[ALIGN=CENTER][TABLE1="width:100%;background-color:black;"][CELL="filter:;"][ALIGN=center]
السلام عليكم
اليوم غادي نحط لكم حلويات بلهجتنا ما غادي نغير والو فيها
وانتم عليكم تتعودوا عليها باش تتعلموها مزيا كنقصد لهجتنا ههههه
يالله نخليكم مع هاد الشكيلات
كملاحظة اغلب هادي الاشكال مجربة من طرفي وطلعت غزالة وزوينة بزااااف
المقادير
الحشوة.. كيلو لوز مسلوق و مقشر و منشف مزيان و مطحون+4 كؤوس سنيدة+ 4 برتقالات محكوكين+ صفار البيض اللي غادي يجمع اللوز
هادو مقاديري الخاصة اللي كندير شخصيا...
العجين..نصف كيلو دقيق+ كاس زبدة +2 صفار البيض+الزهر باش نجمعوها و القليل من الملح.
الطريقة ناخد العجين نبسطه جيدا و نستعمل قاطعا دائريا كبير يعني المرشم و نضع فيه كرة من الحشوة و من بعد نبداو نقرصوها من الجوانب باستعمال الملعقة نتمنى تكونو فهمتو
من بعد من نكملوه نخليوه يبات في اللاطة و يكون مصفوف مليح باش ميتحلش في الطياب
من بعد كنديرو فيه العقيق مباشرة كندخلوه للفران و بالصحة و الراحة.
تانيا الرخامة
المقادير...
كيلو كاوكاو مقلي مهرمش
شوية القرفة
شوية الزهر العسل باش نجمعوها
نصف كيلو شكلاط اسود
و للتزيين الشكلاط الابيض
الطريقة نبسط الحشوة فوق بلاستيك من بعد نديب نصف كمية الشكلاط و نسكبها فوق الحشوة نتركها تبرد من تجمد نقلبوها و نكبو عليها النصف التاني من الشكلاط و نزينها يالشكلاط الابيض متل "ميل فوي" نتركها تبرد عاد نقطعوها.
تالتاالياسمينة
رابعا الشريحة
مقادير العجينة..
نصف كيلو دقيق+كاس زبدة+الزهر باش تجمعي العجينة
الحشوة..كيلو تمر+القليل من الزنجلان+شوية الزهر باش تجمعيه
الطريقة نجمع مقادير الحشوة مع بعضها و نصنع منها كويرات من بعد نورقو العجينة و نقطعوها دوائر بالمرشم و نضع وسطها الحشوة من بعد نطبعوها بالمطبع الخاص بها
التزيين من كنخرجوها من الفران ممكن تستعملي العسل او الناباج و في الوسط ديري القليل من الزنجلان.
خامسا العوينة
مقادير عجينة
250غ طحين
ملعقة زبدة
القليل من الملح
القليل من المسكة الحرة و يمكن تعويضها بالفاني لمن يحب نكهة الفاني
و ماء الزهر لجمع العجين
مقادير حشوة حلوة العين
250غ من اللوز مصلوق و مطحون (مثل اللوز الذي نستعمله في كعب الغزال)
150غ سكر الصقيل
لتزيين حلوة العين: نحتاج للوز
طريقة تحضير حلوة العين
العجين: نخلط جميع مقادير العجينة للحصول على عجينة لينة
الحشوة: نخلط جميع مقادير الحشوة و نشكلها على شكل أصابع
نبسط العجين و نضع فوقها اللوز مثل كعب الغزال و تقطع
نأخد العجين و نلصق أطرافها مع بعض بحيث تكون الجهة المبسطة في الأسفل و الجهة المقطعة بالجرارة تكون بالأعلى و نضع فوقها لوزة كما في الصورة
ثم ننقشها بالمنقاش كما في الصورة
ندخلها للفرن و بعدما نخرجها تدهن بالناباج
سادسا حلوى التاج بالكوك
المقادير
كيلو كوك+ 4 كؤوس سنيدة+ صفار البيض اللي ممكن يجمع الكوك+ اربع حامضات محكوكين
للتزيين الكريمة و الناباج
نجمع المقادير و نبسطوها و نقطعوها بالمرشم على اي شكل تحبين من بعد نزوقوها بالكريمة اللي معدلاها ببياض البيض مع السكر كلاصي مخفوق مزيان حتى يجي قاصح
من تخرج من الفران نتركه تبرد و نزينوها بالناباج ملون.
سابعا المفلحة
المقادير
العجين..نصف كيلو دقيق+نصف رابعة زبدة+شوية الملح+نصف كاس ماء الزهر
الحشوة كيلو كاوكاو محمر مزيان و مطحون +رابعة ديال السنيدة نطحنوه معاها مزيان+ شوية المسكة +ملعقة قرفة
الطريقة نبسط العجين و نديرو وسطو الحشوة على شكل طولي معرفتش نقولها بالعربية "بودان""
و نلفو عليه العجين
و نقطعوها متل السيجار و نفلحوها بسكين تكون ماضية
ندخلوها للفران ومن نخرجوها نديرو ليها العسل و بالصحة و الراحة
تامنا الوريدة
و مزال الحلويات [/ALIGN][/CELL][/TABLE1][/ALIGN]
05-29-2011
العرض العادي
