انتوا بتحبوا بعض ليه متكملوش سعادتكم
للاخر و كل واحد ينشغل عن التاني
بعد الجواز
هتقولولي مشاكل ما هو كان في مشاكل قبل
الجواز و كنتوا بتعدوها سوا و برده كان
في وقت للحب و الرومانسيه
انا رايي لو الرومانسيه انعدمت بين المتزوجين
تنعدم الحياه بينهم و ده كان موضوعي
و رايي فيه و مستنيه اراءكم
[/frame]

اهلين ياانثه متمرده

ارحب بعودتك القووويه واللي بدأتيها برساله عنوانها واضح ومعروف

اقولك انا عن تجربه بمااني متزوج .. الرومنسيه تقدر تعيش معاك طوول العمر لحد ما منى تدفن احمد او احمد يدفن منى ...

لكن الطريقه تختلف الاسلوب يختلف طريقة الحوار تختلف
انااقدر ابين لمراتي اني بحبها بمليون طريقه بعيد عن كل امور الرومنسيه المعلومه والمعتاده
طالما رسالتي لها وصلت
الزوجه كذلك لابد تكون فطنه وذكيه وتفهم الرساله مش بس تمشي مع زوجها بكل امور حياتها وماتعرفش انه في رسائل مبطنه تبين هذا الحب بين الاثنين

برأي المتواضع جداً طالما وجد تفاهم وجد حب اهم حاجه نبعد عن لحظات النك اللي بتصيب الزوجين باوقات معينه
انا مزاجي حالياً متعكر مش عايز حد يكلمني تسيبه نهائي وترجع له لما موده يتحسن
هو كمان لما تكون مراته طفشانه مش طايقة نفسها يسيبها ويبعد عن جو البيت وجوها لين تهدأ

وبعدها راح يشوف اجمل رومنسية

انثى متمرده اشتقنا لمواضيعك الاجتماعيه الهادفه والمهمه

طرح جميل وسرد رائع
من وجهة نظري كسعودية
في مجتمعي 95% مفتاح السعادة بيد الزوجه
اي بيت سعودي هو ملك للزوجه وليس امتلاك
لا اتكلم عن الجدران والديكور والاثاث
بل اتطرق للاحترام السعاده التربية
حتى الزوج تعيد تربيته هي بعد ان استلمت من والدته عناء مشوارها الطويل في تكوين هذا الشخص على مدى عمر اخذ من دمها ووقتها وراحتها وصبرها وعافيتها

الزوجه : هي من تسعد نفسها لتسعد من حولها
لا تتجج بالظروف والمشاعر والحب
هي من تصنع الظروف وتجبر انف الحب ان يركع امامها وايضا يمجدها ويصفق لها

هي كل الحياة
نعم لا انكر اهمية التعاون بين الزوجين
ولكن هي وهي فقط من توزع السلطات بين افراد المنزل فيما يحقق السعاده

فالسعاده تكون روحية وجسدية حتى جدوان المنزل ام ان تضج بها واما ان تضمأ منها


فيا سيدتي
عليك بامساك سلسة المفاتيح برفق ودقه
لكي تفتحي ابواب منزلك للسعاده



سررت بالمرور هاهنا

باقه من الورود لهذا الجمال
كل الإحترام والتقدير ..

شكرا على الطرح المشوق والجميل..
،
باختصار لايوجد زوجين سعدا .
السعاده بداية الزواج ثم تتبخر هههه
تحياتي لك انثى متمرده